Kinilala na ang taxi driver na hinoldap umano ni Carl Angelo Arnaiz, ang 19 anyos na College Student na napatay ng mga pulis sa Caloocan City.
Dalawang affidavit ang ibinigay sa pulisya ng driver na si Tomas Marleo Bagcal, 54 anyos na inissue noong ala 7:30 ng umaga ng Agosto 18.
Sa unang sinumpaang-salaysay, inihayag ni Bagcal na hindi niya nakilala kung sino ang hold upper subalit sa ikalawang affidavit noong Agosto 29 ay namukhaan na ng tsuper ang sinasabing suspek.
Ayon kay Bagcal, naka-itim na sweatshirt na may hood, itim na sombrero, blue na maong short pants, naka tsinelas at may dalang bag ang sinasabing holdupper.
Sinamahan din ni Bagcal ang mga pulis sa pagtugis sa suspek subalit nasa likod lamang siya ng isang poste nang maganap ang shootout.
Matapos mapatay ang holdupper, ipinakita ng mga pulis sa driver ang lalaking nakabulagta sa kalsada.
By: Drew Nacino
SMW: RPE
