RONDA PROBINSYA

Patay ang isang lalaki matapos mabaril ng kapitbahay sa Minglanilla, Cebu dahil sa pagpapahinto ng suspek sa isang karaoke session.

Kinilala ng pulisya ang bitkima na si Rolan Peñas, 32-anyos habang pinangalanan naman ang suspek na si Ritchie Reyes, 26-anyos.

Ayon sa imbestigasyon, kapwa nagdiriwang ng fiesta ng kanilang barangay sina Peñas at Reyes kung saan may karaoke sa bahay ng bitkima.

Ngunit bigla na lamang inihinto umano ni Reyes ang karaoke session ng biktima dahilan para magkaroon ng alitan ang dalawa na nagresulta sa pagbaril ni reyes kay Peñas na agad na ikinasawi nito

Kaagad namang naaresto ang suspek na nahahrap sa kaukulang kaso.

Nauwi sa pananaksak ang masaya sanang pagdalo sa isang fiesta ang isang mag-live in partner sa San Remigio, Cebu.

Kinilala ng awtoridad ang nasawi na si Jocelyn Ababa habang pinangalanan naman ang suspek na Peter Arnado, isang Jeepney Driver at kinakasama ng biktima.

Ayon sa awtoridad, galing sa diskuhan ang mag-asawa matapos mag-inuman.

Naalipungatan na lamang ang isa kanilang kaibigan sa ingay ng dalawa. Dito na niya nakita si Ababa sa lupa habang sinusuntok at sinasakal siya ni Arnado.

Natigil lang ang pambubugbog kay Ababa nang may pumigil dito. Ngunit hindi nag-paawat si Arnado at pinagsasaksak si ababa ng ilang beses na agaran nitong ikinamatay.

Selos ang maaaring nag-udyok kay Arnado na patayin si Ababa, ayon sa pulisya.

Samantala, nagkasa na ng manhunt operation ang pulsiya sa tumakas na suspek na nahaharap sa kasong murder.

Patay ang isang 32-anyos na Overseas Filipino Worker na nakatakdang bumalik sa ibang bansa matapos saksakin hanggang sa mapatay ng kanyang selosong live-in partner sa Murcia, Negros Occidental.

Ayon sa awtoridad, nagkaroon ng mainitang pagtatalo ang mag-asawa na nagpatuloy pa kinabukasan, nang magmukmok ang 39-anyos na suspek at pinagsasaksak ang biktima gamit ang screw driver.

Sinubukan silang pakalmahin ng kanyang ina ngunit sinaksak din siya ng suspek sa paa.

Dinala ang biktima sa isang ospital ngunit idineklara itong patay.

Nabatid na madalas magtalo ang mag-asawa dahil sa matinding pagseselos ng suspek.

Nahaharap ang nahuling suspek sa kasong murder.

Dead on the spot ang isang lalaki na manunundo sana sa kaniyang anak sa Davao City.

Kinilala ang biktima na si Ken Roger Pisa, 36-anyos, na kaagad nasawi sa pinangyarihan ng krimen.

Ayon sa pulisya, kabababa lang ng biktima mula sa minamaneho nitong tricycle nang pagbabarilin siya sa tapat mismo ng paaralan.

Tumakas umano ang salarin sakay ng isang motorsiklo.

Patuloy naman ang imbestigasyon ng pulisya para matukoy ang pagkakakilanlan ng salarin, at motibo sa krimen.

Binaril at napatay ang 42-anyos na driver na si Rowell Dela Cruz sa Guiguinto, Bulacan matapos ang isang alitan.

Ayon sa pulisya, pumunta si Dela Cruz sa barangay hall upang maghain ng reklamo laban kay Jojo Emelo.

Ngunit paglabas niya ng Barangay Hall, ay inabangan na siya ng suspek at binaril sa ulo, na agad ikinasawi ng biktima.

Ang kanilang alitan ay sinasabing nagsimula sa isang away-bata hanggang sa mauwi sa pamamaril.

Agad namang nagsagawa ng follow-up operation ang mga awtoridad para mahuli ang tumakas na suspek.

