Pinaikli na ang curfew hours sa Mandaluyong City.
Batay sa ordinansa ng sangguniang panglungsod na inaprubahan ni Mayor Menchie Abalos, magsisimula ang curfew ng alas-10 ng gabi hanggang alas-5 ng umaga.
Ayon sa lokal na pamahalaan, ginawa ang naturang hakbang dahil pinayagan na rin ang pagbubukas ng ilang essential establishments.
Tiyak kasing mahihirapan ang ibang mga empleyado na makauwi ng kanilang tahanan bago mag alas-8 ng gabi lalo’t limitado pa rin ang transportasyon.
Una nang nagkaroon ng pagbabago sa curfew hours ang Quezon City at ang lungsod ng Maynila.
