SPORTS

Magbabalik na tennis court si Serena Williams sa Pebrero para sa Fed Cup tie.

Itinakda sa February 10 at 11 ang Fed Cup sa isang indoor hardcourt sa Ashille North Carolina.

Ito ang unang pagkakataon na magbabalik sa tennis court si Williams matapos manalo sa Australian Open noong nakaraang taon habang ipinagbubuntis ang kanyang anak.

Ito rin ang unang pagkakataon na magbabalik sa US Fed Cup squad si Williams matapos ang dalawang taon.

Makakasama ni Williams sa US Fed Cup squad ang kanyang kapatid na seven-time grand slam champion na si Venus at 9th ranked Coco Vandeweghe.

—-

Inilampaso ng koponan ng Houston Rockets ang Miami Heat sa iskor na 99-90.

Bumida naman si James Harden sa panalo ng kanilang koponan bilang nakapag-ambag ng dalawangpo’t walong (28) puntos.

Gayundin ang tig-labing anim (16) na puntos nina Chris Paul at Eric Gordon.

Samantala, nagpakawala naman ng double-double na dalawangpo’t dalawang (22) markers at labing tatlong (13) rebounds si James Johnson.

Sa ngayon ay naitala na ng Houston ang kanilang third straight win.

Nakatakda namang makasagupa ng Heat ang Sacramento Kings sa Biyernes habang ang Rockets naman ay dadayo sa Dallas sa Huwebes.

Burado na sa listahan ng Gilas Pilipinas para maglaro sa FIBA World Cup Asian Qualifiers sina Calvin Abueva at Raymond Almazan.

Ayon ito mismo kay Gilas Head Coach Chot Reyes matapos ang kanilang tatlong beses na ensayo.

Sinabi ni Reyes na bigo sina Abueva at Almazan na dumalo sa kanilang ensayo na nagsimula sa unang linggo ng buwang ito.

Malinaw aniyang hindi interesado ang mga nasabing players na sumali sa tropa.

Unang makakalabas ng Gilas ang tropa ng Australia sa February 22 sa Melbourne.

—-

Bigong makapasok sa semis ng Australian Open ang six-time champion na si Novak Djokovic.

Ito ay matapos masungkit ni South Korean tennis player Chung Hyeon ang pagkapanalo sa iskor na 7-6, 7-5, at 7-6.

Naging mahigpit ang labanan ng dalawa kung saan itinodo pa ng 30-anyos na Serbian player ang kanyang laro ngunit napayuko din ni Chung dahil sa matinding defensive skills nito.

Makakaharap ni Chung sa semi-finals ang US tennis player na si Tennys Sandgren.

Inilampaso ng Orlando Magic ang Boston Celtics.

Kumamada ng 22 points si Elfrid Payton at 19 points naman ang ginawa ni Evan Fournier samantalang pumoste ng 11 markers at 12 rebounds si Aaron Gordon para maitala sa final score ang 103-95.

Nabalewala naman umano ang 40 points na ginawa ni Kyrie Irving para sa Boston na may hawak na 34-13 win loss record.

Umangat naman sa 14-32 win loss record ang Orlando Magic.

Makakasagupa ng Magic ang Sacramento Kings sa Miyerkules samantalang ang Celtics ay bibisita naman sa Los Angeles Lakers.

Pinangunahan ni Jordan Clarkson ang panalo ng Los Angeles Lakers kontra New York Knicks.

Inilampaso ng Lakers ang Knicks sa iskor na 127-107.

Nakapagtala si Clarkson ng double double matapos tumipa ng dalawampu’t siyam (29) na puntos at sampung (10) assists.

Sinegundahan naman ito ni Julius Randle na nag-ambag naman ng dalawampu’t pitong (27) puntos at labindalawang (12) rebounds.

Jordan Clarkson talks about playing with Alex Caruso, and the defensive focus in the second half pic.twitter.com/hBEDryA1bC

— Los Angeles Lakers (@Lakers) January 22, 2018

Luke Walton talks about Jordan Clarkson’s defense, and the difference between the first and second halves pic.twitter.com/ZCyVidLdd8

— Los Angeles Lakers (@Lakers) January 22, 2018

—-

Tinambakan ng Oklahoma City Thunders ang Cleveland Cavaliers sa score na 148-124

Pinakamaraming naiambag na puntos sa Thunder si Paul George na nakapagtala ng 36 points

18 puntos naman ang naitala ni Lebron James

Kinapos si James ng 7 puntos para maabot ang 30,000 career points at mahirang na ika-7 basketbolista sa NBA history na maabot ang nasabing puntos

Ayon kay Lebron, mas nanghihinayang siya sa pagkatalo ng kanilang koponan kaysa sa hindi niya pagkakaabot sa 30,000 career points

May ibang panahon pa naman kasi anya para magawa ito

Samantala, sa PBA naman, maghaharap mamayang gabis a Ynares Center sa Antipolo ang Alaska Aces at Ginebra Kings

Susubukan ng isapinal ng International Olympic Committee ang detalye ng pagsasanib pwersa ng North at South Korea para sa 2018 Winter Olympics na gaganapin sa Pyeongchang, South Korea.

Pinulong na ni IOC President Thomas Bach sa kanilang headquarters in Lausanne, Switzerland ang mga leader ng olympic committee mula NoKor at SoKor maging ang mga organizer ng  Pyeongchang 2018 Winter Olympics.

Partikular anya nilang paplantsahin ang mga napagkasunduan ng Seoul at Pyongyang at susubukan itong ipatupad nang walang nilalabag na olympic rules.

Ilan sa mga unang napagkasunduan ay magmamartsa ang North at South Korea bilang isang bansa sa opening ceremony sa ilalim ng unification flag.

Ang ikinakasang pagsasanib pwersa sa naturang sports event ay bahagi ng preparasyon sa posibleng pagkakaisa muli ng dalawang Korea na pinaghiwalay ng korean war noong dekada 50.

Tinambakan ng Global Port Batang Pier ang Blackwater kung saan naitala sa 101-76 ang final score.

Nagsilbing bayani sa panalo ng Batang Pier si Sean Anthony na gumawa ng 22 puntos.

Nagdagdag naman ng 17 puntos at 11 rebounds si Stanley Pringle habang kumana naman ng 16 puntos at 7 rebounds si Kelly Nabong.

Kuntento naman si Batang Pier Coach Pido Jarencio sa naging performance ng kanyang koponan.