SPORTS

Kanselado ang biyahe sa Paris ni NBA legend Kobe Bryant dahil sa naganap na Nice terror attack noong nakaraang linggo.

Nakatakda sanang pangunahan ng dating Los Angeles Lakers Star ang Streetball Tournament sa Hulyo 23 at 24 sa Southeast of Paris.

Nalungkot naman ang Mayor’s Office ng Paris dahil sa mga paghahandang ginawa nila para sa nasabing okasyon at ang pagpapatupad ng mahigpit na security.

Magugunitang 84 katao ang napatay matapos na sagasaan ng isang truck ang mga taong nanonood ng Bastille Day sa Nice Paris.

By  Mariboy Ysibido  

Nakatakdang dumating sa bansa ang World Wrestling Entertainment o WWE Superstar na si Big Show

Ito’y para i-promote ang WWE Live Manila na gagawin sa Setyembre 9 ng taong kasalukuyan

Sa Hulyo 26, Martes inaasahang darating sa bansa si Big Show kaya’t excited na ang mga fans nito sa pag-aabang

Si Paul Wight Jr sa tunay na buhay ay may taas na Pitong talampakan at kasalukuyang may hawak ng WWE, WCE at ECW Championship sa loob ng 21 taon.

By: Jaymark Dagala

Tuloy na ang paghaharap nila Saul Canelo Alvarez at ng middleweight champion na si Gennady Golovkin sa parisukat na lona.

Ito ang kinumpirma ni Golden Boy Promotions CEO Oscar dela Hoya matapos magtagpo ang iskedyul ng dalawang boksingero ngayong taon.

Ngunit bago ito, makakarahap muna ni Golovkin si Kell Brook sa Setyembre 10 na gagawin sa London.

Habang makikipagbuno naman si Alvarez kay boxing champ Liam Smith sa AT&T Stadium sa Arlington Texas sa darating na Setyembre 17.

By Jaymark Dagala

Sulit ang ginawang paghihirap ng Talk n’ Text matapos na talunin ang Rain or Shine Elasto Painters 101-98 sa kanilang laro sa PBA Governor’s Cup.

Naging bida ang ginawang 19 points at 11 rebounds ni Jayson Castro habang nakagawa ng 18 points at 11 rebounds si Mario Little at 17 points si Michael Madanly.

Umabot sa 14 points ang malaking kalamangan ng Painters sa second quarters hanggang magkaroon ng 11-0 run ang Texters pagpasok ng 4th quarters.

Sa unang laro ay wala pa ring talo sa dalawang laro ang Mahindra Enforcers matapos na talunin ang Globalport 108-98.

Pinangunahan ni James White ang Enforcers na nagtala ng 28 points, 20 rebounds at apat na blocks habang mayroong 16 points si Aldrech Ramos.

Mayroong 2-0 na ang Enforcers habang ang Globalport ay mayroong 0-2.

By Mariboy Ysibido 

Dream come true para sa Pinay Badminton Player na si Paula Lynn Obanana ang maglaro para sa Estados Unidos

Ito’y para sa nalalapit na Olympics na gagawin sa Rio De Janeiro sa Brazil sa darating na Agosto

Pag-amin ng tinaguriang Pride of Dumaguete na isang katuparan sa kaniyang mga pangarap ang makapaglaro sa Olympics bagama’t ibang bansa ang kaniyang kakatawanin

Nagsimulang maglaro ng badminton si Paula nuong 10 taong gulang pa lamang ito at naging bahagi ng Philippine Team para sa Southeast Asian Games

Ngunit sa Amerika na tumira ang pamilya Obanana nuong 2005 kung saan, duon na rin nito ipinagpatuloy ni Paula ang kaniyang karera

Makakasama ni Paula ang kasalukuyang Number One sa Women’s Doubles na si Eva Lee na lalahok din sa prestihiyosong kumpetisyon

By: Jaymark Dagala

Napasakamay ni Filipino billiard player Dennis Orcollo ang kampeonato sa 2016 West Coast Challenge 10 Ball Championship na ginanap sa Fremont, California.

Tinalo ni Orcollo sa score na 2-0 ang kapwa Pinoy cue artist na si 2004 World Pool 9 Ball Champion Alex Pagulayan.

Dahil sa naturang panalo, nakapagbulsa si Orcollo ng 5,000 US dollars na cash prize habang 3,000 US dollars naman ang nakuha ni Pagulayan bilang consolation.

Ang nasabing kampeonato ay ika-walong titulo nang nakuha ni Orcollo ngayong taon.

By Judith Larino

Marami sa mga mamamayan ng Brazil ang hindi sang-ayon na sa kanilang bansa ganapin ang Rio Olympics.

Sa isinagawang survey ng Datafolha Polling Institute lumabas na 63 porsyento ang nasurvey na umaayaw sa pagsasagawa ng Olympic sa kanilang bansa.

Ilan sa mga rason ng mga umaayaw ay dahil imbes na kumita ang kanilang bansa ay magagastusan pa ang mga ito.

Sa katunayan ay nagdeklara pa ng state of calamity ang gobernador ng Rio de Jainero para makakuha ng $892 million sa federal emergency funds para pambayad sa mga security details.

Tumaas din ang bilang ng nangyayaring krimen sa kanilang bansa at nagkakaroon pa ng problemang political dahil sa nahaharap sa impeachment ang kanilang suspended president na si Dilma Rousseff.

By  Mariboy Ysibido