Aabot sa 27 lugar sa Capiz ang nakararanas ng baha dahil sa walang tigil na ulan bunsod ng bagyong Lannie.
Ayon kay Jing Pelaez ng Capiz Provincial Disaster Risk Reduction And Management Office, inaasahan pang darami ang Barangay at Munisipyong apektado ng baha.
Kabilang sa mga bayan na apektado ay Mambusao, Jamindan, Dumalag at Sigma.
Samantala nasa labing pitong indibidwal na ang inilikas sa bayan ng Mambusao dahil din sa pagbaha. —sa panulat ni Jennelyn Valencia-Burgos
Patay sa pamamaril ng riding-in-tandem ang isang negosyateng dayuhan sa Lipa City, Batangas.
Kinilala ang dayuhang biktima na si Shajad Miah, 43-anyos na residente ng Karuhatan, Valenzuela City.
Base sa imbestigasyon, nasa harap ng opisina ng isang kumpaniya sa bahagi ng P. Torres St., Brgy. 5, Lipa City ang biktima nang dumating ang dalawang suspek sakay ng pulang yamaha mio soul motorcycle saka pinagbabaril ang biktima.
Nakaligtas pa sa pamamaril ang biktima matapos makatakbo pero muli itong hinabol ng mga suspek saka pinaulanan ng bala ng baril.
Dito na binawian ng buhay ang suspek matapos magtamo ng mga tama sa ibat-ibang bahagi ng kaniyang katawan.
Narekober sa pinangyarihang krimen ang 9 na basyo ng kalibre .45 baril.
Sa ngayon, pinaghahanap na ng mga otoridad ang mga suspek na tumakas. —sa panulat ni Angelica Doctolero
Nasamsam ng mga otoridad ang ilang mga iligal na armas at bala sa pitong armadong lalaki sa Sitio Super, Barangay Curahab, Lanao Del Sur.
Nakumpiska ang mga armas, bala ng baril at ilang mga pampasabog sa tulong ng pinagsanib puwesa ng 1st Marine Brigade, Malabang Municipal Police Station at 2nd Provincial Mobile Force Company.
Ayon kay Western Mindanao Command Maj. Gen. Alfredo Rosario, Jr., nagsagawa ang kanilang mga tauhan ng joint operation kasunod ng nangyari panghaharass sa Barangay Bunkhouse sa Malabang sa nabanggit na lugar.
Kinilala ang mga pitong armadong lalaki na sina:
Sa ngayon, inaalam pa ng mga otoridad kung may mga kasabwat pa ang mga nahuli matapos ang insidente. —sa panulat ni Angelica Doctolero
Kaniya kaniyang reklamo ang mga residente sa Bohol matapos makaranas ng 14-hour power interruption.
Ayon sa ilang mga residente, napilitan na silang dumayo sa ilang mga mall at mga beach resort para masolusyonan ang kanilang problema sa init dahil sa power shortage.
Ang mga establisyimento kasi ay gumagamit ng mga generators para maresolba ang problema sa pagkawala ng kuryente at hindi maantala ang kanilang negosyo.
Sa naging pahayag ng National Grid Corporation of the Philippines (NGCP), ang power interruption ay dahil sa annual preventive maintenance ng kanilang 138KV submarine cable.
Tiniyak naman ng NGCP, na mananatili ang operasyon sa Commission on Elections (COMELEC) sa gitna ng filing ng Certificate of Candidacy ng mga kakandidato. —sa panulat ni Angelica Doctolero
Nasamsam ng mga otoridad ang mahigit P40-M halaga ng iligal na droga sa Lapu Lapu City, Cebu.
Kinilala ang mga naaresto na sina Reny Dente Nabor, 48-anyos; Rhodora Diaz Dayuha, 50-anyos; at Sterlita Millanes, 40-anyos na nasa regional priority top 10 list sa iligal na droga.
Ayon sa Philippine Drug Enforcement Agency (PDEA), narekober sa mga suspek ang labing isang pakete ng hinihinalang shabu na may timbang na dalawang kilo at nagkakahalaga ng P14-M.
Bukod pa dito, nakumpiska din sakanila ang apat na kilo pang shabu na may street value na P27-M.
