Nakatakdang bumalik sa boxing ring si People’s Champ Manny Pacquiao.
Mismong ang promoter na si Bob Arum ang nagkumpirma na tina-trabaho na ngayon ni Pacquiao ang kanyang leave of absence para sa kanyang duty bilang Senador.
Sinabi ni Arum na kinakailangang makalabas ng bansa ni Pacman sa loob ng dalawa hanggang tatlong linggo para makapaghanda sa kanyang laban.
Hindi naman binanggit kung sino ang makatutunggali ng pambansang kamao.
By: Meann Tanbio
Pumirma na ng kontrata sa Romanian Club ang Filipino Japanese Azkals na si Daisuke Sato.
Ayon kay Sato nais niyang subukan at i-level up ang kanyang career sa football matapos ang 2 taon din paglalaro para nasan sa Global FC.
Sa kabila nito, umaasa pa rin si Sato na makakapaglaro siya para sa Gilas sa mga hinaharap pang tournament.
Matatandaang malaking bagay ang ginampanang papel ni sato sa UFL League ng Global nuong 2014 habang nakasama rin ito sa iba’t ibang laban Azkals gaya ng Asian Football Confederation Cup nuong nakaraang taon.
By: Ralph Obina
Arestado si Golden State Warriors Star Draymond Green dahil sa kasong assault sa Michigan State Campus.
Gayunman, hindi na idinetalye ng mga awtoridad kung ano ang ginawang pananakit ni Green.
Pansamantala namang nakalaya ng kulungan si Green makaraang maglagak ito ng 200 dollar cash bond sa korte.
Gayunman, sa oras na mahatulan ay posibleng makulong si Green ng 90 araw o pagmultahin ng 500 dolyar o parehas.
By Ralph Obina
Pabor ang ama at trainer ni 5-division world champion Nonito “The Filipino Flash” Donaire sa hamon na rematch ni Cesar Juarez ng Mexico.
Ayon kay Mang “Dodong” Donaire, maganda umano na pagharapin muli sina Juarez at ang Filipino Flash.
Ang pinaka-inaabangan na rematch daw ng dalawang boksingero ang siyang ninanais ng Pinoy boxing fans at ng buong mundo.
Magugunitang hinamon ni Juarez ang Pinoy boxer matapos makamit ang knockout victory kontra sa dating undefeated Prince Albert Pagara.
Nakuha ng Mexican boxer ang panalo kontra Pagara sa unang 15 seconds ng round eight, sa harap ng sell-out crowd sa San Mateo Events Center sa California.
By Mariboy Ysibido
Nasungkit ni British tennis star Andy Murray ang ikalawang Wimbledon title nito.
Itoy makaraang payukuin ni Murray sa Wimbledon Finals si Milos Raonic sa iskor na 6-4, 7-6 at 7-6.
Dahil dito, naputol na ang sunud-sunod na pagkatalo ni Murray sa major finals kabilang ang Australian Open at French Open.
Kung ang unang Wimbledon title ay inialay ni Murray sa kanyang bansa, ang ikalawa nitong titulo ay alay naman niya sa kanyang sarili.
By Ralph Obina
Photo Credit: Reuters
Pinangunahan ni Tony Parker ang France sa panalo nito laban sa Canada sa score na 83-74 sa FIBA Olympic Qualifying Tournament sa Maynila.
Dahil sa nasabing panalo, nakuha ng koponan ang tiket sa Rio Olympics na gaganapin sa buwan ng Agosto.
Hindi naging madali sa France ang laro dahil nakalaban nila ang Canada na kasama ang mahuhusay na sina Cory Joseph at Tristan Thompson ng Cleveland Cavaliers.
Kumamada naman si Parker ng 26 points kung saan 15 rito ay nakuha niya sa final period.
By Jelbert Perdez
Photo Credit: AP
Maghaharap mamayang gabi ang mga koponan ng France at Canada sa finals ng FIBA Olympic Qualifying Tournament-Manila Leg.
Six-Six ang average height ng Canada at may 5 itong NBA player, samantalang meron namang 4 na NBA player ang France at 6-7 ang average height ng team.
Una rito, nagtala ng come-from-behind win ang France laban sa Turkey, sa score na 75-63, at dinispatsa naman ng Canada ang pagtatangka ng New Zealand, sa score na 78-72, na ginanap sa Mall of Asia Arena sa Pasay City kagabi.
By: Avee Devierte
Asahan nang magiging malakas ang pwersa ng Los Angeles Lakers sa susunod na season ng National Basketball Association o NBA.
Ito’y matapos lumagda si Russian Center Timofey Mozgov ng four-year deal sa Lakers sa halagang 64 Million Dollars.
Si Mozgov na 29-anyos at 7-foot-1 ang taas ay malaki ang naging bahagi sa NBA title run ng Cleveland Cavaliers noong nakaraang season.
Ayon kay Lakers General Manager Mitch Kupchak, malaki ang maitutulong ni Mozgov sa depensa ng kanilang koponan.
Nag-a-average si Mozgov ng 6.3 points at 4.4 rebounds sa piling ng Cavaliers sa kanilang championship campaign.
By: Jelbert Perdez
Pumirma na ng 4 na taong kontrata sa Houston Rockets si James Harden.
Nagkakahalaga ng 118 Milyong Dolyar ang nasabing kontrata.
Ayon kay Harden, nasasabik siya na muling maglaro para sa Rockets kung saan kumamada ito ng average 29 points, 6.1 rebounds, at 7.5 assists kada laro nitong nakalipas na season.
Samantala, inanunsyo ang nasabing kasunduan sa kontrata ni Harden makaraang ipakilala ng Rockets ang mga bagong kasapi ng koponan na sina Eric Gordon at Ryan Anderson.
By: Avee Devierte
Pinakamabenta ang jersey ni MVP Stephen Curry sa buong mundo.
Batay sa resulta ng pinaka huling jersey sales mula Abril hanggang Hunyo ngayong taon, pumapangalawa lamang si Lebron James ng Cleveland Cavaliers habang sinundan nina Kobe Bryant, Kyrie Irving at Klay Thompson.
Simula 2014, ang jersey ni Curry ang pinakapopular sa mga ibinebentang jersey.
Samantala, kung team sales naman ang pag-uusapan nangunguna dito ang koponan ng Cleveland Cavaliers.
By: Ralph Obina