NEWS

Nakipagsanib-pwersa ang Globe Business, ICT arm ng Globe Telecom, para pabilisin ang Open Radio Access Network (Open RAN) technology sa Pilipinas.

Nabatid na layon nito na pagandahin ang telecom infrastructure sa bansa sa pamamagitan ng pag promote ng inobasyon, pagpapalakas ng internet, at pagkakaroon ng skilled workforce.

Sinasabing ang Globe Business ay nakatuon sa inisyatibong ito, na naghost ng dalawang AORA event sa The Globe Tower upang hikayatin ang pakikipagtulungan at inobasyon.

Ibinida ng Collaborators Appreciation Day (ACAD), na ginanap noong Disyembre 19, ang pag-unlad ng AORA noong 2024, at kinikilala ang mga kontribusyon ng mga major partner.

Kasabay nito, ang Strategic at Operational Planning, na ginanap noong Enero 16, ay nakatuon sa pag-align ng mga academic program na may pangangailangan ng Open RAN.

Pahayag ni KD Dizon, Head of Globe Business, suportado ng grupo ang pagkakaroon ng systems.

“We are committed to not only adopting Open RAN technology but also nurturing the talent and ecosystem needed to sustain and advance this initiative. We believe that the collaborations we’ve built with AORA and our academic, industry, and government partners will be instrumental in creating a sustainable and innovative telecom landscape for generations to come,” Dizon added.

“While the Strategic and Operational Planning event, held on January 16,  focused on aligning academic programs with the needs of the Open RAN industry. Several state universities and colleges, alongside partners like VIAVI.”

Sumabak sa back-to-back na sortie sa Kalookan ang Trabaho Partylist kasama ang celebrity advocate nito na si Melai Cantiveros-Francisco at mga nominee na sina Atty. Johanne Bautista at Ninai Chavez.

Kabilang ang Team Aksyon at Malasakit slate, sa pangunguna ni Mayor Along Malapitan, nagpasalamat ang grupo sa suporta at pagmamahal mula sa mga “Batang Kankaloo”- moniker para sa mga lehitimong residente ng Kalookan.

“Thank you sa inyong suporta sa ating Mayor Along at Cong. Oca at pati kami ay nadamay sa suporta ninyo para sa 106 Trabaho Partylist. Maraming salamat!,” wika ni Cantiveros-Francisco habang nakikipagkulitan sa mga sumasalubong na supporters.

“Lahat dito sa Trabaho Partylist ay pakikinggan ang inyong mga boses,” dagdag pa niya.

Nabatid na sa dalawang araw na sortie nitong Linggo (Marso 30) at Sabado (Marso 29) inikot ng mga kandidato ang mga Distrito 1, 2 at 3 sa North Kalookan at South Kalookan lulan ng motorcade.

Sa datos ng Commission on Elections noong 2022, mayroong 700,000 na rehistradong botante ang Kalookan- kung kaya’t isa ito sa mga binansagang “vote-rich city”.

Sang-ayon sa kanilang plataporma, ang Trabaho Partylist ay patuloy na nagsusulong na itaas ang kalidad ng buhay ng mga manggagawa sa pamamagitan ng pagtiyak ng makatarungan at marangal na trabaho na magbibigay ng magandang buhay sa lahat ng Pilipino.

Labis na nababahala ang isang grupo sa pagkakaantala ng pagpasa ng Senado sa anti-online piracy bill, binigyang-diin na ang kawalan ng legal protection para sa intellectual property ay patuloy na nakapipinsala sa creative industries sa harap ng laganap na piracy.

“The bills have languished in the Senate Committee on Trade, Commerce and Entrepreneurship chaired by Sen Alan Peter Cayetano even after their obvious advantages have been laid out by all the industry stakeholders being victimized by intellectual property violations,” pahayag ni Pet Climaco, Konsyumer at Mamamayan (KM) convenor.

“Is there a rational reason for the delay? Are our honorable senators apathetic to the thousands of affected families in the entertainment and creatives industry?” tanong niya.

Dalawang bills — Senate Bill Nos. 2150 at 2385 — ang nakabimbin sa Senado, kapwa naglalayong amyendahan ang Intellectual Property Code of the Philippines upang tugunan ang online piracy.

Pinangunahan ni Senador Mark Villar, noong siya pa ang chair ng Committee on Trade, Commerce, and Entrepreneurship, ang public hearings sa dalawang bills.

Gayunman, ngayong ang komite ay pinamumunuan na ni Senador Alan Peter Cayetano, ang mga panukalang ito ay hindi pa umuusad.