Paglabag sa RA 9165 o Comprehensive Dangerous Drugs Act of 2002 ang kasong kakaharapin ng mga naarestong suspek. —sa panulat ni Angelica Doctolero
Nakumpiska ng mga otoridad sa tatlong naaresto ang aabot sa P6.8-M halaga ng iligal na droga sa Bongao, Tawi-Tawi.
Ayon sa Regional Office ng Philippine Drug Enforcement Agency-Bangsamoro Autonomous Region in Muslim Mindanao, hinuli ang tatlong suspek matapos maaktuhang nagbebenta ng kilo-kilong shabu.
Dahil dito agad na nagkasa ng entrapment operation ang PDEA-BARMM na inasistahan ng Tawi-Tawi Provincial Police at 12th Marine Battalion of the Philippine Navy.
Nahaharap ngayon sa kasong Prosecution for Violation of the Comprehensive Dangerous Drugs Act of 2002 ang mga naaresto. —sa panulat ni Angelica Doctolero
Isang bata ang nasawi sa sunog sa residential area sa barangay Sun Valley, Parañaque City.
Ayon sa Bureau of Fire Protection, inaalam na nila kung paano nasawi ang 1 taong gulang na biktima at nasaan ang mga magulang nito nang sumiklab ang sunog.
Tinatayang 100 katao naman ang nawalan ng bahay sa sunog na umabot sa unang alarma na naapula makalipas ang halos dalawang oras.
Nasa 13 bahay na pawang gawa sa light materials ang nilamon ng apoy habang tinataya sa P100,000 ang halaga ng mga natupok na ari-arian.
Inaalam na kung ano pinagmulan ng sunog na nag-umpisa sa dalawang palapag na bahay na pag-aari ng isang Wilfredo Prado.
Pansamantalang nanunuluyan ang mga apektadong residente sa mga itinayong modular tent at isang kapilya sa naturang lugar. — sa panulat ni Drew Nacino
Isinailalim sa 2 linggong granular lockdown ang isang residential compound sa Antipolo City matapos magpositibo sa COVID-19 ang isang residente nito.
Bukod sa isang nagpositibo, pitong iba pa ang nakitaan ng sintomas ng naturang sakit.
Kaugnay nito, hindi papayagang makalabas ang mga residente ng Sitio Pasong Palanas sa barangay San Juan.
Nabatid ng mga otoridad na 19 na mga residente ang dumalo sa libing ng isang nasawing COVID-19 positive.
Tiniyak naman ni City Government Spokesperson Dr. Casimiro “Junjun” Ynares, III na mabibigyan ng food packs ang mga apektadong residente. —sa panulat ni Hya Ludivico
Apat na bilanggo ang patay sa tangkang jailbreak ng labing-isang grupo ng preso sa Lianga district jail sa Surigao del Sur.
Ayon kay Jail Supt. Bernie Ruiz ng BJMP–Caraga, nagtangkang tumakas ang labing-isang grupo ng mga bilanggo habang dinadala ang rasyon ng almusal sa kanilang mga kulungan.
Inaabot ng jail guard ang almusal sa mga preso na pawang miyembro ng new people’s army nang bigla na lamang umanong mang-agaw ang mga ito ng armas.
Agad namang nakakilos ang iba pang jail guard at naputukan ang limang bilanggo na ikinasawi ng apat na hindi pa pina-pangalanang preso. — Sa panulat ni Drew Nacino
Sumakabilang-buhay na sa edad na pitumpu’t dalawa si dating Kalinga Governor Macario Duguiang, kahapon.
Kinumpirma ng kaniyang mga kamag-anak ni Duguiang ang matagal na nitong iniindang karamdaman ang dahilan umano ng kamatayan ng dating opisyal.
Si Duguiang ay nagsilbing gobernador ng lalawigan simula July 1, 2011 hanggang June 30, 2014 at alkalde ng bayan ng lubuagan mula 1978 hanggang 1986.
Naging regional director din siya ng Department of Transportation and Communications sa Cordillera Administrative Region at Philippine Red Cross – Kalinga Chapter Chairman.
Itinuturing na peace negotiator ang dating gobernador dahil napagkakasundo nito ang iba’t-ibang tribo at naiwasan ang pagkakaroon ng tribal war. — Sa panulat ni Drew Nacino