Home NEWS

NEWS

NATIONAL NEWSNEWS

Extension ng konstruksyon ng MRT-7 sa Bulacan, aprub sa DOTr

written by DWIZ 882
DOTR 1

Bukas ang Department of Transportation (DOTr) para i-extend ang construction ng Metro Rail Transit-7 (MRT-7) sa dalawa pang munisipalidad sa Bulacan.

Sinabi ni DOTr undersecretary Cesar Chavez sa House Committee on Transportation na maaaring maabot ng railway ang populated towns sa Santa Maria at Norzagaray.

Ito ay bilang tugon sa tanong ni Bulacan representative Salvador Pleyto Sr. kung may kapasidad ba ang gobyerno na maabot ang dalawa pang bayan sa distrito niya.

Ayon kay Chavez, pinaka -realistic na paraan para maisagawa ito ay ang posibilidad na i-extend ang MRT-7 mula San Jose Del Monte hanggang Norzagaray at Sta. Maria.

Ang MRT-7 ay proyekto ng San Muguel Corporation sa ilalim ng Public-Private Partnership (PPP) na nagkakahalagang P77 billion.—sa panulat ni Hannah Oledan

August 30, 2022 0 comment
0 Facebook Twitter Google + Pinterest
FEATURESNEWS

‘Sumali sa Hapag Movement, tumulong sa mga kababayang nagugutom’

written by DWIZ 882
GUTOM

Nabunyag na patuloy na nakararanas ng involuntary hunger o gutom ang milyon-milyong Pilipino.

Ito ang lumabas sa survey ng Social Weather Stations (SWS) mula Enero hanggang Marso ng 2022 kung saan nasa 15.5 milyon ang nagsabing nakaranas sila ng involuntary hunger.

Sinasabing mas malala ito noong kasagsagan ng pandemya, kung saan maraming nawalan ng trabaho at nahirapan maghanap kung saan sila kukuha ng makakain.

Ngunit gamit ang iyong Globe Rewards points at GCash, maaari kang makatulong na masolusyunan ang suliraning ito.

Sa bawat pagbili ng load o pagbayad ng buwanang subscription, may katumbas itong Rewards points na maaaring i-donate sa Hapag Movement.

Sa pamamagitan ng teknolohiya, layon ng telco na makatulong sa pamamagitan ng Hapag Movement, isang inisyatibong pinag-uugnay ang iba’t ibang organisasyon na nakatuon sa pagbibigay-lunas sa gutom at pagbibigay ng kabuhayan sa mga mahihirap na pamilya.

“Hinihikayat namin ang lahat na makibahagi sa programang ito. Kahit maliit na halaga ay malaking bagay na at malayo ang mararating para sa laban natin kontra gutom,” ayon kay Yoly Crisanto, Chief Sustainability at Corporate Communications Officer ng Globe.

Para sa mga donasyon, i-download lamang ang bagong GlobeOne App at maaaring i-donate ang iyong Globe Rewards points.

Kahit na piso ay pwedeng i-donate.

Para malaman ang iba pang sustainability initiatives ng telco, bisitahin ang kanilang website.

August 30, 2022 0 comment
0 Facebook Twitter Google + Pinterest
INTERNATIONAL NEWSNEWS

Initial economic loss ng bansang Pakistan, umabot na sa 10 bilyong dolyar

written by DWIZ 882
pakistan

Umabot na sa $10 billion ang initial economic loss sa Pakistan sa mga imprastraktura sa Pakistan bunsod ng malakas na pagbaha.

Sinabi ni planning minister Ahsan Iqbal na maaaring abutin ng hanggang limang taon upang ma-rehabilitate ang bansang may 200 milyong katao.

Nagresulta rin ng pagkasira ng mahigit 3,000 kilometrong kalsada, 130 tulay, at 495,000 bahay.

Ayon naman sa Philippine Embassy sa Tripoli, walang Pilipino ang naulat na napuruhan o nasawi.

Samantala, batay sa datos ng gobyerno ng Pakistan, umakyat na sa 1,136 ang death toll sa Pakistan kung saan, 386 dito ay mga bata habang 1,634 naman ang sugatan.

August 30, 2022 0 comment
0 Facebook Twitter Google + Pinterest
METRO PATROLNEWS

Water service interruption naranasan sa ilang lugar sa NCR

written by DWIZ 882
contaminated water or kontaminadong tubig

Nakaramdam ng water service interruption ang ilang lugar sa National Capital Region simula alas-5:00 ng hapon hanggang alas-11:00 ng gabi kahapon.

Ayon sa anunsyo ng Maynilad Water Services Inc., naging sanhi ng pagkawala ng tubig ang power interruption sa La Mesa pumping station.

Apektado rito ang 18 barangay sa Quezon City, Caloocan, at Valenzuela.

Sa Quezon City apektado ang mga lugar ng Gulod, nagkaisang Nayon at Sta. Monica.

Sa Valenzuela, apektado naman ang mga barangay ng baybayin, Bignay, East Canumay, Gen. T. De Leon, Lawang Bato, Linguhan, Mapulang Lupa, Maysan, Parada, Paso De Blas, Punturin, Ugong, at West Canumay.

Habang apektado naman ang mga barangay 165,166 at 167 sa Caloocan.

August 30, 2022 0 comment
0 Facebook Twitter Google + Pinterest
HEADLINESNEWS

Industriya ng asin nais isalba, ilang mambabatas gumawa ng hakbang

written by DWIZ 882
AISN - SALT

Gumawa ng hakbang ang ilang mambabatas para maisalba ang industriya ng asin sa Pilipinas.

Inihain ni Kabayan Partylist Representative Ron Salo ang House Bill No. 1976 na nais amyendahan ang asin law at gumawa ng comprehensive salt industry development program sa bansa.

Maglulunsad din ito ng national salt congress sa Nobyembre kasama si Presidenteng Ferdinand Marcos Jr. bilang guest speaker.

Samantala, nais naman ni senator Joel Villanueva na muling pag-aralan ang Asin Law at paimbistigahan kung bakit mababa ang porsyento ng pag-i-import ng asin.—mula sa panulat ni Hannah Oledan

August 30, 2022 0 comment
0 Facebook Twitter Google + Pinterest
HEADLINESNEWS

Eroplano ng PAL nakaranas ng matinding turbulence, 12 pasahero, sugatan

written by DWIZ 882
PAL

Sugatan ang 12 pasahero matapos makaengkwentro ng turbulence ang sinasakyang eroplano.

Papuntang Los Angeles mula Manila ang Flight PR113 na nakaranas ng kumosyon dalawang oras bago mag-landing.

Ayon sa PAL, siyam na pasahero at tatlong airline crew ang agad na isinugod sa ospital noong linggo.

Sinabi ng airline na hindi inaasahan ang insidente at hindi kayang ma-detect ng onboard weather radar system ang naturang turbulence.

Aakuin anya ng PAL ang pagpapagamot sa mga pasaherong sugatan.—sa panulat ni Hannah Oleda

August 30, 2022 0 comment
0 Facebook Twitter Google + Pinterest
Newer Posts
Older Posts