RONDA PROBINSYA

Halos 4k baboy sa Cagayan Valley isinailim sa culling

Umabot sa halos 4,000 mga baboy ang isinailim sa culling sa Cagayan Valley simula nuong Enero hanggang kasalukuyan ng taon dahil sa African Swine Fever (ASF).

Ayon kay DA Regional Technical Director Dr. Robreto Busaña, 1,050 ang kabuuang bilang ng mga magbababoy na naapektuhan ng African Swine Fever ngayong taon.

Gayunman bahagyang humupa aniya ang pagtama ng asf sa mga baboy ngayon kumpara sa mga nakalipas na linggo.

Kaugnay nito nanawagan ang ahensya ng re-population ng mga alagang baboy sa lahat ng probinsya sa Region 2 na hindi apektado ng ASF.

March 11, 2021 0 comment

HEADLINES RONDA PROBINSYA

Katimugang Mindanao uulanin

written by Judith Estrada-Larino

Asahan na ang malalakas na ulan sa katimugang bahagi ng Mindanao kahit nananatiling mahina ang Low Pressure Area (LPA).

Ayon sa PAGASA, ang sentro ng namumuong sama ng panahon ay pinakahuling namataan sa halos 500 kilometro, silangan ng General Santos City.

Kasabay nito, may mga pag-ulan pa rin sa ilang bahagi ng Visayas at Mindanao dahil sa localized thunderstorm habang ang Hanging Amihan naman ay nakakaapekto pa rin sa northern Luzon.

March 11, 2021 0 comment

HEADLINES RONDA PROBINSYA

41 volcanic quakes naitala sa Taal sa magdamag

written by DWIZ 882

Nakataas pa rin ang Alert Level 2 sa Bulkang Taal sa Batangas.

Ayon sa PHIVOLCS, 42 volcanic earthquakes ang kanilang naitala sa nakalipas lamang na magdamag.

Nagpakita rin ng pagbuga ng steam-laden plumes ang main crater ng bulkan na may taas na 5-metro.

Umabot naman sa 71.8°C ang temperatura sa lawa ng main crater nitong ika-4 ng Marso, habang pumalo sa 1.59 ang pH level nito noong ika-12 ng Pebrero.

Patuloy naman ang paalala ng PHIVOLCS sa publiko na ipinagbabawal pa rin ang pananatili sa Taal Volcano Island dahil sa posibleng pagbuga nito ng steam, pagkaranas ng volcanic earthquakes, at minor ash fall.

Pinapayuhan din ang mga lokal na pamahalaan malapit sa bulkan na i-assess at paigtingin ang kanilang paghahanda.

March 11, 2021 0 comment

HEADLINES RONDA PROBINSYA

Pagpapagamit ng QR code sa Boracay tourists pinaigting pa

written by Judith Estrada-Larino

Pinalakas pa ng lalawigan ng Aklan ang pagpapagamit ng QR code sa mga turistang magbabakasyon sa Isla ng Boracay.

Kasunod na rin ito, ayon sa Malay Tourism Office, nang pagbisita sa Boracay kada araw ng halos 800 turista mula sa iba’t ibang bahagi ng bansa.

Sinabi ni Aklan Governor Florencio Miraflores na maliban sa QR code, requirement pa rin ang pagpiprisinta ng negatibong RT-PCR swab test at hotel bookings sa Boracay.

Ang QR code aniya ay makukuha sa website ng Aklan Province na www.aklan.gov.ph.

Una nang inanunsyo ng Inter-Agency Task Force (IATF) ang paggamit ng S-PaSS ng Department of Science and Technology (DOST) sa mga uuwing locally stranded individuals.

March 10, 2021 0 comment

NATIONAL NEWS RONDA PROBINSYA

PNP dumipensa sa ginawang operasyon ng Pulisya sa CALABARZON

written by DWIZ 882

Nanindigan ang Philippine National Police (PNP) na lehitimo ang ginawang operasyon ng Police Regional Office 4A o CALABARZON PNP laban sa mga miyembro ng CPP-NPA.

Ito ang tugon ni PNP Chief P/Gen. Debold Sinas sa akusasyon ng iba’t ibang miltanteng grupo sa anila’y “Mala-Tokhang” na istilo ng pag-aresto sa kanilang hanay sa timog katagalugan.

Giit ni Sinas, pinaghirapan nila ang pagkuha ng Search Warrant sa Korte laban sa mga natukoy nilang indibiduwal na nagmamay-ari gayundin ay nag iingat ng mga armas.

Madaling araw ng Linggo nang magkasa ng operasyon kontra loose firearms mga tauhan ng CALABARZON PNP kung saan, isinilbi nila ang Search Warrants laban sa 24 indibiduwal.

Batay sa pinakahuling impormasyong nakuha ng PNP Chief mula sa PRO 4A, 9 ang bilang ng mga nasawi matapos manlaban habang nasa 15 ang naaresto at 4 ang nakatakas. —ulat mula kay Jaymark Dagala (Patrol 9)

March 8, 2021 0 comment

NATIONAL NEWS RONDA PROBINSYA

8 suspek sa Tulunan,North Cotabato bombing kinasuhan na

written by Gilbert Perdez

Sinampahan na ng mga kasong kriminal ang walong hinihinalang miyembro ng Al Khobar group na umano’y nasa likod ng pambobomba sa Tulunan, North Cotabato noong Enero.

