Nagdadalamhati ang inang Overseas Filipino Worker sa pagpanaw ng kanyang anak dahil sa tuklaw ng cobra sa noo nito.
Ayon sa ulat, nagpapadagdag sa sakit nito ang hindi niya makita ang kanyang anak sa huling sandali nito.
Noong nakaraang linggo nang mangyari ang trahedya sa anim na taong biktima sa Pangasinan.
Ayon sa ina ng bata na si Lovely, nagpunta siya sa Hongkong para maibigay niya ang pangangailangan ng kanyang anak.
Instant tourist spot sa General Santos City ang isang dambuhalang butanding.
Ayon sa ulat, ito raw ang unang pagkakataon na may nakitang butanding sa lugar pero hindi naman ito ang una na may napadpad na ganoong uri ng lamang dagat sa baybayin ng gensan.
Nitong nakaraang linggo naman ay may namataan na rin na butanding malapit sa Barangay Dadaiangas South.
Pinuntahan na ng mga tauhan ng Bureau of Fisheries and Aquatic Resources o BFAR sa Calumpang at pinalalahanan ang mga tao na huwag hawakan ang mga butanding.—sa panulat ni Rex Espiritu
Isinailalim sa Extreme Enhanced Community Quarantine ang 23 sa 33 na villages sa Cabuago, Ilocos Sur nitong linggo.
Ayon sa ibinabang Executive Order ni Cabugao Mayor Edgardo Cobangbang, nakababahala ang bilang ng mga residente na nahahawa ng COVID-19 sa lugar.
Sabi pa ni Cobangbang na isa rin sa dahilan ng ECQ sa lugar ay dahil sa kumpirmadong kaso ng Delta at Aplha variant sa Cabuaga.
Bawal naman ang kahit anong uri ng mass gathering habang alas-8 gabi hanggang alas-5 ng umaga ang curfew at magpapatupad din ng liquor ban.—sa panulat ni Rex Espiritu
Nakaligtas sa tiyak na kapahamakan ang isang konsehal sa Talisay, Cebu.
Iyan ay matapos siyang mabangga at muntikan pang magulungan ng fuel tanker.
Ayon sa ulat, nasagi ng nasabing fuel tank ang motorsiklong sinasakyan ni Councilor Socrates Fernandez na dati ring Alkalde ng lungsod.
Bumagsak ang motorsiklo ng dating Alkalde pero nakaupo siya agad bago pa man magulungan ang kanyang ulo ng nakabanggang truck.
Ayon naman sa driver ng truck, sinubukan niyang iwasan ang motor pero tinamaan pa rin nya ito.
Nagkausap naman na ang biktima at ang driver ng fuel tanker.—sa panulat ni Rex Espiritu
SUGATAN ang isang lineman matapos tuklawin ng hinuli nilang ahas na nakapulupot sa linya ng kuryente sa Brgy. San Isidro, Jaro, Iloilo City.
Kinilala ang biktima na si Rutaben Salvacion, empleyado ng More Power Corporation.
Sa imbestigasyon, humingi ng tulong sa mga lineman ang mga residente nang makitang sumabit sa linya nila ang ahas at nang hulihin nila ito ay doon na natuklaw sa kaliwang kamay si Salvacion.
Agad namang tinurukan ng anti-venom vaccine si Salvacion habang nai-turn over na sa mga tauhan ng DENR Region 6 ang naturang ahas.\
Patay ang isa sa dalawang driver ng isang oil tanker matapos maipit sa ilalim nang tumagilid na truck nila sa diversion road sa Sta. Catalina sa Atimonan, Quezon.
Ang nasabing truck ay patungo sana sa Bicol, subalit nawalan ng preno sa pababang bahagi ng highway
Ayon sa report ng Atimonan Municipal police station, hindi na nakontrol ng driver ang manibela at sumadsad ang truck sa gilid ng bundok, samantalang sinubukan pang isalba ng rescuer ang buhay ng isa sa mga biktima
Halos 45 minuto ang itinagal ng retrieval operations na ginamitan pa ng boom truck para makuha ang isang naipit na driver.
