SPORTS

Nagpaabot ng tulong si Australian Boxing Team head coach Kevin Smith sa mga Filipino boxers na sasabaki sa Rio Olympics.

Ayon kay Smith kabisado niya ang mga galaw ng isang Filipino boxer kaya hindi siya mahihirapan na turuan ang mga ito.

Si Smith, tubong Liverpool, ay nagsilbing consultant ng Philippine Boxing Team noong 2013.

Wala namang nakikitang problema si Smith, naging head coach ng Australian team noong 2013, sa kanyang pagtulong sa Philippine Team.

Si Smith ang naging susi sa pagsungkit ng Australia ng dalawang gold at isang silver medals noong 2014 Commonwealth Games sa Glasgow, Scotland.

By Mariboy Ysibido  

Photo Credit: philstar.com/  Abac Cordero

Balik-bansa na ang Mighty Sports Basketball Team matapos masungkit ang Kampeonato sa 2016 William Jones Cup na ginanap sa Taiwan.

Ito’y matapos hindi umubra sa mga Pilipino ang Chinese Taipei sa iskor na 104-80.

Kaninang umaga nang dumating ang koponan sa NAIA Terminal 1 sa pangunguna ni Coach Bo Perasol.

Pinapurihan ni Perasol ang Team Effort at maging ang dedikasyon ng kanyang mga manlalaro para mapasakamay ang tagumpay sa Jones Cup.

Ang Mighty sports Team ay binubuo ng 7 imports, kabilang sina dating PBA Imports Al Thornton, Vernon Macklin at Hamady N’diaye.

By: Meann Tanbio

Nasilat ng Mighty Sports Philippines ang kampeonato sa 38th William Jones Cup na ginanap sa Taiwan.

Wagi ang Pilipinas kontra Team B ng Chinese Taipei sa score na 104-80 sa kanilang laban sa Hsinchuang Gymnasium, New Taipei City, kagabi.

Dahil dito, naitala ng Mighty Sports ang 8-0 record o walang talo sa naturang torneyo.

Pinangunahan ang might import ng import na si Dewarick Spencer sa score na 27 points at 9 rebounds.

Taong 2012 nang masungkit ng Pilipinas ang Jones Cup title kung saan ang Gilas ang kumatawan sa bansa.

By Drew Nacino  

Naudlot ang nakatakdang retirement ni Cleveland Cavaliers Star Richard Jefferson.

Ito ay matapos kunin muli ng Cavs ang serbisyo ni Jefferson.

Ikinagalak naman ni Cleveland General Manager David Griffin ang naturang balita.

Sa nakalipas na 15 NBA season, may average si Jefferson na 13.3 points, 4.2 rebounds at 2.1 para sa mga koponan ng New Jersey, Milwaukee, San Antonio, Golden State, Utah, Dallas at Cleveland.

By Ralph Obina 

Dinoble na ng mga awtoridad ang pagpapatupad ng seguridad sa nalalapit na Rio Olympics na gaganapin ngayong Agosto.

Ayon sa Retired FBI Anti-Terror Expert na si Richard Ford, kanila nang dinoble ang bilang ng security forces sa mga pangunahing kalsada sa Brazil at naglagay na rin ng mga checkpoint malapit sa mga pagdarausan ng mga palaro sa Olympics.

Maliban dito, mahigpit na ring nakikipag-ugnayan aniya ang mga awtoridad sa Brazil sa foreign intelligence agencies upang hindi malusutan ng mga nagnanais na maghasik ng karahasan sa naturang prestihiyosong palaro sa buong mundo.

Samantala, kuntento naman ang delegasyon ng Pilipinas sa ibinibigay na seguridad sa Olympic Village sa Brazil.

Ayon sa Philippine Olympic Committee, tuluy-tuloy ang ginagawang pagroronda ng mga special forces ng Brazil kayat ligtas na ligtas anila ang kanilang pakiramdam doon.

By Ralph Obina  

Photo Credit: Reuters

Wala pa ring talo ang PH-Mighty Sports sa 38th William Jones Cup sa Taipei.

Ito’y matapos gibain ng Pilipinas ang India, 101-81, dahilan upang ang kartada nito sa 5-0.

Matapos ang gitgitan sa score sa first half, binasag ng mighty sports palitan ng puntos nang sumabog sa third quarter at magpakitang-gilas si dating NBA player at NLEX import Al Thornton.

Kumamada si Thornton ng 30 points habang nagdagdag si Dewarick Spencer ng double-double na 21 points at 10 assists.

By  Jelbert Perdez    

Nilinaw ng Pambansang Kamao Manny Pacquiao na hindi pera ang dahilan ng kanyang planong pagbabalik sa boksing.

Sa apat (4) na buwang retirement ni Pacquiao, sinabi nitong nasa boksing talaga ang kanyang puso dahilan upang hindi niya ito maiwan-iwanan.

Ayon pa sa Senador, ito aniya ang kanyang ginagawa simula pa noong siya ay bata pa at hangad din nito ang makapagbigay pa ng karangalan sa bansa.

Nangako naman si Pacquiao na hindi maaapektuhan ang kanyang trabaho sa Senado sa pagbabalik niya sa boksing.

By  Ralph Obina