SPORTS

Ibubuhos na ng Pocari Sweat at Philippine Air Force ang naitatagong lakas para makamit ang inaasam na kampeonato sa rubber match ng Shakey’s V-League Season 13 Open Conference Best-of-Three Championship series ngayong gabi sa Philsports Arena sa Pasig City.

Nakatakda ang pagtutuos ng Lady Warriors at Lady Jet Spikers sa alas-6 ng gabi kung saan parehong hangad ng dalawang tropa na makuha ang kanilang unang titulo sa liga.

Nauwi sa ‘do-or-die’ ang serye matapos maitala ng Pocari Sweat ang 17-25, 25-22, 25-14, 25-20 panalo sa game 2 noong Sabado kaya’t walang duda na nasa panig nito ang momento sa pagpasok sa Game 3.

By Mariboy Ysibido

Pumirma pa ng isang taong kontrata si 4-time NBA Champion Manu Ginobili.

Ito ay makaraang pangakuan si Ginobili ng 14 na milyong dolyar ng Spurs.

Dahil dito, ibinasura na ni Ginobili ang 2.9 million dollar contract nito sa pagiging free agent.

Si Ginobili ay may average na 14 points per game at naglaro lamang para sa koponan Spurs.

Matatandaang tinanghal na rin noong two time all star at NBA Sixth Man of the Year si Ginobili noong 2008.

By Ralph Obina 

Photo: Getty Images

Makikipagkita kay President Rodrigo Duterte sa darating na Hulyo 18 ang 12 atletang Pilipino na sasabak sa Rio Olympics.

Ayon kay Philippine Sports Commisioner Charles Maxey ang pulong ay kinumpirma mismo ni Secretary Christopher Lawrence Go ng Presidential Management Staff.

Ito ang unang pagkikita ng mga atleta mula pa noong panahon ni dating Presidente Gloria Macapagal Arroyo.

Bukod sa nasabing pulong ay papangunahan ni president Duterte ang send-off sa mga atleta na nakatakdang bumiyahe sa darating na Hulyo 22.

Ilan sa mga atletang kasama sa Rio Olympics ay sina swimmers Jasmine Alkhaldi at Jessie Khing Lacuna, boxers Rogen Ladon at Charly Suarez, weightlifters Nestor Colonia at Hidilyn Diaz, hurdler Eric Cray, long-jumper Marestella Torres, marathoner Mary Joy Tabal, Ian Lariba para sa table tennis, taekwondo Kirstie Elaine Alora at golfer Miguel Tabuena.

Sinabi naman ni Philippine Olympic Chef de Mission Joey Romasanta na magbibigay ng inspirasyon para sa mga atleta ang paghikayat ng Presidente ng bansa.

By  Mariboy Ysibido  

Dinagdagan pa ang pondo para sa seguridad sa nalalapit na 2016 Rio Olympics .

Ayon kay sports minister leonardo picciani, aabot sa 24 na Milyong  Dolyar ang ipinagkaloob sa     Brazil Army upang matiyak ang kaligtasan ng mga manlalaro, delegado at mga turistang dadagsa sa naturang bansa para saksihan ang olympics.

Tinatayang nasa 85 pulis at sundalo ang nakatadang ipakalat sa Rio Olympics mula a-Singko ng Agosto hanggang  a-Bente  Uno.

By: Ralph Obina

Itinanggi ni 8-Division World Champion at Senador Manny Pacquiao na sasabak na muli ito sa boksing matapos magretiro nitong Abril.

Ayon kay Pacquiao, walang katotohanan ang balitang liliban siya sa kanyang mga tungkulin sa senado upang muling lumaban sa ibabaw ng ring.

Sa katunayan, nilinaw nito na wala naman aniyang napag-uusapan na laban taliwas sa sinasabi ni Top Rank CEO Bob Arum na nakatakda nang lumaban si Pacquiao sa darating na Oktubre.

Binigyang diin ng Pambansang Kamao na nananatiling prayoridad niya sa ngayon ay ang kanyang tungkulin bilang isang senador.

Sa huli, tiniyak ni Pacquiao na kung muli man siyang lalaban ay titiyakin niyang hindi ito makasasagabal sa kanyang trabaho sa senado.

By Ralph Obina

Tinanggal ng Top Rank Promotions ang dating four-division champion na si Adrien Broner sa pagpipilian sakaling bumalik sa ring si Sen. Manny Pacquiao.

Ayon kay Top Rank CEO Bob Arum, labis-labis kung sumingil si Broner na hindi kakayanin ng sinuman.

Kinumpirma rin ni Arum sa boxing scene na kabilang sa kanyang kinakausap ay ang manager-promoter na si Al Haymon para mabuo ang Pacquiao-Broner.

Subalit hindi rin nito nakayanan ang asking prize ni Broner.

Sa ngayon naghahanap sila Arum ng itatapat sa pagbabalik ni Sen. Pacquiao.

Para kay Arum, naniniwala siyang muling lalaban si Manny pero hindi pa nito alam kung kailan.

By Mariboy Ysibido