RONDA PROBINSYA

Sugatan ang isang 11-anyos na babae matapos umanong saksakin ng basag na bote ng 14-anyos na kalaro sa loob ng isang abandunadong bahay sa Arayat, Pampanga.

Kinilala ng mga awtoridad ang biktima sa alyas Nena, Grade 5 student habang ang suspek ay pinangalanang Paolo, isang Child in Conflict with the Law (CICL).

Sa imbestigasyon, inaya umano ng CICL ang biktima sa loob ng abandunadong bahay para ipakita sa rito ang isang patay na aso.

Nang makapasok pinalo umano ng salarin ang ulo ng biktima ng bote at sinaksak umano ng basag na bote.

Samantala, itinurnover na ang CICL sa Municipal Social Welfare and Development Office (MSWDO) para sa tamang interbensyon at disposisyon.

Nasawi sunog ang isang 14-anyos na lalaking may kapansanan sa Santander, Cebu.

Kinilala ang biktima na si alyas Jun, na inilarawan ng mga awtoridad na may kapansanan sa pag-iisip.

Ayon sa Bureau of Fire Protection (BFP), sinabi ng mga saksi na nagluluto sa kusina ang binatilyo nang biglang lumakas ang apoy.

Hindi umano nakatakas ang biktima mula sa nasusunog na bahay.

Sinabi ng mga imbestigador na wala sa bahay ang mga magulang ng bata nang mangyari ang insidente.

Tinutukoy pa ng BFP ang eksaktong sanhi ng sunog habang patuloy ang imbestigasyon ng mga awtoridad.

Kalaboso ang isang lalaki matapos tangkang nakawin ang dalawang pickleball paddles na nagkakahalaga ng P5,180 sa isang sports retail store sa loob ng isang mall sa Cebu City.

Ayon sa mga awtoridad, itinago ng suspek ang mga item sa loob ng kaniyang backpack at tangka sanang umalis sa lugar nang hindi nagbabayad ngunit napigilan siya ng security guard ng establisyemento.

Itinurnover na sa pulisya ang kawatan at nahaharap sa kaukulang kaso.

Isa ang nasawi habang tatlo ang sugatan matapos araruhin ng isang forward truck ang ilang sasakyan sa Polomolok, South Cotabato.

Ayon sa imbestigasyon, papunta sa isang beach resort sa General Santos City ang truck na may sakay na mga pasahero nang mangyari ang insidente.

Pagdating sa lugar ng insidente, nawalan umano ng preno ang trak at bumangga sa dalawang motorsiklo, dalawang kotse, at isang tricycle, na bumangga sa isa pang tricycle.

Idineklarang dead on arrival sa ospital ang isang motorcycle rider habang ginagamot din ang tatlong iba pa, kabilang ang isang pasahero ng isang tricycle, dahil sa mga pinsala.

Nahaharap naman sa kaukulang kaso ang driver ng truck truck kaugnay ng insidente.

: Frenzycael Micann/Facebook

Patay ang isang 61-anyos na obrero matapos mabagsakan ng crane sa ginagawang tulay sa Brgy. Udalo, Abra de Ilog, Occidental Mindoro.

Ayon sa pulisya, nangyari ang insidente habang nagtatrabaho ang mga manggagawa sa construction project ng Abra de Ilog-Puerto Galera Circumferential Road.

Bigla umanong bumagsak ang crane habang nagbubuhat ng konkretong girder. Tinamaan ang biktima na nasa ibaba at gumagabay sa crane operator.

Isinugod pa sa ospital ang obrero ngunit idineklarang dead on arrival.

Sa kuhang video ng ilang residente, nakita umanong walang suot na personal protective equipment o PPE ang biktima.

Inaresto naman ang crane operator at nahaharap sa kasong reckless imprudence resulting in homicide.

Arestado ang isang 31-anyos na lalaki matapos umanong i-hostage ang kaniyang dating asawa sa loob ng bahay nito sa Orion, Bataan.

Ayon sa pulisya, walong buwan nang hiwalay ang suspek at ang 29-anyos na biktima. Pumunta umano ang lalaki sa bahay para makipagbalikan, pero nang tumanggi ang babae ay naglabas ito ng kutsilyo at kalaunan ay gunting upang takutin ang biktima.

