RONDA PROBINSYA

3 katao sugatan matapos mahulog ang sinasakyan na van sa Zamboanga Sibugay

Sugatan ang tatlo katao makaraang mahulog sa bangin ang isang van sa Zamboanga Sibugay.

Hindi naman tinukoy ng Police Regional Office-9 ang pagkakakilanlan ng mga biktima na agad na isinugod sa pagamutan.

Lumalabas sa imbestigasyon na galing sa Pagadian City at papuntang Zamboanga na sana ang van nang mangyari ang aksidente sa Barangay Bulaan sa bayan ng Buug.

Sinasabing nawalan ng kontrol ang driver sa minamaneho nitong van kaya’t tuluyan itong nahulog sa bangin.

Patuloy ang imbestigasyon sa nasabing aksidente.

March 26, 2021 0 comment

NATIONAL NEWS RONDA PROBINSYA

4 na miyembro ng Dawlah Islamiyah – Hassan Group patay matapos maka-engkuwentro ng militar sa Maguidanao

written by DWIZ 882

Lalo pang pinaigting ng Joint Task Force Central sa ilalim ng Western Mindanao Command (WESMINCOM) ng Armed Forces of the Philippines (AFP) ang kanilang opensiba laban sa mga terrorista.

Ito’y matapos mapatay sa magkakahiwalay na engkuwentro ang 4 na miyembro ng Hassan Group ng Dawlah Islamiyah matapos madiskubre ang abandonadong kuta nito sa Brgy. Saniag, Ampatuan sa nasabing lalawigan, madaling araw kahapon.

Ayon kay WESMINCOM Chief Lt/Gen. Corleto Vinluan Jr, nagsasagawa lang ng focused Military Operations ang kanilang mga tauhan nang madiskubre ang abandonadong kuta ng mga kalaban upang pigilan ang tangka nilang mga pagsalakay.

Unang nakasagupa ng Militar ang grupo ni Salahuddin Hassan na kilala rin sa mga alyas na Abu Saif/Orak at Abu Salman sa nabanggit na Barangay kung saan napatay ang isa at nasugatan ang nakilala lamang sa alyas na Wari o Watrix gayundin ang mga kasamahan nito.

Pasado tanghali naman, habang nagpapatuloy ang Militar sa kanilang paghahanap, naka-engkuwentro muli nila ang grupo ng mga terrorista sa Brgy. Salman kung saan, 3 ang kanilang napatay.

Isa lamang ang nasugatan sa panig ng militar habang hindi pa mabilang kung ilan ang sugatan sa panig ng mga kalaban. —ulat mula kay Jaymark Dagala (Patrol 9)

March 26, 2021 0 comment

NATIONAL NEWS RONDA PROBINSYA

Kilabot na Abo private armed group nagbalik loob na sa pamahalaan sa Cotabato City

written by DWIZ 882

Sumuko na sa mga operatiba ng Criminal Investigation and Detection Group (CIDG) ang 10 miyembro ng kilabot na Abo Private Armed Group sa Cotabato City.

Personal na sinaksihan ni CIDG Director P/MGen. Albert Ferro ang pagsuko ng pinuno ng grupo na si Ambei Anso Bansil at ng 9 pang miyembro nito.

Kasamang isinuko ng grupo ang iba’t ibang matataas na kalibre ng armas tulad ng homemade cal. 50 barret, cal. 7.62 barret, 2 garand rifle, 12 guage shotgun, 2 magnum .357 revolver, M-79 grenade launcher, KG9, 3 granada at mga bala.

Nabatid na kilala ang grupo bilang mga dating tagasunod ng yumaong Parang Maguindanao Mayor na si Talib Abo na isa sa mga pinangalanan ni Pangulong Rodrigo Duterte na sangkot sa iligal na droga nuong 2016

Mula nang mapatay si Mayor Abo nuong 2019, nagsipulasan na ang grupo sa iba’t ibang bahagi ng Mindanao partikular na sa Maguindanao at Zamboanga del Sur.

Dahil sa magandang alok ng Pamahalaan na bigyan ng isang maganda at disenteng buhay ang mga dating miyembro ng private armed group, nakumbinsi ang grupo na sumuko na lamang kaysa mapatay ng mga alagad ng batas. —ulat mula kay Jaymark Dagala (Patrol 9)

March 26, 2021 0 comment

HEADLINES RONDA PROBINSYA

270 volcanic quakes naitala sa Taal Volcano sa magdamag

written by DWIZ 882

Naitala ang 270 na mga volcanic earthquakes at 193 na mga volcanic tremors sa Taal Volcano nitong nakaraang magdamag.