Sinasabing ang accident prone ang lugar kaya’t pinag-iingat ng awtoridad ang mga dumadaan dito.
Nasawi ang apat na lalaki sa Ambaguio, Nueva Vizcaya matapos na matabunan ng lupa sa isang construction site.
Sa inisyal na imbestigasyon ng Ambaguio Police, naganap ang insidente ng pasado alas-8 ng umaga sa ginagawang slope protection.
Mababatid na naghuhukay anila ang biktima para sa pundasyon ng naturang proyekto nang biglang gumuho ang lupa sa kanilang itaas.
Dakong alas-10 ng umaga nang maipagbigay alam sa mga awtoridad ang naturang pangyayari at agad na sinimulan ang paghuhukay ng mga rescuer.
Matapos ang puspusang rescue operation, natagpuan ang lahat ng biktima pero patay na ang mga ito.
Kinilala ang mga biktima bilang sina Rafael Villar, John Retamola, Christopher Padua, at si Carlos Tome.
Samantala, patuloy naman ang ginagawang imbestigasyo ng Ambaguio Police para matukoy kung sino ang may pananagutan sa naturang pangyayari.
Isasailalim sa 2 week Enhanced Community Quarantine (ECQ) ang Davao Oriental.
Ito’y ayon kay Davao Oriental Governor Nelson Dayanghirang sa isinagawang emergency meeting sa pagitan ng provincial government maging ang iba’t ibang mga opisyal ng mga bayan nito.
Dagdag pa ng opisyal na kanilang gagawing ang naturang hakbang para makatulong sa pagpapababa sa nakakaalarmang tumataas na kaso ng COVID-19 sa probinsya.
Sang-ayon sa kautusan, iiral ang mahigpit na quarantine status sa probinsya simula sa Setyembre 8 at magtatagal hanggang Setyembre 21.
Ibig sabihin, iiral ang mga pangunahing restriksyon sa ilalim ng mahigpit na quarantine status gaya ng curfew mula alas-8 ng gabi hanggang alas-5 ng madaling araw; 24 hour liquor ban; paghihigpit sa pagsasagawa ng burol; gayundin ang mahigpit na border control papasok at palabas ng probinsya para mapigilan ang non-essential travels.
Sa huli, sinabi ni Davao Oriental Task Force on COVID-19 Action Officer Dr. Reden Bersaldo, na sa kasagsagan ng 2 week ECQ ay mabibigyang pagkakataon ang kanilang mga tauhan na tutukan lalo ang mga pasyenteng may COVID-19 gayundin ang iba pang hakbang para tuluyang mabawasan ang hawaan ng virus.
Nagpositibo sa COVID-19 si Angeles City Mayor Carmelo Lazatin Jr.
Ayon sa ulat, pinuntahan siya ng mga kawani ng Angeles City Disaster and Risk Reduction and Management Office nitong Miyerkules dahil nakaramdam ito ng sintomas kagaya ng lagnat at sipon.
Kasalukuyan naman na nagpapagaling ang Alkalde.
Sa kabila nito, patuloy naman ang operasyon ng Angeles LGU kagaya ng vaccination program.—sa panulat ni Rex Espiritu
Natagpuan ang isang katawan ng hindi nakilalang lalaki na walang ulo sa Bacolod City nitong Martes.
Nakita ang bangkay malapit sa lugar kung saan naman binaril ang isang pulis nito naman linggo.
Ayon sa pulisya, alam na nila ang pagkakakilanlan ng biktima pero hindi nila ito mailalabas dahil kailangan pa ang pahintulot ng kaanak nito.
Ayon pa sa kanila, walong hindi kilalang kalalakihan ang nakita ng isang sakisi sakay ang isang SUV ang nag-iwan ng bangkay ng biktima sa lugar at nakarinig ng anim na putok na baril bago sila lumipad paalis.
Nakatali naman ang biktima at may karatula itong bayad sa utang nang matagpuan.—sa panulat ni Rex Espiritu