NEWS

“DAPAT ay mauna ang karapatan ng mga Pasigueño sa pondo para sa healthcare services bago ibuhos ang pera ng taumbayan sa bago at magarbong P9.6 bilyong Pasig City Hall project.”

Pahayag ito ni mayoralty aspirant Sarah Discaya, na mas kilala bilang ‘Ate Sarah’ sa mga Pasigueños, matapos niyang tugunan ang mga hiling na ayudang medikal mula sa maralitang komunidad ng lungsod.

Sa priority programs ng Team Sarah ay nangunguna ang pagpapatayo ng ‘smart hospitals’ na may sapat na mga kagamitan at gamot bago ang pagpapagawa ng umano’y magarbong ‘Smart Pasig City hall.’

Nauna nang pinuna ng iba’t-ibang sektor sa nasabing lungsod ang umano’y pagpursige ni Mayor Vico na maunang maipatayo ang kontrobersiyal na City Hall sa halagang halos sampung bilyong piso habang kapos naman umano ang pondo oara sa ibang social services ‘tulad ng healthcare at ayudang pang-edukasyon para sa mga batang Pasigueño.

Ayon kay Discaya ay maraming suliranin ang lungsod ng Pasig na kailangang mas pagtuunan ng pansin ng gobyerno lokal lalo na
sa usaping pangkalusugan at sustainable livelihood.

“Maraming pangangailangan ang mga Pasigueño, gaya ng gamot, kagamitan sa ospital, at medical professional at healthcare personnel… ang mga ito ang dapat maging prayoridad,” sabi ni Discaya.

Noong 2024, bumagsak ang Pasig LGU mula sa ika-6 na pwesto noong 2019 tungo sa ika-9 na ranggo sa Rankings of Highly Urbanized Cities sa ilalim ng Cities and Municipalities Competitive Index ng Department of Trade and Industry.

Isang malaking salik sa pagbagsak ng ranggo ng lungsod ay ang kategoryang government efficiency, na sumasaklaw sa mahahalagang serbisyo ng gobyerno tulad ng kalusugan, kapayapaan at kaayusan, serbisyo sa edukasyon, at social protection.

Matatandaan may ilang senior citizens din ang nagpahayag ng pagkadismaya sa umano’y kakulangan ng mga benepisyong natatanggap nila mula sa kasalukuyang administrasyon sa ilalim ni Mayor Sotto, partikular na sa larangan ng healthcare at medical services, na dapat sana’y tumutugon sa kanilang pangangailangang pangkalusugan.

Sa nasabing reklamo ay sinasabing kinuripot umano ng pamahalaang lungsod ang badyet para sa aocial services city upang paglaanan ang pambayad sa construction ng bagong City Hall.

“Dapat na mauna ang karapatan ng mga Pasigueño sa pondo para sa healthcare services bago ang magarbong P9.62 bilyong Pasig City hall.” Diin ni Discaya.

Ang kabuohan ng kanyang mga plano sa pagtakbo nitong darating na May 2025 election ay ang isulong na maging ‘smart city’ ang lungsod ng Pasig, na mayroong mga ‘smart facilities,’ ‘smart schools,’ at ‘smart hospitals.’

Inihirit ng isang consumer group sa Senado na bilisan ang pagsasabatas sa anti-online piracy bill, na itinuturing ng grupo na kagyat na alalahanin sa patuloy na pag-evolve ng teknolohiya.

“Nakapanlulumo ang patuloy na pagkakabimbin ng mga panukalang batas sa Senado na may layuning protektahan ang ating mga artista, manlilikha, at mamimili mula sa mga mapanlinlang at ilegal na operasyon sa internet,” pahayag ni Bantay Konsyumer, Kalsada, Kuryente (BK3) Convenor Atty. Karry Sison.

Dalawang bills — Senate Bill Nos. 2150 at 2385 — na tumutukoy sa site blocking ang nakabimbin sa Senado. Ang nga bill na ito ay naglalayong amyendahan ang Intellectual Property Code of the Philippines.

Matagal nang nananawagan ang creative industry stakeholders
na aprubahan ang bill sa gitna ng walang humpay na paglabag sa intellectual property rights na nagdulot ng malaking pagkalugi sa industriya at sa gobyerno.

