Bibitbitin ng basketball team ng Pilipinas sa pagsabak sa 32nd Dubai International Basketball Championship si dating NBA guard Nick Young.
Ipinabatid ni Strong Group Realty Philippines Coach Charles Tiu na malaki ang maitutulong ni Young sa koponan sa naturang event na sisimulan sa January 27, 2023 hanggang February 5.
Inaasahang darating sa bansa si Young sa ikalawang linggo ng Enero at sabay na rin sa Philippine Team patulak ng Dubai.
Nagpaabot na rin ng katuwaan si Young sa paglalaro sa PBA.
Ang 11 year NBA veteran ay naging bahagi ng Golden State Warriors nang mag kampeon ito nuong 2018 at nakapaglaro na rin sa iba pang NBA teams tulad ng Los Angeles Clippers, Philadelphia Seventy Sixers, Los Angeles Lakers at Denver Nuggets.