Patay ang isang 34-anyos na lalaki matapos bumangga ang kanyang minamanehong motorsiklo sa isang bus sa Pugo, La Union.

Ayon sa awtoridad, naganap ang insidente habang bumibiyahe ang motorsiklo sa opposite direction ng Pugo-Rosario Road.

Nang makarating sa kurbadang kalsada, biglang naagaw ng motorsiklo ang linya ng paparating na bus, na nagresulta sa banggaan. Sa lakas ng impact, nagtamo ng malubhang pinsala ang driver ng motorsiklo na dahilan ng agarang pagkasawi nito.

Samantala, ang angkas ng biktima, isang 36-anyos na lalaki at isa ring construction worker, ay sugatan at agad na isinugod sa ospital para sa agarang atensyong medikal.

Kasalukuyan pang iniimbestigahan ng awtoridad ang mga detalye ng insidente upang matukoy ang eksaktong sanhi at kung may pananagutan ang driver ng bus.

Nabangga ang isang ginang at ang kanyang anak ng isang motorsiklo habang tumatawid sila sa kalsada sa Nagcarlan, Laguna.

Ang ginang, ay sakay ng wheelchair, at tinutulak ito, ng kanyang anak nang mangyari ang aksidente.

Habang papatawid na sila, isang mabilis na motorsiklo ang sumalpok sa kanila, dahilan para humandusay ang mag-ina at ang motorcycle rider.

Agad naman na dinala ang mag-ina at nakabanggang ridert sa ospital matapos magtamo ng mga sugat at bali sa katawan.

Nagka-aregluhan na ang magkabilang panig, at nangako naman ang rider na sasagutin ang lahat ng gastusin para sa pagpapagamot ng mag-ina.

Nabaril ang isang 54-anyos na magsasaka na si Danny Brazona sa Calatrava, Negros Occidental, sa harap ng kanyang live-in partner at 7-taong gulang na anak.

Sa ulat ng pulisya, kasama ng biktima ang kaniyang mag-ina papunta sa paaralan nang bigla silang harangin ng isang grupo ng hindi pa nakikilalang mga armadong lalaki, at bigla na lang pinagbabaril si Brazona.

Bunga ng pamamaril, nagtamo ng maraming tama ng bala si Brazona, na naging sanhi ng kanyang agarang pagkamatay.

Hindi naman nasugatan ang asawa at anak ng biktima sa pamamaril.

Patuloy naman nagsasagawa ng imbestigasyon ang mga awtoridad upang matukoy ang mga responsable sa pamamaril at malaman ang posibleng motibo sa likod ng karumal-dumal na krimen.

Pinagsasaksak hanggang sa mapatay ang isang 42-anyos na negosyante habang nakikipag-away sa isang customer dahil sa utang sa Mauban, Quezon.

Ayon sa pulisya, pumasok ang biktimang si Michelle Rajarillo sa bahay ng suspek na si alyas Arlene, 45-anyos, kasama ang live-in partner, upang pag-usapan ang kanyang pagbabayad ng utang.

Makalipas ang ilang minuto, lumabas ng bahay ang biktima na may tama ng saksak sa dibdib.

Tumakas ang suspek at dinala si Rajarillo sa ospital kung saan idineklara itong patay dahil sa mga natamong pinsala.

Nagsasagawa ng manhunt ang pulisya laban kay arlene na nahaharap sa kasong homicide.

Nauwi sa trahedya ang pagtakas ng isa sa dalawang kawatan na nagtangkang magnakaw sa isang village sa Baguio City.

Lumabas sa inisyal na imbestigasyon ng pulisya na pumasok ang dalawang kawatan na edad 16 at 10 sa compound ng Imelda Village at sinubukang nakawin ang bisikleta ngunit nakita sila ng isang construction worker.

At dahil sa gulat, tumalon ang dalawa sa malapit na sapa.

Nagawa ng nakababatang lalaki na lumangoy para iligtas ang sarili, ngunit hindi nakaligtas ang nakatatandang lalaki at binawian ng buhay.

Nakatakda umanong mag-usap ang dalawang panig, ayon sa mga awtoridad.