Inilunsad na ng militar ang airstrike laban sa mga Islamic state-inspired group sa bayan ng Carmen, North Cotabato.
Ayon kay Capt. Arvin John Encinas, Spokesman ng 6th Infantry Division, target sa airstrikes ang grupo ni Esmael Abdul Malik, alyas commander Abu Torayfe, leader ng Bangsamoro Islamic Freedom Fighters o BIFF.
Namataan si Malik sa magubat na bahagi ng Barangay Tonganon at Bentangan.
Gayunman, wala pa anyia silang natatanggap na ulat na may nasugatan o nasawi sa pag-atake ng dalawang military helicopters.
Sampung “high value targets” at ilang dayuhan ang nakitang kasama ni Abdulmalik sa nakalipas na mga araw.
—-
