Pinataob ng Rain or Shine ang Meralco Bolts sa iskor na 90-84.
Nanguna sa panalo ng Rain or Shine si Chris Tiu na kumamada ng labing walong (18) puntos.
Sinegundahan naman ito nina Ed Daquioag at Beau Belga na tumipa naman ng tig-19 na puntos.
Samantala, hindi naman sumapat ang dalawampu’t apat (24) na puntos ni KG Canaelta para buhatin ang Bolts.
Sinakmal ng Minnesota Timberwolves ang Milwaukee Bucks sa kanilang pagtutuos kanina, Pebrero 2.
Inilampaso ng Timberwolves ang Bucks sa iskor na 109 – 89.
Nagningning naman ang dalawangpo’t walong (28) puntos ni Jimmy Butler para pangunahan ang Minnesota habang nag-ambag naman si Karl Anthony Towns ng dalawangpo’t apat (24) na puntos.
Dahil dito, hawak na ng Bucks ang 32 – 22 wins – loss record.
Samantala, nasadlak naman sa 27 – 23 na kartada ang Bucks.
Dumating na sa South Korea ang sampung (10) North Korean skiers at skaters upang makibahagi sa Pyeongchang Winter Olympics simula Pebrero 9 hanggang 25.
Ang mga nabanggit na atleta ay kabilang sa pinagsanib na North at South Korean team sa ilalim ng isang Korean flag na bahagi ng pina-plantsang unification process.
Ang sampung atleta mula NoKor ang unang batch ng mga delegadong dumating sa Gangneung, South Korea.
Siyamnapu’t dalawang (92) bansa ang lalahok sa isandaan at pitong (107) sports events ng Winter Olympics.
Nasungkit ng Brooklyn Nets ang ika-apat na sunod nilang panalo.
Ito ay matapos pataubin ang kalabang Philadelphia 76ers sa iskor na 116 – 108.
Tumipa si Spencer Dinwiddie ng dalawangpo’t pitong (27) puntos habang sumikwat naman ng dalawangpo’t dalawang (22) puntos si D’angelo Russel para pangunahan ang Nets.
Dahil naman sa kabiguan, nasadlak ang 76ers sa ikatlong sunod nilang pagkatalo.
Napigilan ng TNT Katropa ang pag-abante ng Kia Picanto sa 2017-2018 PBA Philippine Cup eliminations.
Ito’y makaraang malusutan ng Katropa ang Kia sa score na 90-85, sa kanilang paghaharap sa Mall of Asia Arena, sa Pasay City, kagabi.
Pinangunahan ni Kelly Williams ang TNT sa score na 23 points at 8 rebounds habang nag-ambag ng 21 points at 7 assists si Rashawn McCarthy para sa Picanto.
Hawak na ng Katropa ang kartadang 4-3 at kasalukuyang nasa 4th spot habang nangungulelat ang Kia sa standing na 1-6.
Out muna sa mga laro ng Cleveland Cavaliers ang kanilang forward na si Kevin Love.
Ito ay dahil sa tinamo niyang fracture sa kaliwang kamay sa unang kwarter ng kanilang laban kontra Detroit Pistons.
Dahil dito, inaasahang nasa anim (6) hanggang walong (8) linggo ang kakailanganin ni Love para tuluyang mapagaling ang kanyang kamay.
Samantala, nakapagtala naman ng makasaysayang 60-point triple double si James Harden para sa laban ng Houston Rockets kontra Orlando Magic.
Maliban sa 60 puntos, gumawa din si Harden ng sampung (10) rebounds at labing isang (11) assists.
Sa huli, wagi ang Rockets sa iskor na 114-107.
Nauwi sa insultuhan ang press conference para i-promote ang bakbakang Amir Khan at Candian boxer na si Phil Lo Greco.
Ito ang pagbabalik ni Khan matapos ang dalawang taong pamamahinga dahil sa mga problemang personal.
Habang nasa kalagitnaan ng press conference, patuloy sa pang-asar si Greco kung saan ay sinasabi nitong naging sunud-sunod na ang mga talo ni Khan simula nang matalo ito kay Saul Alvarez noong Mayo ng 2016.
Dahil dito, hindi napigil ni Khan ang sarili at binuhusan ng tubig sa mukha si Greco.
Ayon kay Khan, kanyang paghahandaang mabuti ang laban at sisiguraduhin niyang siya ang mananalo.
Ang bakbakang Khan at Greco ay gaganapin sa Abril 21.
Sinuwag ng Milwaukee Bucks ang Philadelphia 76ers kung saan naitala sa 107-95 ang final score.
Gumawa ng double-double na 31 puntos at 18 na rebounds si Giannis Antetokounmpo para mag-tagumpay ang Bucks sa nasabing laban.
Nagpakitang gilas din si Khris Middleton sa kaniyang 19 markers at John Henson na gumawa ng 13 puntos.
Dahil sa nasabing panalo, nakuha ng Milwaukee ang ika-apat nilang sunod na panalo.
Nakatakdang bumisita ang 76ers sa Brooklyn sa Huwebes, Pebrero 1, habang nasa Minnesota naman ang Bucks sa Biyernes, Pebrero 2.
Kasado na sa Mayo 5 ang rematch sa pagitan ng mga boksingerong sina Gennady Golovkin at Canelo Alvarez.
Muling paglalabanan ng dalawa sa Cinco de Mayo ang middleweight championship title.
Gayunman, hindi pa tukoy kung saan gagawin ang laban ngunit ikinukunsidera ang Las Vegas para sa muli nilang banggaan.
Matataandang nauwi sa kontrobersyal na draw ang laban nina Alvarez at Golovkin noong Setyembre ng nakaraang taon.
Hawak ni Alvarez ang fight record na 49 wins, 1 loss at 2 draw habang may 37 wins , 0 loss at 1 draw naman si Golovkin.
Pormal nang lumipat sa World Wrestling Entertainment o WWE ang UFC star na si Ronda Rousey matapos itong pumirma ng kontrata.
Inanusyo ni Rousey ang kanyang paglipat sa WWE nang dumalo ito sa Royal Rumble event sa Philadelphia Pennsylvania.
Itinuturing naman ni Rousey na isang dream come true ang pagsama niya sa WWE.
Matatandaang natalo si Rousey sa kanyang huling laban sa UFC 207 kontra Amanda Nunes.
Bago ito natalo rin si Rousey kay Holly Holm.