“Matagal nang hinihiling ng mga apektadong sektor ang pagpapatupad ng site blocking upang pigilan ang mga website na patuloy na kumikita mula sa ipinagbabawal na distribusyon ng mga pelikula, musika, at iba pang likhang sining,” sabi ni Sison.

Pinangunahan ni Senador Mark Villar,
noong siya pa ang chair ng Committee on Trade, Commerce, and Entrepreneurship, ang public hearings sa Senate Bill Nos. 2150 at 2385, na inihain nina Senate President Pro Tempore Jinggoy Estrada at Senador Bong Revilla, ayon sa pagkakasunod.

Gayunman, ngayong ang komite ay pinamumunuan na ni Senador Alan Peter Cayetano, ang progreso sa mga panukalang ito ay hindi pa umuusad.

Nauna rito ay sinabi ng Intellectual Property Office of the Philippines na dahil sa online piracy, ang bansa ay nawalan ng $781 million noong 2022 at kapag patuloy na hindi inaksiyunan, ang revenue loss ay aabot sa $1 billion.

Bukod sa revenue loss, nagpahayag din ng pagkabahala ang grupo sa digital security threats tulad ng scams at cyberattacks na patuloy na lalaganap kapag hindi pa rin tinugunan ang online piracy.

“Ngunit hindi lang ito tungkol sa sining at kita. Ang online piracy ay may mas malalim pang epekto— naglalagay ito sa peligro sa ating digital na seguridad,” ani Sison.

“Maraming Pilipino ang hindi nakakaalam na sa bawat pagbisita nila sa mga website ng piratang nilalaman, ibinubukas nila ang kanilang sarili sa malware, phishing, at iba pang cyber threats na maaaring magdulot ng pagnanakaw ng kanilang personal na impormasyon. Isa itong seryosong banta na hindi maaaring ipagsawalang-bahala.”

Binanggit ng grupo na bumaba ang kaso ng online piracy sa Indonesia at South Korea makaraang ipatupad ng mga bansang ito ang katulad na site blocking bill.

PASIG City – Iginiit ni mayoralty aspirant Sarah Discaya na may namumuong bagong mukha ng korapsyon sa lungsod na ito dahil sa umano’y kapabayaan sa kapakanan ng mga Pasigueño ng kasalukuyang lokal na administrasyon.

Ito ay makaraang bumuhos ang hinaing ng mga dismayadong residente ng Pasig patungkol sa kasalukuyang pamamahala ng lokal na gobyerno.

Base sa mga hinaing ng iba’t-ibang sektor ng Pasig, maraming pangako ang hindi umano naibigay ng lokal na pamahalaan, lalo na ‘yong mga pangunahing aocial welfare services tulad ng edukasyon, kalusugan, at sustainable livelihood.

Ayon kay Discaya, ang hindi pagpapatupad ng mga makataong programang mapakikinabangan ng mga Pasigueño ay makabagong mukha ng korapsyon at katiwalian.

“Mayroon tayong bagong mukha ng korapsyon, at ito ay ang hindi pagpapatupad ng mga makataong programa tulad ng pagtatayo ng ospital, pagsasaayos ng mga silid-aralan, pagbibigay ng abot-kayang pabahay, at tulong-pinansyal para sa mahihirap,” sabi ni Discaya.

Dinagdag pa niya na hindi lamang tungkol sa pagbubulsa ng pondo ang korapsyon kung hindi patungkol din sa kabiguang maipahatid ang mga mahahalagang serbisyo sa publiko at pagpapabaya sa mga pangangailangan ng mga Pasigueño.

Matatandaan na nitong mga nakaraang buwan ay nadismaya ang mga Pasigueño dahil sa mataas na surplus fund ng lungsod na base sa mga mamamayan ay tinitipid umano ng kasalukuyang namumuno sa lungsod ang pangangailan sa serbisyo ng mga Pasigueño para sa ipinatatayo nitong bagong Pasig City Hall na nagkakahalaga ng P9.62 bilyon.

“Ito ang bagong mukha ng korapsyon sa Lungsod ng Pasig… uang hindi pagpapatupad ng mga proyektong dapat sana’y makikinabang ang mamamayan,” saad pa ni Discaya.

