Sumampa na sa halos 17,000 ang kaso ng coronavirus disease 2019 (COVID-19) sa Central Visayas.
Ito, ayon sa Department of Health (DOH) Central Visayas Center for Health Development, ay matapos madagdag ang 92 bagong kaso ng coronavirus disease 2019 (COVID-19) sa lugar.
Sa naturang bilang, nasa mahigit 5,000 ang aktibong kaso.
Nasa 930 na ang death toll sa Central Visayas, samantalang mahigit 10,000 ang recoveries.
Malaking bilang o mahigit 9,000 kaso ng COVID-19 sa Central Visayas ay mula sa Cebu City at nakapagtala rin ng mataas na kaso ang Cebu Province, Talisay City, Minglanilla, Consolacion, Mandaue City, Lapu-Lapu City, Negros Oriental, Bohol at Siquijor.