SPORTS

Napanatili ng New York Knicks ang pagiging ‘Most Valuable Team’ sa tatlong (3) magkakasunod na taon.

Batay ito sa inililabas na listahan ng Forbes kung saan aabot sa 3.6 bilyong dolyar ang halaga ng Knicks.

Mas mataas ang kitang ng Knicks ng siyam na porsyento (9%) kumpara noong nakaraang taon.

Sinasabing ito ay dahil sa mga ginawang renovation sa Madison Square na nagbukas pa ng mas maraming oportunidad mula sa sponsorship at tickets.

Samantala, pumangalawa naman sa listahan ng pinakamayayamang koponan ang Los Angeles Lakers na sinundan ng Golden State Warriors.

Hero’s welcome ang naghihintay sa kasalukuyang IBF Super-Flyweight Champion na si Jerwin Ancajas sa pagbabalik bansa nito mula Amerika.

Isang motorcade ang nakatakdang isagawa ngayong umaga sa  Magallanes, Cavite kung saan naninirahan ang  26 anyos na kampyon kasama ang asawa nito at dalawang anak.

Magugunitang tinalo ng Pinoy Pretty Boy si Israel Gonzalez ng Mexico sa pamamagitan ng Technical Knockout sa round 10 sa  Corpus Christi, Texas, noong linggo.

Ito ang unang laban  ni Ancajas  sa Estados Unidos at title defense sa labas ng Pilipinas.

Posted by: Robert Eugenio

Inilampaso ng Orlando Magic ang power team na Cleveland Cavaliers sa kanilang pagtutuos kaninang umaga.

Hindi nakaporma ang Cavs matapos tambakan ng Magic sa iskor na 98-116.

Pinangunahan ni Jonathon Simmons ang panalo ng Magic kung saan ay kumana ito ng 34 puntos.

Samantala, hindi naman sumapat ang 25 puntos ni Lebron James para i-angat ang Cavs na natalo rin sa huli nilang laban kontra Houston Rockets.

—-

Tumipa ng dalawangpo’t pitong (27) puntos si Gary Harris para pangunahan ang panalo ng Denver Nuggets kontra Charlotte Hornets.

Tinalo ng Nuggets ang Hornets sa iskor na 121 – 104.

Tumulong si Nikola Jokic kay Harris sa pamamagitan ng kanyang labing limang (15) puntos at labing anim (16) na rebounds.

Dahil sa panibagong tagumpay, umakyat na sa tatlo ang sunod-sunod na panalo ng Nuggets.

Winalis ng Detroit Pistons ang Portland Trail Blazers.

Ito’y kung saan tinapos ng Pistons ang pag-asa ng Trail Blazers sa iskor na 111-91.

Tumipa si Andre Drummond ng labing pitong (17) puntos at labing pitong (17) rebounds para pangunahan ang Pistons.

Ang naturang tagumpay ay ang ikatlong sunod na panalo ng Pistons magmula nang mapunta sa kanilang koponan si Blake Griffin.

Si Griffin ay nag-ambag ng dalawampu’t isang (21) puntos, siyam na rebounds at anim na assists.

—-

Nalusutan ng Los Angeles Lakers ang Oklahoma City Thunders sa kanilang paghaharap, kahapon.

Ginulantang ng LA ang Oklahoma sa score na 108-104 sa homecourt ng Thunders sa Cheasapeake Energy Arena sa Oklahoma City.

Nagpakawala ng 18 points ang Fil-Am shooting guard na si Jordan Clarkson habang nag-ambag ng 20 points si Brooke Lopez para sa Lakers.

Kumamada naman ng 36 points ang star point guard na si Russell Westbrook at 26 points si Paul George pero hindi ito naging sapat upang makahabol ang OKC.

Ito na ang ikalawang sunod na panalo ng Lakers na may kartadang 21-31 na nasa 11th spot at bagman ika-apat naman itong sunod na talo ng Thunders, nasa 5th spot ng Western Conference Division ang team sa standing na 30-24.

—-

Nasungkit ng Philadelphia Eagles ang kauna – unahan nilang kampeonato sa Super Bowl.

Ito ay matapos idispatsa ng Eagles ang defending champion ng national football league na New England Patriots sa iskor na 41 – 33.

Ang panalo ng Eagles ay pinangunahan ng kanilang quarterback na si Tom Brady.

Samantala, itinanghal naman bilang Most Valuable Player (MVP) si Nick Foles ng Philadelphia.

Nagbanta ang International Olympic Committee (IOC) na posibleng tanggalin ang boxing sa Tokyo 2020 Olympic Games.

Ayon sa IOC Executive Board, hindi sila kuntento sa report ng Amateur International Boxing Association (AIBA) hinggil sa paghawak nito ng laban, refereeing at anti-doping issue.

Kasunod na din ito ng pagkakasa ng IOC ng imbestigasyon sa alegasyon ng ‘game fixing’ sa boxing noong 2016 Rio Olympics boxing at pinasusumite ang AIBA ng dagdag na report hanggang Abril 30.

Nanindigan ang IOC na nasa kamay na nila kung isasama pa rin ang boxing sa Youth Olympic Games sa Buenos Aires ngayong taon at sa Olympic Games sa Tokyo.

Sinabi naman ng AIBA na dapat intindihin ng IOC na kailangan ng mahabang oras para sa proseso subalit tiniyak ang pagsusumite nila ng report hinggil sa isyu sa itinakdang deadline sa Abril 30.

Nakabalik na ang defending champions San Miguel Beermen sa top spot ng 2017-2018 PBA Philippine Cup.

Ito’y makaraang malusutan ng SMB ang Magnolia Hotshots sa score na 77-76, sa kanilang paghaharap sa Ynares Center sa Antipolo City, Rizal, kagabi.

Nagpakawala ng 19 points si Junmar Fajardo para sa San Miguel habang nag-ambag ng 21 points si Marc Barroca para sa Magnolia.

Hawak na ng Beermen ang kartadang 6-1 habang nasa 2nd spot ang Hotshots sa standing na 6-2.

—-

Nakatakda nang depensahan ni Jerwin Ancajas ang kanyang titulo bilang IBF Junior Bantamweight champion, ngayong araw.

Makakasagupa ni Ancajas si Israel Gonzales ng Mexico sa American bank center, sa Corpus Christi, Texas sa Estados Unidos.

Ito ang ika-apat na beses na dedepensahan ng tinaguriang “Pinoy Pretty Boy” ang kanyang International Boxing Federation Junior Bantamweight crown at una niyang laban sa Amerika.

Aminado naman ang Filipino fighter na magkahalong kaba at pananabik ang kanyang nararamdaman lalo’t ang pagsabak sa laban sa US ay isang hakbang patungo sa kasikatan.