Tumagal ng halos isang oras ang negosasyon bago tuluyang sumuko ang suspek at pakawalan ang dating asawa. Wala namang nasaktan sa insidente.

Sa imbestigasyon, lumabas na dati na umanong nananakit ang suspek kaya iniwan siya ng biktima.

Nakakulong na ngayon ang lalaki at haharap sa kasong hostage taking at paglabag sa Anti-Violence Against Women and Their Children Act.

: PNP Bataan Police Provincial Office

Patay ang isang 44-anyos na lalaki matapos umano itong hampasin ng baseball bat ng kaniyang karibal sa pag-ibig sa San Carlos City, Pangasinan.

Ayon sa pulisya, selos at “love triangle” ang tinitingnang motibo sa krimen. Pareho umanong nobyo ng iisang babae ang biktima at ang suspek.

Natagpuan ang bangkay ng biktima sa bypass road sa Brgy. Kaingal. Narekober din ng mga awtoridad ang baseball bat na may bahid ng dugo.

Arestado ang 22-anyos na suspek matapos itong ituro ng mga saksi.

Sa imbestigasyon, nag-away umano sa cellphone ang biktima at suspek bago ang insidente at nagbantaan pa sa isa’t isa.

Nang umalis ng bahay ang biktima, doon na umano siya inabangan at pinaghahampas sa ulo na naging sanhi ng kaniyang pagkamatay.

Viral sa social media ang isang alagang uwak matapos nitong tangayin ang ₱10,000 cash na nakalaan sana bilang bonus sa negosyo ng alkalde ng bayan ng President Roxas, Capiz.

Ayon kay Mayor Receliste Lachica Escolin, inilagay niya ang pera sa mesa ngunit sandali niya itong naiwan dahil may iba siyang inaasikaso. Bigla umano’y lumipad ang uwak, kinuha ang bungkos ng pera at tumakas.

Nakita ang uwak na lumapag sa bubong ng kalapit na bahay habang hawak ang pera. Sa kumalat na video, makikitang tinutuka ng uwak ang mga papel na pera at may ilan pang nahulog sa lupa.

Kinumpirma ng alkalde na totoo ang video at matagal na nilang alaga ang uwak. Wala namang ulat na tuluyang nawala ang pera.

Patuloy na kumakalat online ang video at umani ng aliw at reaksyon mula sa netizens.

Arestado ang isang 52-anyos na lalaki matapos subukang ipuslit ang hinihinalang shabu na itinago sa loob ng burger sa Jose Panganiban Municipal Police Station sa Camarines Norte.

Dinala ng lalaki ang burger para sa kanyang live-in partner na nakakulong sa istasyon. Sa regular na inspeksyon, napansin ng duty jailer ang tissue paper sa loob ng burger na may dalawang sachet ng hinihinalang shabu.

Tinatayang 1.3 grams ang bigat ng droga na nagkakahalaga ng humigit-kumulang 8,000 pesos.

Ayon sa pulisya, dati nang naaresto ang live-in partner ng suspek dahil sa umano’y pagbebenta ng droga.

Maharap ang suspek sa paglabag sa Republic Act 9165 o Comprehensive Dangerous Drugs Act of 2002.

Babala sa sensitibong balita

Inireklamo ng isang customer ang isang restaurant sa Davao City matapos matuklasan na may uod ang lechon na inihain sa kanya.

Ayon sa complainant, malapit na niyang maubos ang kinakain na lechon nang mapansin niyang gumagapang ang mga uod.

Humingi umano ng paumanhin ang may-ari ng restaurant dahil sa insidente.

Gayunpaman, desidido ang customer na maparusahan ang may-ari, dahil sa pag-aalala na maaaring nakakain siya ng mga uod at sa mga posibleng epekto nito.

Paulit-ulit na pinaalalahanan ng Department of Health (DOH) ang mga food establishment na tiyakin ang tamang paghawak at paghahanda ng pagkain upang maiwasan ang kontaminasyon.

#dwiz #dwiznews #aliw23