Hindi pumayag ang Commission on Elections (COMELEC) na palitan ang electoral board members sa Bangsamoro Autonomous Region in Muslim Mindanao (BARMM) para sa Halalan 2022.
Binigyang diin ni COMELEC Commissioner George Garcia na sumailalim sa training ang mga gurong nakatalaga sa election boards sa buong bansa.
Kailangan din aniya ng mga teacher na makakuha ng certification mula sa Department of Science and Technology bilang requirement sa umiiral na regulasyon at batas.
Matatandaang sinabi ni Cotabato City Mayor Frances Cynthia Guiani-Sayadi na nagprotesta ang mga gurong tinanggal ang pangalan sa electoral board members at pinalitan ng ibang teachers.
