SPORTS

Arestado ang isang lalaki sa Rio de Janeiro matapos ang tangkang pag-apula sa Olympic Torch.

Nasa kustodiya na ng mga kapulisan ang 27-anyos na lalaking hindi na pinangalanan.

Sinabuyan ng isang timbang tubig ng lalaki ang Olympic torch habang dumadaan sa bayan ng Maraju sa Central Brazil.

Depensa naman ng lalaki, isang dare lamang sa mga kaibigan niya sa Facebook ang ginawa niya.

Agad din nakalaya ang lalaki matapos na makapagbayad ng kanyang piyansa.

By Mariboy Ysibido 

Hindi na sasalihan ni 18 Time Olympic Gold Medalist Michael Phelps ang 200 meter freestyle preliminaries ng US  Swimming Team  para  sa Rio De Janeiro Olympics.

Dahil dito 4  na events na lamang ang inaasahang lalahukan sa preliminaries ni Phelps na kinabibilangan ng 200 Butterfly, 100  Butterfly, 100 Freestyle at 200 Individual Medley.

Matatandaang  sa 200 Butterfly ay  nasungkit ni Phelps  ang silver medal sa London Olympics nuong 2012.

Sa butterfly din nagwagi nuong 2008  Beijing games si Phelps kung saan ito humakot ng makasaysayang gintong medalya.

By: Ralph Obina

Nakabawi ang Philippine National Men’s Basketball Team matapos ang dalawang sunod-sunod na pagkatalo.

Ito’y makaraang padapain ng Gilas Pilipinas ang China sa score na 72-69 sa Imperial City Basketball Tournament sa Land Rover Arena sa Bologna, Italy.

Ito ang unang panalo ng Gilas matapos malugmok sa kamay ng Turkey at Italy sa kanilang European training tour.

Si Terrence Romeo ang nanguna sa Gilas taglay ang 18 points kabilang ang 11 points sa fourth quarter habang kumamada naman si Andray Blatche ng 14 points.

Itinuturing na rematch ang naturang laro ng Gilas at China matapos itong mabigo sa kamay ng mga Tsino sa nakaraang FIBA Asia.

Wala naman ang mga mababangis na atleta ng China na sina NBA draft Pick Zhou Qi at dating NBA player Yi Jianlian.

By Jelbert Perdez

Photo Credit: fiba.com

Pinangalanan na ang 12 players na bubuo sa Gilas Pilipinas na sasabak sa FIBA Olympic Qualifying Tournament sa susunod na buwan.

Ipinabatid ni Gilas Head Coach Tab Baldwin na kabilang sa tinaguriang first four sina Andray Blatche, Jayson Castro, June Mar Fajardo at Gabe Norwood.

Kabilang naman sa apat na sumunod na napili sina Japeth Aguilar, Ranidel de Ocampo, Terrence Romeo at Marc Pingris.

Inanunsyo na rin ang pagiging bahagi ng Gilas team nina Jeff Chan, Bobby Ray Parks, Ryan Reyes at Troy Rosario.

Samantala, magsisilbi namang reserve players sina Calvin Abueva at LA Tenorio.

By Judith Larino

Binalikan ng San Beda Red Lions ang defending champion na Letran Knights sa kanilang muling paghaharap sa pagbubukas ng season 92 ng NCAA

Namayagpag ang performance nila Ranbill Tongco at Davon Potts ng Lions dahilan upang mabawian nila ang Knights sa score na 89-85

Samantala, hindi rin pinalad ang JRU Heavy Bombers sa kamay ng Mapua Cardinals sa score na 74-71

Tinapos ng MVP nuong isang taon na si Allwell Oraeme ang laban makaraang makapagbuslo ito ng 24 na puntos at makapagtala ng 17 rebounds

By: Jaymark Dagala