Binigyang-diin ni Climaco na ang pagpasa sa bill ay magkakaloob sa mga awtoridad ng kapangyarihan na i-block ang illegal sites, mapipigilan ang dagdag na economic damage sa creative sector, na nawalan na ng bilyon-bilyong piso.

Matagal nang idinadaing ng creative industries ang pinsala na idinudulot ng digital piracy, tinukoy ang malaking kita na nawawala dahil karamihan sa mga Pilipino ay tinatangkilik ang pirated content.

Noong July 2023 ay inaprubahan ng House of Representatives ang House Bill No. 7600 na inakda ni Albay Second District Representative Joey Salceda, na naglalayong i-update ang 26-year-old Intellectual Property Code.

Nauna na ring kinondena ni Bantay Konsyumer, Kalsada, Kuryente (BK3) convenor Atty. Karry Sison ang Senado sa pagkabigo nitong aksiyunan ang anti-piracy bill, tinawag itong isang urgent issue sa harap ng mabilis na sumusulong na teknolohiya.

Nagpahayag din si TV host Kim Atienza ng pagkabahala sa nagpapatuloy na isyu, binigyang-diin kung paano pinipinsala ng digital piracy ang creative industries.

“Digital piracy stifles the creativity of artists and creators by diminishing the value of their art. It makes it harder for Filipino content creators to gain visibility and financial support. One of the biggest effects of digital piracy is revenue loss on film, TV, music, and software companies that rely on intellectual property for their income. Let us support our creative industries,” sabi ni Atienza.

Nagpaalala ang Trabaho Partylist sa lahat ng nagnenegosyo na sundin ang mga legal na alituntunin ukol sa tamang pagre-release ng huling sahod ng mga umaalis na empleyado at nakakumpleto ng clearance sa trabaho.

Binigyang-diin ng grupo ang kahalagahan ng pagsunod sa batas upang maprotektahan ang mga karapatan ng mga manggagawa.

Nabatid na ipinahayag ni Atty. Mitchell-David Espiritu, tagapagsalita ng Trabaho, ang kanilang alalahanin ukol sa mga naiulat na pagkaantala sa pagre-release ng huling sahod, isang practice na nananatiling karaniwan kahit may mga umiiral na regulasyon mula sa Department of Labor and Employment (DOLE).

Ang mga regulasyong ito ay nag-uutos sa mga kumpanya na lutasin ang lahat ng mga pinansyal na obligasyon, kabilang na ang huling sahod, sa loob ng isang takdang panahon matapos ang pag-alis, pagtanggal, o pagtatapos ng kontrata ng isang empleyado.

Batay sa Philippine labor law, obligado ang mga employer na ibigay ang huling sahod ng empleyado sa loob ng 30 araw matapos ang huling araw ng trabaho ng empleyado. Kasama sa huling sahod ang lahat ng hindi pa nababayarang suweldo, hindi nagamit na leave credits, 13th-month pay, at iba pang benepisyo na karapat-dapat sa manggagawa.

Binanggit ni Atty. Espiritu na ang hindi pagsunod dito ay hindi lamang nagdudulot ng pagkalugi sa mga manggagawa kundi maaari ring magdulot ng legal na pananagutan para sa mga kumpanya.

Aniya, maaari rin itong magdulot ng pinansyal na problema para sa mga empleyadong umaasa sa kanilang huling sahod para sa kanilang mga agarang gastusin.

Dahil dito, nanawagan ang grupo para sa mas mahigpit na pagpapatupad ng mga batas paggawa, kabilang ang mas mabigat na parusa para sa mga negosyong paulit-ulit na hindi natutupad ang kanilang obligasyon sa mga manggagawa.

Ayon kay Espiritu, sa patuloy na pagtaas ng kamalayan ukol sa mga karapatan ng manggagawa at ang kahalagahan ng pagsunod sa mga batas paggawa, nananatiling committed ang Trabaho Partylist sa pagsusulong ng kapakanan ng mga manggagawang Pilipino at hinikayat nito ang publiko na suportahan ang makatarungan at tamang pagtrato sa lahat ng mga empleyado sa lugar ng trabaho.

Dahil dumarami na ang mga Pilipinong napupusuan ang mga plataporma para sa kalidad ng trabaho, patuloy ang pag-angat ng Trabaho Partylist, bilang 106 sa balota, batay sa pinakahuling Stratbase-SWS National Survey para sa 2025 midterm elections.

