Iginiit ng International Criminal Court-Accredited Lawyer na si Atty. Joel Butuyan na hindi maililigtas ng Senado ang isa sa mga miyembro nito na si Senador Ronald ‘Bato’ Dela Rosa mula sa ICC.
Sa katunayan, dapat anyang isuko ng mataas na kapulungan ng kongreso ang dating hepe ng Philippine National Police sa oras na dumating ang warrant laban dito.
Binigyan-diin pa ni Atty. Butuyan, na mayroong batas kung saan nakasaad na kapag nasa recess ang Senado ay wala itong responsibilidad at kakayanan na pigilan ang pag-aresto rito.
Nabatid na sinabi mismo ni Senate President Francis ‘Chiz’ Escudero na maaaring magtago si Senador Dela Rosa sa Senado sa oras na dumating na ang arrest warrant laban dito. —sa panulat ni Alyssa Quevedo
