Magdadagdag ng traffic enforcers at counterflow lanes ang NLEX o North Luzon Expressway bukas.
Bahagi ito ng paghahanda para sa event ng Iglesia ni Cristo na tinatayang dadaluhan ng halos 150,000 miyembro nito sa Philippine Arena sa Bulacan.
Ayon kay Tollways Management Corporation Spokesman Kiko Dagohoy, kailangan ng dagdag na traffic management team dahil umaga pa lamang ay may pupunta na sa lugar at apektado talaga ang northbound traffic.
Sinabi ni Dagohoy na maglalagay sila ng counterflow lane partikular sa sakop ng Marilao para hindi bumigat ang daloy ng trapiko.
By Judith Larino