Umakyat sa pwestong 22-23 na may 1.07% voter preference ang 106 Trabaho ngayong Marso, mas mataas kumpara sa 0.96% noong Pebrero kung saan nasa ika-26 na pwesto ito.

Kapansin-pansing malaki ang iniangat ng Trabaho Partylist subalit ika-54 hanggang 55 lamang ang grupo noong Disyembre 2024.

Welcome sa grupo ang naging resulta ng survey kung kaya’t naglabas na rin sila sa kanilang official page ng pasasalamat sa publiko.

“Ang inyong suporta ay aming inspirasyon sa patuloy na pagtataguyod ng kalidad na trabaho, sapat na sahod, karagdagang benepisyo, maayos na kondisyon sa pagtatabaho, at patas na oportunidad para sa lahat,” pahayag ng Trabaho.

Isinagawa ang survey noong March 15-20 sa 1,800 rehistradong botante mula Metro Manila, Balance Luzon, Visayas, at Mindanao.

Nangako ang 132 GP (Galing sa Puso) Partylist na isusulong nito ang mas matibay na reporma sa agrikultura sa pamamagitan umano

ng mga panukalang batas sa oras
na muling magbukas ang sesyon
ng Kongreso ngayong Hunyo.

Ito ay kasabay ng patuloy na pagbagsak ng presyo ng palay sa Nueva Ecija, ang tinaguriang sentro
ng produksyon ng palay sa bansa, kung saan ang ilang mga magsasaka ay napipilitang mag-isip ng desperadong hakbang dahil sa matinding pagkalugi.

Ayon kay 132 GP Partylist 1st Nominee, Atty. JP Padiernos, hindi katanggap-tanggap ang sitwasyon sa probinsya na dulot ng kakulangan ng suporta sa farm inputs para sa mga magsasaka

“Ang mga insidenteng ito ay bunsod ng mababang presyo ng palay at kawalan ng sapat na suporta sa mga magsasaka,” ani Padiernos.

Sa isang panayam, ipinaliwanag ni Padiernos na tututok siya sa pagpapabuti ng mga post-harvest facilities at sa paglikha ng mas maraming economic zones na makatutulong upang mabawasan ang pagkabulok ng ani at mapataas ang paggamit sa mga pangunahing produkto.

Iminungkahi niya ang pagpapalawak ng modernong pagsasaka sa rehiyon sa pamamagitan ng pagtulong sa mga magsasaka na magkaroon ng access sa makabagong kagamitan, mas advanced na agricultural practices, at mas maayos na logistics kabilang na ang pagpapaganda ng mga farm-to-market roads.

“Dapat lamang na magkaroon ng industrial eco-zones upang masuportahan ang agro-industrial processing, palakasin pa ang lokal na produksyon ng palay, at iwasan ang pagsandal ng bansa sa importasyon. Ang sapat na tulong sa mga Pilipinong magsasaka ang magbibigay ng pagkain sa ating mga hapagkainan,” dagdag pa ni Padiernos.

Batay sa mga ulat mula sa Nueva Ecija, kasalukuyang binibili lamang ng mga traders ang palay sa farmgate price na P15 kada kilo.

Binigyang-diin pa ni Padiernos na kung hindi agad kikilos, mas maraming magsasaka ang posibleng malubog sa mas matinding paghihirap na maaaring magdulot ng pang-matagalang epekto sa food security ng bansa.

Binigyang-pugay ng Trabaho Partylist ang mga nanay sa Taytay, Rizal.

Nabatid na nais din nilang pagkalooban ang mga nanay sa buong Pilipinas ng karagdagang-benepisyo.

Dumalo naman sa aktibidad si nominee Ninai Chavez, batay na rin sa video na in-upload ng grupo sa kanilang opisyal na 106 Trabaho Party List Facebook page.

Pahayag ng nominee, medical allowance ang prayoridad na ipagkakaloob sa mga nanay dahil pati ang kanilang mga anak ay makikinabang din sa benepisyong ito.

Aniya, hindi rin pababayaan ang mga solo parents na tumatayong parehong nanay at tatay sa kanilang mga anak. Pahayag pa ni Chavez, “trabaho ng dalawa, ginagampanan ng isa [solo parent]”.

Kasabay nito, kinilala ng Trabaho ang kasipagan ng mga nanay na matapos magtrabaho mula umaga hanggang hapon ay nagagawa pa ring magsilbi sa kanilang tahanan at pamilya.

“Natuturuan pa sa mga assignment yung mga anak. Nagluluto pa ng panghapunan [ang mga nanay],” paglalarawan ni Chavez.

