RONDA PROBINSYA

6 ang patay matapos makipagengkwentro sa mga pulis sa Sitio Boso-Boso,  Antipolo City na pawang sangkot umano sa serye ng mga roberry hold up sa NCR, CALABARZON at Central Luzon.

Dati nang minamanmanan ng Highway Patrol Group Group at Rizal Police ang 6 na nasawi sa engkwentro sa mga pulis dito sa Sitio Boso-Boso, Brgy. San Jose, Antipolo City, Rizal.

Sa panayam  kay Police Col. Joey Arandia, Hepe ng Antipolo City, sangkot ang mga suspek sa robbery hold up at carnapping sa CALABARZON, Metro Manila at maging Central Luzon.

Nakatanggap umano sila ng intelligence information na magsasagawa ang grupo ng serye ng robbery holdup sa mga maliit na establisyemento sa Rizal.

Dahil dito, nakaaelerto umano ang mga pulis Antipolo at nakabantay sa posibleng pag atake ng grupo.

Sa official report, ala-una trenta ng madaling araw nang mamatyagan ng HPG Limbas mobile team ang 4 na suspek na sakay ng Sedan at 2 suspek na sakay ng motorsiklo.

Tangka umano ng mga ito na mang holdap sa Boso-boso shell gasoline station.

Pinapatukan ng mga suspek ang mga pulis at tumakas papunta ng direksyon pa Baras Rizal.

Hinabol sila ng HPG at na-monitor ng Antipolo Police ang insidente kaya naglahay ng road block sa Marcos Highway.

Nakorner sila ng mga pulis at pinasuko. Pero sa halip na sumuko ay nanalaban pa ang mga suspek.

Dito na nasawi ang 6 na suspek habang 1 pulis naman ang tinamaan ng bala pero ligtas naman ang kalagayan dahil nakasuot ng bullet vest.

Wala pang pagkakakilanlan ang 6.

Narekober naman sa kanila ang 6 na baril.

Pasado alas 7 ng maialis ang katawan nila sa kalsada at maisaky sa ambulansya. —sa ulat ni Jaymark Dagala (Patrol 9)

Aabot sa P6.5-M na halaga ng party drugs na Ecstasy ang nadiskubre sa isang package mula sa Germany.

Ayon sa Bureau of Customs at PDEA, isinilid ito sa dalawang improvised pouch na gawa sa tarpaulin sheets.

Dahil dito, iniimbestigahan na ang mga posibleng sangkot sa pagpapadala ng iligal na droga.

Matatandaang noong nakaraang linggo, nasabat din ang isandaang piraso ng ecstasy na nagmula naman sa Netherlands.

Kaugnay nito, tiniyak ng Customs ang patuloy na paghihigpit sa border protection lalo’t dumarami ang mga dumarating na package dahil sa mataas na demand ngayon ng e-commerce.

Tuloy-tuloy ang isinasagawang Rapid Damage Needs Assessment ng Provincial Disaster Risk Reduction and Management Council (PDRRMO) ng Cagayan sa mga naapektuhan ng bagyong Maring.

Sa Laging Handa briefing, sinabi ni Cagayan PDRRMO Col. Darwin Sacramed ay nagpadala na sila ng mga tauhan upang makita ang kabuuang epekto o pinsala sa lalawigan.

Handa rin umano silang magbigay ng tulong at maipagkaloob ang mga kakailanganin para sa mga apektadong residente.

Aniya, kapag nakumpleto na ang report ay agad itong ipadadala sa National Government para sa kaukulang aksyon.

Samantala, batay sa inisyal nilang datos, aabot sa mahigit P40M ang pinsalang iniwan ng bagyong Maring sa lalawigan ng Cagayan.

Patay ang 11 taong gulang na bata matapos madaganan ng steel railing sa may P. Burgos Street sa Cebu City.

Batay sa ulat, nagtitinda ng kandila ang  bata kasama ang kaniyang nanay nang mangyari ang insidente.