Ayon sa PHIVOLCS, ang naitalang volcanic earthquakes ay mas mataas sa naitala nitong Huwebes na umabot lang sa 268.

Nagtagal ang mga volcanic activities mula 1-12 minuto.

Dahil dito, nananatiling nakasailalim sa Alert Level 2 ang Taal Volcano.

March 26, 2021 0 comment

NATIONAL NEWS RONDA PROBINSYA

Magsasaka sa Capiz pinagbabaril patay

written by DWIZ 882

Dead on arrival na ang isang magsasaka nang dalhin ito sa ospital matapos pagbabarilin ng tatlo katao sa Barangay Astorga, sa bayan ng Dumarao, Capiz nitong Miyerkules.

Batay sa imbestigasyon ng Dumarao Police, pauwi na ang magsasaka kasama ang asawa nito ng tambangan at pagbabarilin ng tatlong suspek na nakasuot ng damit na itim at bonnet.

Tinamaan ng siyam na bala ang biktima na kinalaling si Jessie Jarlo, 55 anyos at residente sa nasabing lugar.

Samantala, patuloy naman ang imbestigasyon ng mga otoridad sa naganap na pamamaril at ang pagtukoy sa mga suspek at ang pagtukoy sa motibo nito. —sa panulat ni Agustina Nolasco

March 25, 2021 0 comment

HEADLINES NATIONAL NEWS RONDA PROBINSYA

Panukalang pagpalit ng pangalan ng terminal 1, 2 ng Mactan-Cebu Airport lusot na sa Kamara

written by DWIZ 882

Lusot na sa ikatlo at huling pagbasa sa kamara ang House Bill 8986 o ang panukala na layong palitan ang pangalan ng terminal 1 at 2 ng Mactan-Cebu International Airport.

Sang-ayon sa naturang panukala, ang pagpapalit sa pangalan ng naturang paliparan ay bilang pagpupugay sa kabayanihan ng bayaning si Lapu-Lapu at kasabay din ng quincentennial anniversary ng pagkapanalo sa Mactan.

Oras na maisabatas ito papalitan ang pangalan ng paliparan sa Lapulapu Domestic Terminal at Lapulapu International Terminal.

Mababatid na kinilala si Lapulapu bilang kauna-unahang bayaning Pilipino na nakipaglaban sa mga mananakop.

March 25, 2021 0 comment

RONDA PROBINSYA

Background check sa pinaslang na si Mayor Aquino iminungkahi

written by DWIZ 882

Hiniling ng netizens sa Philippine National Police na imbestigahan muli ang background ng napatay na si Calbayog City Mayor Ronaldo Aquino.

Si Aquino ay namatay sa shootout noong Marso 8 sa tulay ng Laboyao sa Barangay Lonoy, Calbayog City.

Namatay din sa insidente sina S/Sgt. Rodeo Balonzo, S/Sgt. Romeo Laoyon, at Dennis Abayon, drayber ni Aquino.

Ang bangkay naman ni Capt. Joselito Tabada, hepe ng Samar Drug Enforcement Unit at pinuno ng pulis ng bayan ng Gandara sa Samar, ay natagpuan sa ilalim ng tulay.

Ayon sa mga netizens, pag-aari umano ni Aquino ang Villa Marcelina Resort sa Bgy. Baot, Calbayog City at isa lamang ito sa mga ari-arian na naipundar niya sa kanyang termino.

Ayon sa ilang netizens, kailangang imbestigahan din ang ibang anggulo sa pagpatay kabilang ang record ni Aquino dahil sa mga dating napabalitang pangyayari.

Noong 2018, itinuro ni Francis Grey, anak ni Samar Mayor Joseph Grey, si Aquino bilang isa sa mastermind ng pagpatay kay Barangay Captain Romulo Barcoma.

Si Grey ay naaresto ng pulisya sa Imus, Cavite para sa naturang pagpatay at sinabi nya sa media at inilagay sa kanyang sworn affidavit na si Aquino ay isa sa mastermind ng krimen.

Noong 2019, itinuro rin ni Grey si Aquino protektor ng iligal na droga.

Hindi na siguro nakakagulat toh, kung ikaw ba naman ordinary Mayor ka lang na tapat makakabili ka kaya ng ganyang resort hindi siguro. Involved talaga siguro sa drugs yan,” ayon sa isang post ng isang netizen na si Elsa David.

