SPORTS

Isang hakbang na lamang ang Golden State Warriors sa pagbabalik sa NBA Western Conference Finals.

Hawak na ng Warriors ang 3-0 lead sa Best of Seven Series ng Semi-Finals kontra Utah Jazz.

Inaasahang hahabol  naman ang Jazz  lalo’t gaganapin ang Game 4 sa kanilang homecourt sa Vivint Smart Home Arena sa Salt Lake City, bukas.

Gayunman, kailangang mag-doble kayod ang Utah upang maitabla sa 3-3 ang kartada.

Samantala, tabla na ang San Antonio Spurs at Houston Rockets sa kartadang 2-2 at muling maghaharap sa Game 3 ng Best of Seven sa Miyerkules sa balwarte naman ng Spurs sa AT and T Arena sa Texas.

By Drew Nacino

Pasok na sa Eastern Conference Finals ang defending NBA champion na Cleveland Cavaliers.

Ito ay matapos walisin at idispatsa ng Cavs ang Toronto Raptors sa Game 4 ng playoff series sa iskor na 109-102.

Kumamada si Lebron James ng tatlumpu’t limang (35) puntos, siyam (9) na rebounds at anim (6) na assists.

Sa Eastern Conference Finals, makakaharap ng Cavs ang koponan na mananalo sa pagitan ng Boston Celtics o Washington Wizards.

By  Ralph Obina   

Sinabayan ni Jinkee Pacquiao ang kanyang asawang si Manny sa light training nito sa Cambridge Circle sa Forbes Park Makati City.

Ito’y bilang paghahanda ni Pacquiao sa napipintong niyang laban kay Undefeated Australian Boxer Jeff Horn kung saan idedepensa ni Pacman ang kanyang world welterweight title.

Ayon kay Pacman, light workout pa lamang ang kanyang ginagawa ngayon para ihanda ang kanyang katawan sa matinding training sa Wild Card Gym.

Se-sentro ang training ni Pacman sa bilis at stamina nito na kakailnganin umano para labanan ang mas batang si Horn.

By Jonathan Andal

Photo Credit: Jinkee Pacquiao Instagram

Isang panalo na lang ay pasok na sa susunod na round ng NBA Playoffs ang defending champion na Cleveland cavaliers.

Ito’y matapos padapain ng Cavs ang Toronto sa score na 115-94 sa Game 3 ng kanilang best-of-seven semifinals series sa mismong bakuran ng Raptors.

Sa unang quarter hanggang sa ikalawang quarter ay gitgitan ang mga score ng Cleveland at Raptors.

Gayunman, pagsapit ng ika-apat na quarter ay lumabas muli ang bangis ng Cavs sa pangunguna ni Lebron James na kumamada ng 35 points kaya’t napahiya ang Toronto sa kanilang home court.

By  Jelbert Perdez

Gumamit ng matinding depensa ang Phoenix laban sa Globalport kaya’t nasungkit nila ang 84-72 victory.

Dahil dito, nananatili silang nakakapit sa ika-walong puwesto sa PBA Commissioner’s Cup makaraan ang laro nila sa Araneta Coliseum.

Matapos malamangan ng ilang puntos sa opening quarter ay nakabawi ang Phoenix sa Globalport sa pangunguna ni Jameel McKay na kumamada ng 22 points at 20 rebounds.

By  Jelbert Perdez  

Photo Credit:  PBA Media Bureau

Winalis ng Golden State Warriors ang koponan ng Utah Jazz sa Game 2 ng West Semis Series.

Taob ang Jazz sa iskor na 115-104.

Maagang nag-init sa laro si Draymond Green habang humabol naman sa pagkayod sina Jevin Durant at Stephen Curry na naging susi sa kanilang panalo.

Dahil dito, hawak na ng Warriors ang dalawang (2) panalo kontra Jazz.

By Ralph Obina

Naitabla ng San Antonio Spurs ang Game 2 ng Western Conference Semifinals kontra Houston Rockets.

Dinurog ng Spurs ang Rockets sa iskor na 121-96.

Muling binuhat ni Kawhi Leonard ng Spurs sa pamamagitan ng tatlumput apat (34) na puntos nito.

Dahil dito kapwa may tig isang panalo na ang Spurs at Rockets.

Ang Game 3 ay gaganapin sa Sabado, oras sa Pilipinas.

By Ralph Obina

Nasungkit ng defending champion na Cleveland Cavaliers ang ikalawang sunod nilang panalo kontra Toronto raptors sa Game 2 ng second round ng NBA Playoffs.

Inilampaso ng Cavs ang Raptors sa iskor na 125-103.

Muling pinangunahan ni Lebron James ang opensa ng Cavs kung saan ay nakapagtala ito ng 39 points na sinundan naman ng dalawampung (20) puntos ni Kyrie Irving.

Ang game 3 ay gaganapin sa Sabado oras sa Pilipinas sa homecourt ng Toronto.

By  Ralph Obina