Isang dayuhang terorista ang timbog ng mga otoridad sa Cotabato City.
Nakilala ang suspek na si Adel Sulaiman Alsuhibani, alias “Khalid”, 60 taong gulang, isang Saudi national at nag-ooperate sa East Asia na miyembro umano ng Islamic State of Iraq and Syria (ISIS).
Kasama sa inaresto ang Pilipinang asawa ni Khalid na si Norhaya Silongan Lumanggal, pawang residente ng Bubong Area, Batangay Datu Balabaran.
Ayon kay 6th Infantry Division Chief at Joint Task Force Central Commander Major General Juvymax Uy, ni-raid nila ang bahay ng mag asawa bitbit ang arrest warrant at narekober sa operasyon ang isang laptop, flash drive, passport, passbook at kagamitan sa paggawa ng improvised explosive device.
Dalawang buwang isinailalim sa surveillance ang suspek matapos makumpirma ang ugnayan nito sa grupo ni Shiek Esmail Abdulmalik, alias “Kumander Abo Toraife” ng Dawla Islamiah Group/BIFF ISIS-inspired group at Saudi-based ISIS facilitator.
Mahigpit namang itinanggi ni Alsuhibani na terorista siya, at isa lamang siyang money lending businessman.