Samantala, una nang nagpaabot ng pagkadismaya at reklamo ang iilang mga senior citizens sa Pasig dahil hindi umano sumasapat ang mga gamot at ang mga serbisyong pangkalusugan sa kanilang mga pangangailangan.

Sa gitna ng lahat ng ito, nangako at tiniyak ni Discaya na hindi ito mangyayari sa kanyang pamumuno. Sinabi niya na panahon na upang hindi sumakay ang lokal na pamahalaan sa mga ‘pausong galawan.’

“Ang kayabangan ay walang lugar sa tunay na pamumuno. Ang isang tunay na lider ay ipinapakita ang kanyang sinseridad sa pamamagitan ng tapat na paglilingkod,” pagtatapos ni Discaya.

Sa paggunita ng National Women’s Month ngayong Marso, muling pinagtitibay ng TRABAHO PARTYLIST ang kanilang pangako na ipaglaban ang karapatan at kapangyarihan ng kababaihan sa loob at labas ng lugar ng trabaho.

Kasabay ng pagbibigay-diin sa mahalagang papel ng kababaihan sa iba’t ibang sektor, nangako ang partylist na isusulong ang mga patakarang nagtataguyod ng pantay na oportunidad at gender inclusivity sa larangan ng trabaho.

Sa tema ngayong taon na “Babae sa Lahat ng Sektor, Aangat ang Bukas sa Bagong Pilipinas,” kinikilala ng TRABAHO PARTYLIST ang hindi matatawarang kontribusyon ng kababaihan sa iba’t ibang larangan tulad ng edukasyon, pangangalaga sa kalusugan, negosyo, at pamamahala.

Ayon kay TRABAHO PARTYLIST spokesperson Atty. Mitchell-David L. Espiritu, batid ng grupo ang mga patuloy na hamong kinakaharap ng kababaihan, kabilang ang gender pay gap, kakulangan ng representasyon sa mga posisyong pangliderato, at mga balakid sa oportunidad sa trabaho.

Binigyang-diin din ni Atty. Espiritu ang kanilang adbokasiya para sa sistematikong pagbabago upang matiyak ang gender equity sa workforce. Kabilang sa mga prayoridad ng grupo ang wage equality, reporma sa job placement, at pagsusulong ng flexible work arrangements tulad ng work-from-home setups, parental leave, at daycare services.

Dagdag pa rito, nais din ng partylist na pagandahin ang digital job application processes upang mas mapadali ang pagkuha ng trabaho, lalo na para sa mga working mothers.

Bukod sa mga polisiyang may kinalaman sa trabaho, nakatuon din ang TRABAHO PARTYLIST sa pagbibigay ng mentorship programs, leadership training, at skills development initiatives upang matulungan ang mga kababaihang nais muling makapasok sa workforce.

Habang nagpapatuloy ang National Women’s Month, nananawagan ang TRABAHO PARTYLIST sa publiko na suportahan ang mga hakbang na nagtataguyod ng inclusivity at gender equality.

Sa darating na halalan, humihiling ang TRABAHO PARTYLIST ng suporta mula sa mamamayan upang maisulong ang mga repormang pang-legislative na magtatanggol sa karapatan ng kababaihan, magtitiyak ng patas na patakaran sa paggawa, at lilikha ng mas pantay at makatarungang lipunan para sa lahat.

Iginiit ng Trabaho Partylist ang kanilang suporta sa pagpapalawak ng mga oportunidad sa sektor ng agham at bioteknolohiya, at binigyang-diin ang potensyal ng mga industriyang ito upang magbigay ng trabaho at magtulak ng paglago sa ekonomiya ng Pilipinas. Ang pahayag na ito ay kasunod ng mga ulat na nagpapakita ng mga makabagong pag-unlad sa bioteknolohiya at iba pang larangan ng agham na maaaring magbigay ng malaking kontribusyon sa labor market ng bansa.

Ayon kay Atty. Mitchell-David Espiritu, tagapagsalita ng Trabaho Partylist, mahalaga na patuloy na magsagawa ng mga hakbang ang gobyerno upang magtaguyod ng isang favorable na ecosystem na maghihikayat ng pamumuhunan sa bioteknolohiya, agham pang-buhay, at mga kaugnay na larangan.

