Balik NBA si Argetina guard Manu Ginobili matapos unang kinunsider ang pagreretiro
Gayunman hindi binanggit ni Ginobili kung anong team siya maglalaro para sa panibagong season ng NBA bagamat naglaro sa San Antonio Spurs sa buong NBA career niya
Magugunitang ibinasura ni Ginobili ang 2. 9 Million Dollar player option para sa susunod na NBA season at isang free agent
Inaasahan si Ginobili na maglalaro para sa Argentina sa Rio de Janeiro Olympics sa susunod na buwan
By: Judith Larino
Binalaan ni worlds number one tennis star Serena Williams ang kanyang mga kalaban sa Wimbledon na hindi niya sasapitin ang masaklap na pagkatalo ni Novak Djokovic.
Ito ay makaraang maagang matalo ang defending champion na si Djokovic sa third round pa lamang ng Wimbledon matapos idispatsa ni Sam Querrey nitong weekend.
Ayon kay Williams, kinokondisyon niyang maigi ang kanyang isip upang hindi aniya magaya kay Djokovic.
Hinaing ni Williams, malaking balita para sa buong mundo sa tuwing siya ay natatalo ngunit mistulang normal na bagay lamang kapag siya naman ay nagkakampeon.
Dahil dito hindi aniya nito hahayaang maging kahiya-hiya sa paningin ng buong mundo.
By Ralph Obina
Photo Credit: USA Today Sports
Desidido si tennis star Serena Williams na makuha ang pang-pitong Wimbledon Title matapos na talunin si Annika Beck ng Germany sa ikatlong-round ng nasabing torneo.
Nakuha nito ang panalo nang walang kahirap-hirap sa score na 6-3, 6-0 sa ginanap na laro nila sa Center Court.
Nakatakdang makakaharap nito si Sventlana Kuznetsova ng Russia.
Tinalo ng 13th seed Russian player si Sloane Stephens 6-7 (1-7) 6-2-8-6.
By Mariboy Ysibido
Posibleng makapaglaro si Kobe Paras sa National Collegiate Athletic Association sa kabila ng hindi pagkakapasok sa University of California, Los Angeles.
Sa inilabas na statement ng UCLA, nabatid na nagkaroon ng problema sa nakuhang score ni Paras sa scholastic assessment test kahit consistent honor student ito.
Gayunpaman, ayon sa coach ni Paras na si William Middlebrooks, tiwala itong makapaglalaro pa rin si Paras sa 2016 NCAA season.
By: Avee Devierte
Pinalawig ng Los Angeles Lakers ang qualifying offers kay Jordan Clarkson, Tarik Black, and Marcelo Huertas.
Dahil dito, maituturing ang Tatlong basketbolista bilang restricted free agents.
Si Clarkson ay may average 14.0 points, 3.7 rebounds, at 2.9 assists sa loob ng Dalawang season sa ilalim ng Lakers.
Mayroon namang average 5.3 points at 5.2 rebounds sa 57.5 percent shooting para sa Lakers si Black.
Samantala, mayroon naman si Huertas ng 3.4 assists per game bilang backup sa nakalipas na season.
By: Avee Devierte
Walang ibinibigay na anumang comittment sa laban si retired boxing champion Manny Pacquiao.
Ito ang nilinaw ngayon ng business adviser ni Pacquiao na si Michael Koncz sa harap ng isinusulong ni hall of famer coach Freddie Roach na malakalaban ni Pacquiao si WBO junior welterweight champion Terrence Crawford.
Sinabi Koncz, walang napagkakasunduan sa ngayon dahil sa abala aniya ang pambansang kamao sa paggampan nito sa tungkulin bilang senador.
Matatandaang kahit wala pa mang laban ay inireserba na ni Top Rank CEO Bob Arum ang petsang October 15 para sa posibleng pagbabalik sa boksing ni Pacquiao.
By Ralph Obina
Nilinaw ng University of California sa Los Angeles ang dahilan kung bakit hindi na nila kinuha si Filipino rising basketball star Kobe Paras.
Sa inilabas na statement ng UCLA, mayroong hindi naabot na requirement ang 18-anyos na basketball star.
Nagkaroon ng problema ang score ni Paras sa scholastic assessment test (SAT) kahit na consistent naman itong honor student.
Sinabi naman ng mga coaches niya sa Middlebrooks Academy na academically eligible si Paras na makapaglaro sa NCAA Division 1 Program.
Pinili naman ni Paras na manahimik na lamang sa nasabing isyu.
By Mariboy Ysibido
Ligtas at nakaalis na ang Gilas Pilipinas sa Istanbul Airport halos limang oras bago umatake ang tatlong suicide bombers ng ISIS.
Nagmula ang nationals sa isang three-week training camp sa Europe kung saan nila hinarap ang koponan ng Turkey sa Istanbul kamakailan at lumahok sa four-team, pocket tournament sa Bologna, Italy.
Ikinagulat naman ni naturalized player Andray Blatche ang biglaang pagbaha ng mga text sa kanyang cell phone ilang oras matapos dumating ang Gilas Pilipinas sa Manila mula sa Turkey noong Martes ng gabi.
Ang dahilan nito ay ang pag-atake ng teroristang ISIS sa Istanbul International Airport na ikinamatay ng 41 at ikinasugat ng 239.
By Mariboy Ysibido
Inamin ni national basketball coach Tab Baldwin na marami pang kailangan plantsahin sa Gilas team bago sumabak ang kanilang koponan sa Olympic Qualifier sa June 5.
Ito ang obserbasyon ni Baldwin matapos ang dibdibang training camp at tune up matches ng Gilas abroad.
Ayon sa Gilas coach, kailangan nilang palakasin ang chemistry at disiplina ng koponan.
Dahil sa pagkakaroon aniya ng disiplina ay doon naman nila mapapalakas ang kaniklang depensa na kailangang kailangan upang di basta-basta nakakapuntos ang kalaban.
Para naman sa problema ukol sa mga mas matataas na kalaban ng Gilas, kinakailangan lamang aniyang maging matalino ang mga Pinoy at maglaro na parang kasinlaki ng kanilang mga kalaban.
Sa Hulyo 1 ay nakatakda pang makipag-tune up ang Gilas sa koponan ng Turkey bago lumaban sa Olympic Qualifier sa susunod na linggo.
By Ralph Obina
Sinimulan na ni tennis superstar Maria Sharapova ang pag-aaral ng short-course program sa Harvard Business School.
Nag-post ito ng larawan sa kanyang social media account na nasa loob ng campus ng nasabing sikat na business school.
Dadalo ang five-time grand slam ng dalawang linggong program sa nasabing unibersidad.
Bukod sa pagiging tennis star ay nagbebenta rin ito ng candy na may pangalang Sugarpova isang uri ng gummy snacks.
Si Sharapova ay suspendido ng dalawang taon dahil sa pagbagsak nito sa drug test.
By Mariboy Ysibido