Gumuho ang bahagi ng Atimonan Old Zigzag Road o kilala sa tawag na “Bitukang Manok” sa bayan ng Pagbilao, Quezon.
Ito, ayon sa mga otoridad, ay bunsod ng walang tigil na pag-ulan simula noong biyernes ng gabi.
Nagkabitak-bitak at gumuho ang ginagawang riprap sa Sitio Amao, Barangay Silangan Malicbo.
Bagaman maaari pang daanan ang kalsada, ipinapayo ng Department of Public Works and Highways o DPWH na iwasan muna ang Bitukang Manok upang maiwasan ang aksidente.
Sa kabila nito, wala namang naitalang sugatan sa insidente.