Binanggit din niya na bagaman may malalaking oportunidad ang bansa sa mga sektor na ito, kinakailangan ng tamang mga polisiya at pondo upang matamo ang kanilang buong potensyal para sa pangmatagalang, sustainable na mga oportunidad sa trabaho.

Pinuri ng Trabaho Partylist ang mga hakbang ng gobyerno upang itaguyod ang pananaliksik at pagpapaunlad ng agham, ngunit nanawagan sila ng mas konkretong mga hakbang upang makabuo ng isang malakas na sektor ng bioteknolohiya na may kakayahang magbigay ng mataas na kalidad ng mga trabaho para sa mga Pilipino.

Sa kasalukuyan, nagsimula nang magsagawa ng mga hakbang ang gobyerno upang palakasin ang industriya ng bioteknolohiya sa bansa sa pamamagitan ng mga programang pananaliksik at pagpapaunlad ng Department of Science and Technology (DOST).

Gayunpaman, suportado ng Trabaho Partylist ang potensyal na mga hakbang sa pagpapalago ng mga lokal na talento at imprastruktura para sa pananaliksik.

“Marami sa ating mga scientist at mananaliksik ay nahihirapang manatili sa bansa dahil sa mas magagandang oportunidad sa ibang mga bansa,” sabi ni Atty. Espiritu.

“Bilang bahagi ng kanilang layunin, imumungkahi ng Trabaho Partylist ang mga polisiya na magpapalakas sa sektor ng bioteknolohiya, kabilang ang pagbibigay ng mga tax incentive sa mga kumpanya sa larangan, mga grant para sa pananaliksik at pagpapaunlad, at mas malawak na kolaborasyon sa mga internasyonal na organisasyon,” ayon pa kay Atty. Espiritu.

Sa isang makabuluhang hakbang upang itaguyod ang social protections at decent work para sa mga manggagawang Pilipino, inihayag ng Trabaho Partylist ang kanilang dedikasyon na aktibong makibahagi sa papel ng Pilipinas sa Global Accelerator on Jobs and Social Protection for Just Transitions, isang inisyatiba ng gobyerno at mga ahensya ng United Nations (UN) sa bansa na itinaguyod noong 2024.

Ang komprehensibong estratehiyang ito, na binuo sa pakikipagtulungan ng International Labour Organization (ILO), ay naglalayong magbigay ng isang balangkas para sa mga makatarungan at inklusibong mga kasanayan sa paggawa sa Pilipinas.

Ayon kay Atty. Mitchell-David Espiritu, tagapagsalita ng Trabaho Partylist, nais nilang suportahan ang pagpapatupad ng roadmap sa pamamagitan ng strategic na pagbuo ng mga polisiya na tumutugma sa pambansang agenda ng pag-unlad at mga pandaigdigang pamantayan sa paggawa.

Binanggit din ni Atty. Espiritu ang kahalagahan ng well-structured environment ng mga polisiya, at nangakong isusulong ng Trabaho Partylist ang mga batas na magpapaigting ng mga karapatan ng mga manggagawa, magtitiyak sa seguridad sa trabaho, at magsusulong ng balanseng relasyon sa pagitan ng mga empleyado, mga employer, at mga institusyong gobyerno.

Bukod sa adbokasiya sa polisiya, binigyang-diin ni Atty. Espiritu ang plano nilang palakasin ang pakikipagtulungan sa mga ahensya ng gobyerno at sa pribadong sektor. Sa pamamagitan ng pagpapalakas ng ugnayan sa mga stakeholder mula sa lahat ng sektor, layunin ng Partylist na matiyak na ang mga inisyatiba para sa tamang trabaho ay epektibong maipatupad at mamonitor.
Ang partnership na ito ay magbibigay-diin din sa pagpapalawak ng akses sa sosyal na proteksyon, lalo na para sa mga manggagawang hindi pormal at mga vulnerable na grupo, upang matiyak na walang maiiiwan sa prosesong pang-ekonomiya.

Dagdag pa ni Atty. Espiritu, ipapahayag ng Trabaho Partylist ang kanilang intensyon na maglunsad at magsuporta ng iba’t ibang programa na magpapabuti sa kalagayan ng mga manggagawang Pilipino. Ang mga inisyatibang ito ay magsasaklaw sa iba’t ibang sektor, magbibigay ng kinakailangang pagsasanay, seguridad sa lipunan, at mga serbisyong pang-empleyo upang matiyak ang pangmatagalang katatagan sa ekonomiya at pagkakapantay-pantay.

