RONDA PROBINSYA

Nagpositibo sa South African variant ng coronavirus ang isang COVID-19 patient na nasawi mula sa Davao Oriental.

Ito ayon sa Provincial Epidemiologic Surveillance Unit ay matapos isalang sa test ang swab specimen na kinuha mula sa nasabing 63 taong gulang na lalaki mula sa Mati City.

Ang naturang pasyente na na-confine sa Davao Regional Medical Center nuong Mayo 9 ay nasawi dahil sa respiratory failure secondary to acute distress syndrome secondary to COVID-19 pneumonia at nagtataglay din ito ng hypertension at diabetes.

Kasabay nito  patuloy ang paalala ng Provincial Task Force COVID-19 sa mga taga-Davao Oriental na mahigpit pa ring sumunod sa standard health protocols at quarantine guidelines para hindi na kumalat ang virus.

Tila na trauma ang mga residenteng nakatirang malapit sa Jolo Airport sa Barangay Bangkal sa Patikul, Sulu kung saan bumagsak ang C130 plane na ikinasawi ng 53 katao.

Ayon sa mga residente, bumabalik-balik sa kanila ang anila’y nakakatakot na tunog na narinig bago pa tuluyang bumagsak ang nasabing military plane nuong araw ng linggo.

Natatakot anila silang maulit ang nasabing trahedya.

Kasabay nito, humingi ng tulong ang mga residente para sa mga nadamay na sibilyan kung saan tatlo ang nasawi at dalawang bahay ang nasira dahil sa aksidente.

Tutulungan ng lokal na pamahalaan ng Cagayan De Oro City ang mga taga ritong sundalong nasawi at nasugatan sa pagbagsak ng C-130 plane sa Patikul, Sulu.

Tiniyak ito ni Cagayan De Oro City Mayor Oscar Moreno matapos makipag-pulong sa ilang opisyal para ma-verify kung mayruong mga city based na sundalo ng 4th infantry division na kabilang sa mga casualty sa nasabing trahedya.

Kasabay nito ang paghingi ng dasal ni Moreno para sa kaluluwa ng mga nasawing sundalo gayundin sa agarang paggaling ng mga nasugatan sa aksidente.

Nakapagtala ang Ilocos Norte ng pinakamataas na bagong kaso ng COVID-19 nitong Sabado, Hulyo 3 simula nang magkaruon ng pandemya nuong isang taon.

Ayon sa Ilocos Norte Provincial Government  nasa 94 new COVID-19 cases ang naitala sa lalawigan nitong sabado matapos mairehistro nuong Nobyembre 29 ang 92 cases na record high single day infections.

Ipinabatid ng provincial government na nasa 770 ang COVID-19 active cases nito kaya’t sumirit pa sa 3, 903 ang kabuuang bilang ng impeksyon.

Pinakamataas na nakapagtala ng COVID-19 cases sa lalawigan ang naitala sa Laoag City na nasa 193, Bangui – 164, Batac City – 79, Badoc – 78, San Nicolas – 74 at Pasuquin – 23.

Dalawang residente naman ang sumakabilang buhay dahil sa kumplikasyon sa COVID-19 nuong Sabado.

Ayon sa DOH ang lalawigan ng ilocos norte ay mayruong 89. 6% recovery rate at fatality rate na 1.3%.

Nananatiling ligtas ang Tagaytay City para sa mga turista at residente sa kabila ng sitwasyon ng bulkang taal.

Ayon kay Phivolcs Chief Renato Solidum, maaari pa ring bisitahin ang Tagatay ngunit dapat pa ring magsuot ng face masks.

Giit ni Solidum, hindi pa malakas ang mga pagsabog na ginagawa ng bulkan.

Patuloy naman ang pagbabantay ng ahensya sa aktibidad ng Taal. —sa panulat ni Hyacinth Ludivico

Inaasahang isasailalim sa lockdown ang 20 dahil sa pagdami ng mga empleyado nitong nagpo positibo sa COVID-19.

Ipinabatid ito ni Michelle Schlosser, spokesperson ng Davao City COVID-19 task force sa gitna na rin nang ginagawa nilang patuloy na zoning containment strategy kung saan hinahanap nila ang mga establishment na nakapagtalaga ng mataas na kaso ng COVID-19.

Inamin ni schlosser ang surge o pagsirit ng kaso ng COVID-19 sa Davao City dahil sa paglabag sa contract tracing protocols.

Kasabay nito nanawagan ang task force ng kooperasyon sa publiko lalo na ang mga nakakatanggap ng mensahe na kailangang sumailalim sa swab test.

Magugunitang inihayag ni Davao City Mayor Sara Duterte-Carpio na kabilang ang mga bangko, BPO’s at iba pang mga opisina sa mga nakapagtala ng mataas na kaso ng COVID-19 sa lungsod

Inaresto ang 32 taong gulang na may isinagawang buy bust operation ng  police and Philippine Drug Enforcement Agency sa Cebu City.

Nasabat ang hinihinalang shabu na tinatayang nagkakahalaga ng P7.1 milyong.

Ayon kay Police Maj. Glenn Hefe, chief of the regional drug enforcement unit, matagal na nila itong binabantayan kung saan ito nagbibigay ng suplay ng droga sa mga barangay sa naturang lungsod.

Kinilala ang suspek na si Toro ng Barangay Tejero sa Cebu City kung saan nakuha ang mahigit isang kilong pakete ng shabu.

Bukod dito, umabot naman sa mga awtoridad ang contact person ng dealer na nasa loob na ng kulungan sa Cebu.

Nadagdagan ang mga alkalde at bise alkalde sa North Cotabato na nagpositibo sa COVID-19.

Ipinabatid ni DILG Cotabato Provincial Director Ali Abdullah na walong mayors at tatlong vice mayors na ang dinapuan ng virus.

Kabilang sa mga nagpositibo sa virus ang alkalde ng mga bayan ng Makilala, Magpet, Tulunan, Banisilan, Alamada, Carmen, Arakan at Aleosan.

Nag positibo rin sa COVID-19 ang bise alkalde sa mga bayan ng Makilala, Matalam at Antipas.

Ang mga naturang local officials ay nadale ng COVID-19  dahil sa pag-iikot ng mga ito sa kani-kanilang mga bayan.

Inulan ng yelo ang isang barangay sa bayan ng Pikit sa North Cotabato.

Ayon sa mga residente ng Barangay Kalakacan nagulat sila sa biglang pag ulan ng yelo na kasinglaki ng holen kasabay ng malakas na buhos ng ulan.

Sinabi ng mga residente na ito ang unang pagkakataon na kanilang naranasan ang hailstorm kayat ilan sa kanila ang natakot samantalang ang iba naman ay namulat pa ng yelo.

Nilinaw naman ng PAGASA na kadalasan ay magkakaruon ng hailstorm kung mayruong thunderstorm.