Nakuha ni Swiss tennis star player Roger Federer ang kampeonato sa Australian Open matapos naman talunin ang Croatian tennis player na si Martin Cilic.
Nagawang talunin ni Federer si Cilic nang kanyang makuha ang tatlo sa limang set ng kanilang laban.
Ito na ang ika-dalawampung grand slam singles title at ika-anim na Australian Open title ni Federer.
Si Federer ang ikatalong male tennis player na may pinakamaraming panalo sa Australian Open kasunod nina Novak Djokovic at Roy Emerson.
Pasok na sa NBA all-star game si Oklahoma City forward Paul George.
Itoy matapos siyang mapili bilang kapalit ni New Orleans Center Demarcus Cousins sa Team Lebron.
Inanunsyo ito kanina ni NBA Commissioner Adam Silver, isang araw matapos magtamo si Cousins ng Achilles Tear o punit sa fiber cord na nagkokonetka sa buto sa sakong at sa muscles.
Makaksama ni George sa team Lebron sina Kevin Durant, Kyrie Irving, Kevil Love at Russel Westbrook.
Makakalaban naman nila sa Team Stephen Curry sina Klay Thompson, Draymond Green, James Harden at Kyle Lowry.
Gaganapin ang NBA all star game sa darating na February 18.
Nananatili sa 2nd spot ng 2017-2018 PBA Philippine Cup ang Magnolia Hotshots.
Naitala ng Hotshots ang kanilang ika-apat na sunod na panalo makaraang durugin ang TNT Katropa sa score na 91-83 sa kanilang paghaharap sa elimination round sa Araneta Coliseum kagabi.
Nanguna para sa Magnolia si Mark Barroca sa pamamagitan ng 18 points habang kumamada ng 16 points si Moa Tautuaa para sa Katropa.
Si Barroca ang humalili sa starting point guard na si Paul Lee na nagtamo ng high-ankle sprain sa third quarter.
Kapwa tabla na sa 5th spot ang TNT at Rain or Shine Elasto Painters na mayroong tig-tatlong panalo at talo.
Tuluyan ng pinatalsik ni Caroline Wozniaki ng Denmark bilang “Top Seeded Player” ng Women’s Tennis Association si Simona Halep ng Romania.
Ito’y makaraang masungkit ni Wozniaki ang kampyonato sa 2018 Australian Open sa kanilang paghaharap ni Halep sa finals ng women’s singles, kagabi.
Winakasan ng Danish Tennis Superstar ang pamamayagpag sa WTA ng kanyang Romanian rival sa pamamagitan ng score na 7-6, 3-6 at 6-4.
Dahil sa naturang championship, nasikwat din ni Wozniaki ang kanyang unang grand slam title at umakyat sa number 1 mula sa dating second spot ng WTA rankings.
Tinaningan ng US Olympic Committee (USOC) ang buong USA Gymnastics (USAG) board ng hanggang Enero 31 para mag-resign.
Kasunod ito ng hatol kay dating US Gymnastics Doctor Larry Nassar dahil sa pangmo-molestiya sa mga batang atleta.
Sinabi ng USOC CEO Scott Blackmum na tatanggalan nila ng status bilang sports governing body ang USAG kapag hindi nagbitiw ang mga ito.
Una nang nagbitiw ang labing walong (18) miyembro ng board ng USAG dahil sa anomalya.
Lusot na sa finals ng Australian Open si Swiss tennis star na si Roger Federer.
Ito ay matapos sumuko sa ikalawang set ng semifinals ang kalabang Korean tennis player na si Hyeon Chung dahil sa malaking paltos sa kaliwang paa nito.
Ayon kay Federer, maraming beses na rin siyang lumaban noon na nagkapaltos ang kanyang paa kaya’t ramdam niya ang sakit na iniinda ni Chung.
Dahil dito, isang hakbang na lang si Federer bago masungkit ang kanyang ika-20 grand slam singles title.
Handa na ang mga koponan ng 2018 NBA All-Star captains na sina Lebron James at Stephen Curry matapos ibunyag ang kani-kanilang line up.
Bubuuin ng team Lebron sina Kyrie Irving, Kevin Durant at New Orleans Pelicans duo na sina Anthony Davis at Demarcus Cousins.
Bibida naman sa team Curry sina Giannis Antetokounmpo ng Bucks, Joel Embiid ng Sixers, James Harden ng Rockets at De Mar Derozan ng Raptors.
Ilan pang NBA stars ang nasa talaan naman ng reserves ng team Lebron at team Curry na kinabibilangan nina sina Kevin Love ng Cavs, John Wall at Bradley Beal ng Washington Wizards at Klay Thompson at Draymond Green ng Warriors.
Itinakda sa February 19 ang all-star game sa Los Angeles, California.
Posibleng i-anunsyo na sa susunod na linggo ang makakalaban ni dating 8-division world champion Manny Pacquiao.
Ayon ito sa kapatid ni Pacquiao na si Bobby kung saan ay patuloy ang negosasyon ng kampo ng Pambansang Kamao at ng Ukrainian fighter na si Vasyl Lomachenko.
Ito ay sa kabila ng mga naunang pahayag ng manager ni Lomachenko na malabong lumaban ang kanilang boksingero kay Pacquiao.
Maliban dito, sinasabing kabilang din sa napipisil na makalaban ni Pacquiao ay si Terrence Romeo.
Kung sakaling makapili na ng makakalaban si Pacquiao ay inaasahang sa Abril gaganapin ang naturang bakbakan.
Hinirang bilang bagong commissioner ng Philippine Basketball Association o PBA si Willie Marcial sa katatapos lamang na pagpupulong ng PBA Board of Governors.
Ayon kay PBA Chairman Ricky Vargas ng koponang TNT Ka-Tropa, nagkaisa ang board na gawing commissioner si Marcial na una nang itinalaga bilang officer-in-charge (OIC) ng liga.
Ito ay makaraan ang kontrobersyal na pagbibitiw ni Chito Narvasa bilang PBA Comissioner noong Disyembre ng nakalipas na taon.
Gayunman, nilinaw ni Vargas na mananatili pa ring pinuno ng Communications and External Affairs ng PBA na siyang matagal nang posisyon nito.
Pasok na ang Pinoy figure skater na si Michael Martinez sa 2018 Winter Olympic Games na gaganapin sa South Korea.
Natanggap ni Martinez ang magandang balita mula sa Philippine Olympic Committee.
Sinasabing umatras ang isang skater mula sa Sweden dahilan upang magbukas ang isang spot para kay Martinez.
Matatandaang nabigo si Martinez na pumasok sa top 7 ng Olympic qualifiers sa Germany makaraang nagtapos ito sa ika-walong pwesto.
Ang Winter Olympics ay mag-uumpisa sa Pebrero 19.