Sa pamamagitan ng mga hakbang na ito, layunin ng Trabaho Partylist na makiisa sa mas malawak na mga layunin ng gobyerno ng Pilipinas na itaguyod ang mga pamantayan sa paggawa at kapakanan ng mga mamamayan, pagtatapos ni Atty. Espiritu.

The Magsasaka Party-List has welcomed the commitment of the administration’s senatorial candidates to uphold the exclusive right of small-scale fisherfolk to fish in municipal waters.

Under the Local Government Code (LGC) of 1991 and the Fisheries Code of 1998, municipal waters extend 15 kilometers outward from the coastlines of municipalities, cities, and provinces.

Magsasaka Party-List first nominee Leonardo Montemayor stressed the urgent need to overturn a recent ruling by the Supreme Court’s First Division, which upheld an earlier decision by the Malabon Regional Trial Court in the Mercidar Fishing Corporation case.

Montemayor, a former Agriculture Secretary and co-author of the Fisheries Code, pointed out that the RTC ruling declared as unconstitutional the LGC provision granting local governments authority over municipal waters. The decision also nullified the preferential right of small-scale fisherfolk—enshrined in both the Constitution and the Fisheries Code—to utilize these waters.

He echoed the concerns of various fisherfolk groups, warning that the court rulings threaten the livelihoods of artisanal fishers, crab harvesters, seaweed growers, and others who depend on municipal waters for survival.

“Moreover, the entry of commercial fishing vessels will endanger corals, other marine resources, fish sanctuaries, and protected areas that are located within municipal waters,” Montemayor emphasized.

Natuklasan na buhat sa pagiging rank 36 noong Enero ay naging rank 26 na ngayon ang Trabaho Party-List sa mga napipisil na iboto ng taumbayan sa darating na halalan sa Mayo 12.

Nabatid na ang datos ay nangangahulugang 10 pwesto ang iniangat ng Trabaho Party-List sa Stratbase-SWS February 2025 pre-election survey na inilabas ng Social Weather Stations kahapon.

Sinasabing ito ay kasunod rin nang kamakailang pagtaas ng 19 na pwesto sa nakaraang nasyunal na survey kung saan ang mga lumahok ay tinanong ng “kung ang eleksyon ay gaganapin ngayon, sino po ang pinakamalamang ninyong iboboto bilang Partylist?”

Kaya naman, agad na naglabas ng mensahe ng pasasalamat ang grupo sa opisyal nitong 106 Trabaho Party-List Facebook page sa mga bumoto rito sa survey pati na rin sa mga sumusuporta sa mga repormang inaadhika nito.

“Patuloy po naming itataguyod ang kalidad at napapanatiling trabaho, sapat na sahod, karagdagang benepisyo, maayos na kondisyon sa pagtatrabaho, at patas na oportunidad para sa lahat,” dagdag pa ng grupo.

Ang pinakahuling SWS-Stratbase survey ay isinagawa mula Pebrero 15 hanggang 19 sa pamamagitan ng personal at harapang pakikipagpanayam sa 1,800 rehistradong botante mula sa iba’t ibang parte ng Pilipinas- 300 sa Metro Manila, 900 sa iba pang mga bahagi ng Luzon, 300 sa Visayas, at 300 sa Mindanao.

Makaraang aprubahan ang pagtaas ng pamasahe sa Light Rail Transit (LRT) Line 1, muling nanawagan ang TRABAHO Partylist para sa mas mataas na sahod at mas pinahusay na mga benepisyo para sa mga manggagawang Pilipino.

Giit ni Atty. Mitchell-David Espiritu, tagapagsalita ng TRABAHO Partylist, makakaranas ng matinding pasanin ang mga komyuter dahil sa patuloy na pagtaas ng presyo ng pamasahe, lalo na ang mga umaasa sa LRT bilang pangunahing paraan ng kanilang araw-araw na transportasyon.

