RONDA PROBINSYA

Binaha ang dalawang barangay sa Cagayan De Oro City matapos ang ilang oras na pagbuhos ng ulan.

Kaagad namang inilikas ang mga residente ng mga barangay ng Cugman at Tablon dahil sa mabilis na pagtaas ng tubig baha na umabot ng hanggang leeg at hanggang paa naman sa national highway.

Nagpalipas muna ng gabi ang mga apektadong residente sa Barangay Gym at nakituloy naman ang iba sa kanilang mga kaanak.

Humupa rin ang tubig matapos ang ilang oras na pag-ulan bagamat nakaalerto pa rin ang local authorities dahil sa yellow rainfall advisory para sa Cagayan De Oro dulot ng epekto ng low pressure area na malapit sa Samar.

Hindi na obligahang sumalang sa confirmatory swab test ang mga full vaccinated tourists na magtutungo sa Puerto Galera sa Oriental Mindoro.

Ayon ito kay Puerto Galera Mayor Rocky Ilagan bagamat sasailalim pa rin sa strict interview ang mga biyahero.

Sinabi ni ilagan na mahigit isa’t kalahating taon na nilang ipinatutupad ang mahigpit na border control kung saan talagang ino-obliga nilang sumailalim sa RT-PCR test ang mga hindi pa bakunado na papasok sa kanilang lugar.

Binibigyan aniya nila ng QR code ang mga biyahero para matukoy ang galaw ng mga ito para sa posibleng contract tracing sakaling na expose sa isang COVID-19 positive.

Nakakaranas na ng ikatlong bugso ng COVID 19 pandemic ang Region 7 o Central Visayas.

Ayon ito kay Dr. Eugenia Mercedes  Caña a, pinuno ng DOH-Region 7 kung saan pasirit ang kaso ng COVID-19 sa rehiyon at hindi lamang sa Cebu City sa nakalipas na apat na linggo o isang buwan.

Sinabi ni cania na pangunahing dahilan nang patuloy na pagtaas ng COVID-19 cases sa Region 7 ang paglutang ng mga mas nakakahawang variant ng nasabing virus.

Bukod pa ito aniya sa mga pagtitipon ng ilang residente tulad ng kasal, fiesta at maging birthday celebration kung saan tila nakakalimutan nang sumunod sa health and safety protocols at maging ang hindi pantay na pamamahagi ng COVID-19 vaccines.

Gayunman inihayag ni Caña na mas maayos naman ang kalagayan ng central Visayas sa ngayon kumpara sa second wave ng pandemya nuong Pebrero at Marso.

Dalawa umanong tulak ng iligal na droga ang nasakote ng mga otoridad sa isinagawang buy-bust operation sa bayan ng Parang, Sulu.

Kinilala ang dalawang suspek na sina Haizar Yusop at Jimmy Madjiul na pawang taga – Sitangkai, Tawi-Tawi.

Nasabat ng Philippine Drug Enforcement Agency (PDEA) – Sulu mula sa dalawa ang nasa higit isang kilo ng high-grade shabu.

Ikinasa ng PDEA ang operasyon kasama ang Philippine National Police at Philippine Army sa tulong ng mga residente sa lugar.

Tatlong kasamahan naman ng mga suspek ang nakatakashabang inaalam na ang halaga ng nasabat na droga. —sa panulat ni Drew Nacino

Patuloy na may naitatalang volcanic earthquake at naglalabas rin ng steam plume ang Bulkang Taal.

Ayon kay Batangas  PDRRMO Head Joselito Castro sa DWIZ, na nasa 14,000 na ang nailikas na mga residente na nakatira sa paligid ng bulkan.

Ipinabatid ni Castro, kabilang sa mga nailikas ay ang tatlong barangay ng Laurel at dalawang barangay ng Agoncillo at ang ilang residente ay nagpunta sa kani kanilanbg mga kamag-anak.

Nagpasalamat naman si Castro sa tuloy tuloy na pagbugso ng tulong sa lungsod para sa mga residenteng naapektuhan ng pag-alburuto ng bulkan.

Nasagip ng mga otoridad ang 28 anyos na lalaki matapos ilang oras na ma-trap sa gumuhong tunnel sa Purok Dose, Barangay Mainit, Nabunturan, Davao De Oro.

Ang biktima na nakilala lamang na si Alvin ay kaagad isinugod sa ospital para magamot matapos hindi makalabas ng tunnel ng mahigit sampung oras.

Gumamit ng heavy equipment tulad ng backhoe ang rescue team para mapabilis ang operasyon at makuha ang biktima.

Iniimbestigahan na ng mga otoridad ang dahilan nang pagguho ng tunnel.