Asahan ang dagdag-bawas sa presyo ng produktong petrolyo sa darating na linggo.
Una nang nag anunsyo ang mga kumpanyang Petro Gazz at Shell.
Batay sa abiso ng Petro Gazz, tataas ng P0.40 kada litro ang presyo ng kanilang diesel samantalang bababa naman ng P0.10 kada litro ang gasolina.
Samantala, magkakaroon din ng P0.10 tapyas sa kada litro ng gasolina, P0.40 dagdag sa kada litro ng diesel, at P0.30 dagdag naman sa kada litro ng kerosene ang kumpanyang Shell.
Ipapatupad ito sa darating na Martes, Enero 7, sa ganap na 6 a.m.
Ito ang kauna-unang paggalaw sa presyo ng produktong petrolyo ngayong taong 2020.