Kabilang sa mga nahaharap sa mga kasong murder at frustrated murder sina Salahudin Hassa, Lutre Aman, Tasly Saligan, Norodrin Haman, Datu Ali Camsa, Sandali Sindatok, Jordan Kamad, at Tahir Abubakar.

Matatandaang sumabog ang bomba sa isang waiting shed sa Barangay Sibsib na ikinasawi ng fruit vendor na si Gina Paunon habang nasugatan naman ang dalawang iba pa.

March 7, 2021 0 comment

NATIONAL NEWS RONDA PROBINSYA

9 katao patay sa magkakahiwalay na operasyon ng PNP sa CALABARZON

written by DWIZ 882

Siyam ang napaulat na nasawi habang anim ang arestado sa magkakahiwalay na operasyon ng Philippine National Police o PNP sa region 4-A o CALABARZON.

Ito’y ayon sa Police Regional Office 4-A o CALABARZON PNP ay bahagi ng kanilang pinaigting na kampaniya kontra sa loose firearms

Ayon kay Laguna Provincial Police Office Spokesperson P/Ltc. Chitadel Gaoiran na siyang inatasang maging tagapagsalita sa operasyon, inihain nila ang sabayang search warrant laban sa 24 na indibiduwal sa iba’t ibang lugar sa rehiyon kaninang ala singko y medya ng umaga

Nakatanggap kasi aniya sila ng ulat na nagmamay-ari ng armas ang mga indibiduwal na nasa listahan ng kanilang hahainan ng nasabing warrant na nagresulta sa engkuwentro matapos manlaban

Sa Laguna, dalawang labor leaders at isang human rights worker ang inaresto sa mga Barangay ng mamatid at San Isidro sa bayan ng Cabuyao.

Tatlo naman ang patay habang tatlo rin ang arestado sa ikinasang operasyon sa Rizal; isa ang nasawi sa Cavite habang dalawa naman ang nasawi sa Batangas.

May siyam na indibiduwal mula sa Rizal at Batangas na target ng operasyon ang nakatakas at patuloy na pinaghahanap ng mga awtoridad.

March 7, 2021 0 comment

RONDA PROBINSYA

2 drug suspects, patay sa engkuwentro sa Pangasinan

written by DWIZ 882

Patay ang dalawang kilabot na drug suspek matapos makipagbarilan sa mga operatiba sa bayan ng Manaoag, lalawigan ng Pangasinan.

Kinilala ni PNP Chief P/Gen. Debold Sinas ang mga nasawi drug suspek na sina Renzeil Sibelius at Gervin Salbino.

Nangyari ang engkuwentro Biyernes ng gabi matapos ang ikinasang operasyon ng pulisya sa barangay Oraan East.

Napag-alamang mga kilabot na nagtutulak ng droga ang dalawa at nag-ooperate sa Cordillera, Pangasinan maging sa Metro Manila.

Nakuha mula sa pinangyarihan ng engkuwentro ang isang kalibre 45 at 38 baril na gamit ng mga suspek.

Gayundin ang isang SUV na ginagamit na getaway vehicle ng mga napatay na suspek at tatlong kilo ng pinatuyong dahon ng marijuana na nagkakahalaga ng P360,000.

March 7, 2021 0 comment

RONDA PROBINSYA

Negros Occidental, niyanig ng lindol

written by DWIZ 882

Tumama ang magnitude 4.1 na lindol sa bahagi ng Negros Occidental 1:32 kaninang madaling araw.

Natukoy ng PHIVOLCS ang episentro ng pagyanig sa layong siyam na kilometro hilagang-kanluran ng bayan ng Sipalay.

Tectonic ang pinagmulan ng pagyanig at mayroon itong lalim na 19 na kilometro mula sa episentro.

Wala namang naitalang intensity ang nasabing lindol kaya’t hindi ito gaanong naramdaman ng mga residente sa lugar.

March 7, 2021 0 comment

RONDA PROBINSYA

Pulis na walang habas na nagpaputok ng baril matapos makabangga ng dalawang kotse sa Cavite, sinibak na sa pwesto

written by Jopel Pelenio

Tinanggal na sa puwesto si Police Staff Sergeant Ismael Dulin, miyembro ng warrant section ng Dasmariñas police dahil sa pagpapaputok ng baril matapos makabangga ng sasakyan at kuyugin ng taumbayan.

Base sa kuha ng cellphone video, makikitang may nakabanggaan ang isang dark gray na kotse na pag-aari ni Dulin.

Ngunit imbes na huminto at panatilihin sa ganong pwesto ang kanyang sasakyan, umusad ito at akmang tatakas.

Dito na hinabol at pinagbabato ng mga residente at mga tricycle driver ang kotse ni Dulin.

Agad namang bumaba ng kanyang sasakyan ang pulis at walang habas na nagpaputok.

Depensa nito, hindi naman daw sya tatakas kundi ipaparada lamang daw niya ang kanyang kotse.

Wala namang napaulat na nasaktan o tinamaan sa ginawang pagpapaputok ni Dulin.

Sa ngayon, dinis-armahan na ang sinibak na pulis at nahaharap na sa kaukulang kaso.

Samantala, nakipag-ayos na ang may-ari ng dalawang sasakyan na nakabanggaan ni Dulin.

March 7, 2021 0 comment

Newer Posts

Older Posts