Arestado ng mga tauhan ng Criminal Investigation and Detection Group (CIDG) ang dalawang hinihinalang miyembro ng New People’s Army (NPA).
Ito’y sa kasunod ng ikinasang operasyon ng pinagsanib na puwersa ng militar at pulisya sa Block 5, Kaingin 1, Brgy. Pansol Quezon City kaninang madaling araw.
Sa pulong balitaan sa Kampo Crame kanina, kinilala ni Philippine National Police (PNP) Chief P/Gen. Guillermo Eleazar ang mga naaresto na sina Julieta Gomez na taga Agusan del Sur at Niez Velasco na mula naman sa Surigao del Sur.
Nadakip ang dalawa matapos pagsilbihan ng warrant of arrest dahil sa mga kasong mruder, attempted murder at crimes against humanity.
Nakuha mula sa mga nahuli ang samu’t saring matataas na kalibre ng armas, mga subersibong dokumento gayundin ang isang watawat ng NPA.