Nadagdagan pa ng 85 katao ang nagpositibo sa coronavirus disease 2019 (COVID-19) sa bahagi ng Western Visayas.
Batay sa health department ng rehiyon, naitala ang mga kaso ng nakamamatay na virus sa mga sumusunod na lugar:
- Bacolod City,
- Iloilo,
- Negros Occidental,
- Iloilo City,
- at, Capiz.
Dahil dito, umakyat na sa 1,703 ang mga kumpirmadong kaso ng COVID-19 sa naturang rehiyon.
Nasa 863 sa naturang bilang ang itinuturing na active cases.
Nadagdagan din ng 60 ang bilang ng gumagaling sa virus, kaya’t 818 na ang total recoveries.
Sa kaparehong bulletin, 22 na ang nasasawi dahil sa COVID-19 sa rehiyon.
