Patay dahil sa coronavirus disease 2019 (COVID-19) ang dalawang pulis mula sa Cebu City.
Ayon kay Cebu City Police Office OIC Col. Cydric Earl Tamayo, may edad 29 at 46 ang dalawang nasawing pulis.
Isa aniya sa mga ito ay nakatalaga sa crime laboratory ng Abellana Police Station at na-admit sa isang pribadong ospital noong June 4 matapos makaranas ng ilang sintomas ng COVID-19.
Habang miyembro naman ng crisis response battalion ang isa pa na isinailalim sa COVID-19 test matapos ma-ospital nang maaksidente sa motorsiklo noong June 7.
Batay sa isinagawang contact tracing, nabatid na nakuha ng dalawa ang COVID-19 habang nasa tarabaho.
