SPORTS

Sabak agad sa training ang 7 atletang Pilipino na kalahok sa 2016 Rio Olympis pagdating ng Brazil.

Pito (7) sa 12 Pinoy na ang nasa Building 2 ng Athletes Village sa Rio de Janeiro Brazil.

Hindi natinag ng jetlag ang mga swimmer na sina Jessie Lacuna at Jasmine Alkhaldi, Weightlifters Nestor Colonia at Hidilyn Diaz, Taekwondo Gin Kirstie Elaine Alora, long jumper Marestella Torres-Sunang at table tennis player Ian Lariba.

Bagaman siyam na araw bago ang Olympics, walang sinayang na sandali ang mga Pinoy upang i-familiarize ang kani-kanilang sarili sa kompetisyon lalo’t ibang lebel ang kanilang mga makakalaban.

Sa kabila nito, hindi naman pinupuwersa ng mga Pinoy athelete ang kanilang mga katawan at nagrereserba ng lakas para sa inaabangang bakbakan sa kani-kanilang sports event.

Samantala, nag-ikot din sa Rio de Janeiro ang Philippine delegation kasama si Chef-de-Mission Jose Romasanta.

By  Drew Nacino

Tuluyan nang umatras sa Rio Olympics ang 17-time grand slam tennis champion na si Roger Federer.

Maliban sa Rio Olympics hindi na rin maglalaro si Federer sa kahit anong torneo kabilang na ang US Open sa taong ito.

Ayon kay Federer pinagsabihan siya ng kanyang doktor na kung nais niyang humaba pa ang kanyang karera kailangan niyang isakripisyo ang Rio Olympics at US Open.

Nakatakdang sumalang sa extensive rehabilitation si Federer matapos sumailalim sa knee surgery dahil sa dinanas na injury.

Inaasahang makikitang muli ang grand slam champion sa ATP World Tour pagkatapos ng sapat na pahinga.

By Len Aguirre 

Photo Credit: BBC/PA

Tinanggap na ni Coach Tyronn Lue ang 5-year extension contract sa ilalim ng defending champion Cleveland Cavaliers.

Ang naturang kontrata ay nagkakahalaga ng 35 milyong dolyar.

Matatandaang sa ilalim ng patnubay ni Lue ay nasungkit ng Cavs ang kauna-unahang championship title ng Cleveland sa NBA.

Marami rin ang nakakapansing kasundo ni Lue si NBA Star Lebron James di gaya noong si David Blatt pa ang coach ng Cavs.

By Ralph Obina

Pinagbawalang lumahok ng International Olympic Committee ang 100 atleta mula sa Russia sa nalalapit na 2016 Rio Olympics.

Ayon sa ulat, kabilang sa mga ito ang 7 Russian swimmers at 3 rowers.

Napagkasunduan ng IOC na pagbawalang makapaglaro sa Olympics ang mga atletang napatunayang gumagamit ng performance enhancement drugs.

Nanindigan ang IOC na magpapatuloy pa ang kanilang pag-review sa mga datos at anti-doping records ng mga atletang sasabak sa Rio Olympics.

Dahil dito, posible pang madagdagan ang mga pagbawalang lumahok sa naturang prestihiyosong sport event sa buong mundo.

By  Ralph Obina   

Photo Credit: Getty Images   

Tinalo ng Alaska Aces ang Barangay Ginebra San Miguel, 109-100 sa PBA GOVERNORS’CUP para makuha ang unang panalo.

Bumida ang ginawang 29 points at nine rebounds ni import Ladontae Henton.

Naging malaking tulong din ang ginawang 17 points ni Chris Banchero habang nakatulong ang ginawang 14 points ni RJ Jazul at 12 points naman si Calvin Abueva.

Nahirapan ang Alaska sa paghabol matapos na maunang makalamang ang Gin Kings hanggang sa makahabol sila ng 13-4 run sa fourth quarter.

By  Mariboy Ysibido 

Photo Credit: PBA Images

Nakatakdang i-apela ng Russia sa Federal Court sa Switzerland ang pagbabawal ng CAS o Court of Arbitration sa kanilang 68 track and field players na maglaro sa Rio Olympics dahil sa paggamit umano ng droga.

Iginiit ni Russian Sports Minister Vitaly Mutko na paglabag sa karapatan ng isang atleta ang nasabing desisyon ng CAS.

Bukod dito, binigyang diin ni Mutko na hindi maganda ang reputasyon ng International Association of Athletics Federation na nag-rekomenda sa CAS ng kanilang suspension.

By  Judith Larino    

Photo Credit: Reuters