Dagdag ng netizen na si Bryan Santos, “Di ko alam pero feeling ko kaya siya tinimbog ng mga pulis dahil may kasalanan siya. Please sa mga mayors dyan magtino kayo.”

Policemen were brave enough to target people like Mayor Aquino because of their involvement in drugs,” ayon naman kay netizen Betty Collin na ipinagtanggol ang mga pulis.

Wika ng isa,

Rest in peace mayor. Such a disappointment when you defend someone na involved pala sa drugs.”

Dagdag ni Collin,

Now we can see what will happen to those people that involve themselves in drug business. Do not follow Mayor Aquino’s mistake.”

March 25, 2021 0 comment

HEADLINES NATIONAL NEWS RONDA PROBINSYA

Mga alkade na nagpabakuna vs COVID-19 kahit hindi naman kasama ang mga ito sa priority list pinagpapaliwanag

written by DWIZ 882

Pinagpapaliwanag ng Department of the Interior and Local Government (DILG) ang limang alkalde na nauna nang nagpabakuna kahit hindi naman kasama ang mga ito sa priority list.

Kinabibilangan ito nina:

- Tacloban City, Leyte Mayor Alfred Romualdez

- T’boli, South Cotabato Mayor Dibu Tuan

- Sto. Niño, South Cotabato Mayor Sulpicio Villalobos

- Legazpi City, Albay Mayor Noel Rosal – Bataraza, Palawan Mayor Abraham Ibba.

Sinabi ni Presidential Spokesperson Harry Roque na kailangan itong imbestigahan at kanila na itong ipinapaubaya sa DILG.

Una rito naglabas na ang pamahalaan ng priority list group kung saan dapat na unahin na mabakunahan ang mga medical frontliners.

March 24, 2021 0 comment

HEADLINES RONDA PROBINSYA

Tacloban mayor Romualdez tatanggapin ang anumang parusa sa pangunguna nitong magpaturok ng Sinovac vaccine

written by Judith Estrada-Larino

Tatanggapin ni Tacloban City Mayor Alfred Romualdez ang anumang ipapataw na parusa matapos siyang magpaturok ng bakuna kontra coronavirus disease 2019 (COVID-19).

Una nang binatikos si Romualdez sa tila VIP (very important person) treatment dito matapos magpaturok ng Sinovac vaccine gayung hindi naman kasama sa priority list lalo’t hindi naman siya frontliner.

Sinabi ni Romualdez na sasagutin niya ang show-cause order ng Department of the Interior and Local Government (DILG) dahil batid niyang may basehan ang pagpapabakuna nya.

Iginiit ni Romualdez na hindi naman itinago sa publiko ang kanyang pagpapabakuna dahil nais niyang ipakita sa kanyang constituents na ligtas ang bakuna at walang dapat ikatakot dito.

Nilinaw pa ni Romualdez na ang ginamit na bakuna sa kanya ay mula sa mga sobrang bakuna na inilaan sa lungsod na maaaring gamitin sa iba pang nasa priority list.

March 24, 2021 0 comment

HEADLINES RONDA PROBINSYA

Mga motorista na hindi APOR itinaboy sa Tagaytay, Talisay border checkpoint

written by Judith Estrada-Larino

Maraming motorista ang itinaboy ng mga otoridad sa checkpoint sa border ng Tagatay City sa Cavite at Talisay, Batangas.

Bago sumikat ang araw, ilang motorista ang hindi pinayagang pumasok sa Tagaytay at napuwersang bumalik sa kanilang pinanggaliangan dahil hindi sila Authorized Persons Outside Residence (APOR) at bahagi pa rin ng curfew.

Ang checkpoint ay itinayo —3-kilometro mula sa Barangay San Guillermo sa Talisay.

Pagtigil sa checkpoint, ang mga motorista ay hinihingan ng ID o mga dokumentong magpapatunay na sila ay APOR at sabihin ang dahilan nang pagbiyahe nila bago payagang pumasok ng Cavite na bahagi ng NCR Plus bubble.

Nahuli naman ang isang lalaki na may sakay sa tricycle na isang menor de edad at nagsabi itong galing silang Tanauan, Batangas at pauwi ng Silang, Cavite subalit pinayagan na ring makadaan for humanitarian reasons.

Ang Batangas ay hindi bahagi ng NCR Plus.

March 23, 2021 0 comment

Newer Posts

Older Posts