Nakaupo umano ang bata nang bigla itong bagsakan ng railings.

Samantala, isa namang limang taong gulang na batang babae ang natagpuang patay sa isang creek sa Camarines Sur.

Kinilala ang biktima na si Marie Claire Abad na huli umanong nakitang buhay noong Lunes ng hapon.

Kasalukuyang iniimbestigahan pa ng mga awtoridad ang dahilan ng pagkamatay ng naturang bata.

Patuloy ang isinasagawang search at rescue operation sa dalawang batang nawawala sa landslide sa Baguio City.

Kinilala ng Baguio City Government ang dalawang bata na si Nathalia Ocampo, apat na taong gulang at Jodirose Tolibas, 12 taong gulang.

Una nang narekober ang kaanak ng mga ito na si Alfredo Ocampo habang sugatan naman ang asawa nitong si Marjorie.

Nasa 29 na insidente ng landslide ang naitala sa lungsod dahil sa pananalasa ng bagyong Maring.

Patay ang dalawang bata matapos malunod sa Dasmariñas, Cavite.

Sa pagsasagawa ng rescue operation ng CDRRMO Dasmariñas, natagpuan ang dalawang batang may edad onse at trese anyos sa malalim na bahagi ng ilog matapos ang dalawang oras na paghahanap sa mga ito sa Pasong Baca River.

Nagkayayaan umano ang mga kaibigan ng mga bata na maligo sa nasabing ilog.

Tatlong bata rin ang nasawi sa lawa sa barangay Pulanglupa Uno, Las Piñas matapos ding malunod.

Ang mga ito ay nasa edad, pito, siyam at labing dalawang taong gulang.

Ayon sa mga kaanak, hindi nila alam na nagtungo ang mga bata sa lawa para maligo sa kasagsagan ng pag-ulan.

Nasabat ng mga tauhan ng Bureau of Customs (BOC) ang nasa mahigit 4-M halaga ng mga smuggled cigarettes sa Zamboanga City.

Ayon sa mga otoridad ang mga nakumpiskang sigarilyo ay sakay ng dalawang bangkang de motor sa karagatang sakop ng nabanggit na lugar.

Nabatid na nasa kabuuang 137 master case na mga sigarilyo ang nakumpiska na  ngayon ay isasailalim sa seizure and forfeiture proceeding dahil sa paglabag sa section 1113 ng Customs Modernization and Tariff Act (CMTA). —sa panulat ni Angelica Doctolero

Patay sa engkwentro ang dalawang tulak ng iligal na droga matapos makipagbarilan sa mga pulis sa ikinasang drug buy-bust operation sa barangay San Roque, Nueva Ecija.

Kinilala ang dalawang nasawi na si Randy Boy Acquiat, 33-anyos at Jonathan Tipano, 33-anyos.

Sa imbestigasyon ng mga otoridad, nagsagawa ng buy-bust ang Drug Enforcement Team ng Gapan City Police sa pakikipagkoordinasyon sa Philippine Drug Enforcement Agency (PDEA), laban sa dalawang suspek sa nabanggit na lugar.

Ayon kay P/Lt.Col. Alexie Desamito, isang poseur buyer ang nagpanggap na bibili ng iligal na droga kung saan, nang akmang aarestuhin na ang dalawang suspek ay nanlaban ang mga ito saka pinaulanan ng bala ang mga operatiba.

Swerte namang sumablay ang mga ito pero gumanti ng putok ng baril ang mga otoridad dahilan ng kanilang agarang pagkasawi.

Nakuha sa pinangyarihang krimen ang 15-plastic sachet ng umano’y shabu na abaot sa 75 gramo ang timbang at nagkakahalaga ng kalahating milyong piso.

Nakuha rin ang isang caliber .45 pistol at isang caliber .38 revolver mula sa mga nasawing suspek.

Sa ngayon iniimbestigahan pa ng mga otoridad kung may kasabawat pa ang mga nasawing suspek. —sa panulat ni Angelica Doctolero