Cebu road rage suspect David Lim pinayagang makalabas ng bansa

Pinayagan ng Cebu City Regional Trial Court si Cebu road rage suspect David Lim Jr. na makapagbiyahe sa ibang bansa.

Pinaboran ni Judge Alexander Acosta ang hirit ng kampo ni Lim na makasama siya sa nakatakdang cruise ng kanyang pamilya mula sa Amerika patungo sa Canada mula May 29 hanggang June 2.

Inatasan ng korte si Lim na maglagak ng tatlong daang libong pisong (P300,000) travel bond at ang personal na pagharap nito sa korte kapag nakabalik na sa bansa.

Pumalag naman ang kampo ng biktima kung saan nangako ang abogado nito na hihirit sila ng TRO o temporary restraining order upang hindi ito makaalis ng bansa.

Nahaharap si Lim sa kasong frustrated homicide at illegal possession of ammunition matapos na barilin ang isang nurse dahil sa away-trapiko.

By Rianne Briones   

Comments

comments