Ang pagtaas ng pamasahe sa LRT, na magsisimula sa Abril 2, 2025, ay magkakaroon ng malaking epekto sa gastos ng mga manggagawa, lalo na sa mga nasa mababang antas ng kita. Binanggit ni Atty. Espiritu na kinakailangan ng gobyerno na ipagpatuloy ang agarang aksyon upang matugunan ang mga pinansyal na hamon na kinahaharap ng mga manggagawa. Partikular niyang inulit ang kanilang panawagan para sa isang makatarungang pagtaas ng sahod, na nagsusulong na ang mga kita ng mga manggagawa ay sumasalamin sa patuloy na pagtaas ng halaga ng pamumuhay.

Bukod dito, nanawagan din ang TRABAHO Partylist para sa pagpapabuti ng mga benepisyo tulad ng allowances para sa transportasyon at ang pormal na implementasyon ng work-from-home setup kung posible. Ayon kay Atty. Espiritu, ang mga hakbang na ito ay magbibigay ng kinakailangang ginhawa sa mga manggagawang nahihirapan na sa mga pagtaas ng presyo at ang patuloy na epekto ng inflation sa ekonomiya.

Patuloy na isinusulong ng TRABAHO Partylist ang mga repormang magpapabuti sa kabuhayan ng mga manggagawang Pilipino, upang matiyak na ang kanilang mga sahod at benepisyo ay naaayon sa mga pangangailangan ng ekonomiya sa kasalukuyang panahon, ani Atty. Espiritu.

Habang papalapit ang petsa ng implementasyon ng pagtaas ng pamasahe sa Abril 2, binigyang-diin ni Atty. Espiritu na ang pagtaas ng pamasahe sa LRT ay dapat magsilbing isang wake-up call para sa agarang pagbabago sa mga polisiya na magtataguyod ng kapakanan ng uring manggagawa.

Mahalagang mabigyan ang mga estudyante ng equal opportunity upang matupad nila ang kanilang mga pangarap at maipagpatuloy ang kanilang pag-aaral.

Nabatid na swak sa priority program ni Pasig mayoralty aspirant Sarah Discaya ang pagbibigay ng pantay-pantay na oportunidad sa mga kabataang Pasigueño upang matulungan ang mga ito na makapagtapos ng kanilang pag-aaral sa kolehiyo.

Ito ang nakasaad sa inilatag na plataporma ni Discaya sa ilalim ng vision ng Team Sarah na ‘smart city’ para sa lungsod ng Pasig na may mga smart hospitals, smart schools, at smart facilities.

Kabilang sa kanyang hangarin ang pagpapatayo ng Pasig University na may 11 palapag upang mapagsilbihan ang mga mag-aaral ng lungsod Pasig.

Pahayag ni Discaya, mahalaga sa pag-aaral ng mga kabataan ang pagkakaroon ng mga modernong pasilidad upang mahandugan ang mga ito ng dekalidad na edukasyon.

“Isa sa mga susi sa dekalidad na edukasyon ay ang pagkakaroon ng matatag, epektibo, at modernong mga pasilidad na siguradong magagamit at mapapakinabangan ng ating mga estudyante,” sabi niya.

Kasabay nito, sinabi rin ni Discaya, na kilala bilang Ate Sarah, na hindi lamang para sa mga kabataang “academic achievers” ang pagkakaroon ng scholarship sa kolehiyo.

Giit niya, dapat ding mabigyan ng scholarship ang mga kabataang nagnanais makapagtapos ng college degree ngunit walang kakayahan at hindi angkop ang grado sa kasalukuyang ‘standards’ ng scholarship application na pinaiiral ng lungsod.

Target niyang mapababa ang grade requirement ng college scholarship sa 75% para kahit pasang-awa ay makakapagpatuloy pa rin ng pag-aaral ang mga estudyante.

“Pababain sana ito upang lahat ng estudyante ay makapag-aral sa kolehiyo at magkaroon ng equal opportunity. Hindi kailangang maging hadlang ang grado upang matupad ang kanilang mga pangarap.” sabi ni Discaya.

Matatandaang sinabi ni Ate Sarah na ang surplus fund at annual budget umano ng Pasig ay dapat na pantay-pantay na maipamahagi sa mga Pasigueño upang matustusan ang kanilang mga pangangailangan tulad ng healthcare services, school services, peace and order, at social protection.