SPORTS

Desidido si World Number One tennis player Serena Williams na masungkit ang kampeonato sa Wimbledon Finals.

Pero bago ito ay tiyak na dadaan din sa butas ng karayom si Williams dahil sa makakaharap nito sa finals si Angelique Kerber ng Germany.

Ayon kay Williams, nais niyang gantihan si Kerber matapos siyang talunin nito noong Enero sa Australian Open Finals.

Maliban dito, si Kerber din ang tumalo sa semis sa kapatid ni Williams na si Venus.

Inamin ni Williams na marami siyang natutunan sa kanyang pagkatalo noon kay Kerber at hindi na ito papayag na muling magapi ng German tennis player.

By  Ralph Obina 

Pinayuko ni Serena Williams ang unseeded Russian tennis player na si Elena Vesnina sa Wimbledon Open.

Umiskor si Serena ng 6-2 6-0 para makapasok sa finals ng torneyo.

Posible namang makaharap ni Serena ang kanyang kapatid na si Venus para sa ika-siyam na grand slam final o ang German star na si Angelique Kerber.

Gaganapin ang championship round sa Sabado.

By  Mariboy Ysibido 

Photo Credit:  Toby Melville/Reuters

Tuluyan nang nawala ang pangarap ng Gilas Pilipinas na makapasok sa 2016 Rio Olympics matapos silang matalo sa laban kontra New Zealand.

Bigo ang Gilas na makuha ang panalo sa kanilang do-or-die game laban sa New Zealand na nauwi sa score na 89-80.

Sa unang dalawang quarter, panay pa ang hataw ng Gilas at nakakahabol pa sa lamang ng mga kalaban, ngunit humupa rin ito lalo na sa huling quarter kasabay ng pag-hupa rin ng ingay ng mga Pinoy supporters.

Dahil sa kanilang panalo, didiretso na sa semi-final round ang New Zealand kasama ang France sa Group B dahil laglag na sa slot para sa Olympics ang Pilipinas.

By  Mariboy Ysibido

Nahaharap sa crucial game ang Gilas Pilipinas laban sa New Zealand sa pagpapatuloy ng FIBA Olympic Qualifying Tournament.

Kaya naman nananawagan ang ilang sports leaders at basketball fans sa bansa na itodo na ang suporta at panalangin para sa pambansang koponan.

Sa twitter, nagpost ang dating team captain ng Gilas na si Jimmy Alapag na muling ipakita sa buong mundo ang pagiging “world’s most valuable fans.”

Ang dating Gilas head coach na si Chot Reyes naman, umapela  sa mga tutungo sa MOA Arena mamayang gabi na magsuot ng kulay Blue na damit upang ipakita ang buong suporta sa mga players.

Mamayang alas 9 ng gabi nakatakdang magharap sa MOA Arena ang Gilas Pilipinas at New Zealand.

By: Avee Devierte

Desidido ang Gilas Pilipinas na makabawi mamayang gabi kontra New Zealand matapos matalos sa kamay ng France sa FIBA Olympic Qualifier.

Ayon kay Marc Pingris, isa sa mga dahilan ng kanilang pagkatalo kagabi ay maraming turnover.

Sinabi ni Pingris ito ang nais nilang limitahan ang kanilang mga error mamayang gabi upang maging maganda ang resulta ng laban.

Malioban dito, nakita naman ni Jeff Chan na nawala ang ball movement ng Gilas at naging one on one ang laban kayat nahirapan silang makapuntos.

Nangako naman si Andray Blatche na hindi na sila muling makakapante sa oras na sila ay lumamang mamaya kontra New Zealand.

Matatandaang nagawa kahapon ng Gilas na lamangan ng sampu ang France ngunit bigo silang mapanatili ito hanggang sa tuluyan silang matalo sa iskor na 84-93.

By  Ralph Obina

Bigong masungkit ng Gilas Pilipinas ang panalo sa kanilang unang laro kontra France sa Manila Leg ng 2016 FIBA Olympic Qualifying Tournament (OQT).

Nagtapos ang laban sa iskor na 93-84 pabor sa France.

Bagaman ilang beses ring nakalamang ang Pilipinas, mas madalas namang nanguna ang France sa laban at umabot pa sa 13 ang pinakamataas nilang lamang sa Gilas.

Ginanap ang laban sa Mall of Asia Arena sa Pasay City na dinumog ng mga basketball fans, kabilang na nga si Pangulong Rodrigo Duterte na siya pang nanguna sa jump ball.

Huling nakalaban ng Gilas ang France noong 2014 sa kanilang homecourt sa Antibes.

By  Mariboy Ysibido 

Pasok na sa Quarterfinals ng Wimbledon ang  magkapatid na sina Serena at Venus  Williams.

Ito ay  makaraang  talunin ni  Venus ang kalabang si Carla suarez Navarro ng Spain sa iskor na  7-6,  7-3 at  6-4.

Samantala, wala namang   kahirap  hirap  na idinispatsa ni Serena ang russian na si Svetlana  Kuznetsova  sa iskor na 7-5,  6-love.

Susunod namang makakalaban ni Serena WILLIAMS ang tennis player na si  Anastasia Pavlyuchenkova.

By: Ralph Obina

Handang-handa na at wala ng makakahadlang pa sa kahandaan ng Gilas Pilipinas sa pagsisimula ng FIBA Olympic Qualifying Tournament.

Kasama nila si Kiefer Ravena at Kevin Ferrer sa kanilang huling ensayo Lunes ng gabi.

Nakita ni Gilas Head Coach Tab Baldwin ang buong focus ng kanyang mga manlalaro para manalo sa anumang koponan na kanilang makakaharap.

Mentally ready ang ilalaban ni Baldwin kontra sa kanilang makakaharap na France dahil kakaiba ang bilis ng nasabing grupo.

Ranked number five ang France at pinapaburan na manalo sa FIBA Olympic Qualifying Tournament na gaganapin sa bansa.

By Mariboy Ysibido  

Photo Credit: gmanetwork