Pinuri naman ng grupo si Konsehal Ninay de Leon Mercado sa kanyang mga proyekto para sa kababaihan ng Taytay, Rizal bilang parte ng pagdiriwang ng Buwan ng mga Kababaihan.

Pormal nang umupo sa puwesto ang mga bagong talagang miyembro ng Bangsamoro Parliament sa harap ni Presidente Ferdinand Marcos Jr., na binigyang-diin ang kanilang papel sa patuloy na pag-unlad ng rehiyon.

Ito’y matapos ang oath-taking ceremony na isinagawa sa Heroes Hall sa Malacañan Palace nitong Lunes ng gabi, kung saan ang 35 bagong appointees ay sinamahan ng iba pang government secretaries, ni Bangsamoro Autonomous Region in Muslim Mindanao (BARMM) Speaker Pangalian Balindong, at ni bagong Interim Chief Minister Abdularaof Macacua.

“We also celebrate the partnership between the national and Bangsamoro governments, a partnership that will help turn our dream of lasting peace into a reality,” pahayag ni Balindong sa kanyang talumpati.

Pinasalamatan naman ni Macacua si dating Interim Chief Minister Ahod Ebrahim para sa kanyang papel sa pamumuno sa BARMM sa nakalipas na anim na taon, at sinabing ipagpapatuloy ng bagong set ng ministers ang kanyang nasimulan.

Bukod dito, nagpahayag din ng pasasalamat ang bagong interim chief kay Pangulong Marcos para sa patuloy na kooperasyon ng kanyang administrasyon sa pag-unlad ng BARMM, sinabing ang kanilang mga naging sakripisyo ay hindi mawawalan ng saysay.

“I thank the president for recognizing the long and arduous struggle of the Bangsamoro, especially the sacrifices of my fellow Mujahideen who fought for our right to self-determination. That recognition means a lot to us—it honors our past and strengthens our hope for a peaceful future,” ani Macacua.

“Your continued support for the Comprehensive Agreement on the Bangsamoro and your firm commitment to implementing the Bangsamoro Organic Law show that the national government stands with us,” dagdag pa ng bagong interim chief.

Sa kanyang hiwalay na pahayag, pinasalamatan din ni Macacua sina Special Assistant to the President Anton Lagdameo, Jr. at Secretary Carlito Galvez ng Office of the Presidential Adviser on Peace, Reconciliation, and Unity para sa kanilang mga pagsisikap na mapanatili ang kapayapaan at bukas na komunikasyon sa pagitan ng national at Bangsamoro governments.

Tinanggap din ni Pangulong Marcos, ipinakilala ni Lagdameo, ang mga bagong appointees, binigyang-diin ang kanilang krusyal na papel sa pagbuo ng kinabukasan ng Bangsamoro.

“I welcome all the newly appointed members of the Bangsamoro Transition Authority Parliament who have taken their oaths today. To my fellow government workers in the Bangsamoro, you have pledged to uphold the trust of your constituents,” sabi ni Marcos.

“You will carry the aspirations of those who have longed for peace and self-governance. You will be instrumental in creating a future built by and for the Bangsamoro,” dagdag ng Pangulo.

Si Macacua ay itinalagang bagong interim chief ng rehiyon, kasama ang iba pang appointees at magsisilbi hanggang makaupo ang mga bagong miyembro na mahahalal sa kauna-unahang parliamentary elections sa October 2025.

Samantala, ang ilang miyembro ng Moro Islamic Liberation Front (MILF) na sinasabing hindi nasiyahan sa proseso ng pagtatalaga noong una ay nagsabing suportado nila ang bagong liderato ni Macacua.

Natuklasan na ang Trabaho Partylist ay nagpapabatid ng Job Fair Alert tuwing Lunes sa kanilang opisyal na Facebook page na 106 Trabaho Party List upang makatulong sa mga naghahanap ng trabaho.

Gaya na lamang nitong Lunes, ika-24 ng Marso, ang grupo ay naglabas na ng listahan ng mga job fair na magaganap mula Marso 25 hanggang 28.

Bukod sa petsa, nakasaad din sa kanilang pabatid ang oras ng simula pati na rin kung saan ang lokasyon ng mga job fair. Halimbawa, ngayong ika-27 ng Marso ay may job fair na gaganapin sa ika-anim na palapag ng Caloocan City Hall mula alas-nuwebe ng umaga.

Sinasabing para naman sa mga baguhan sa paghahanap ng trabaho, may mga importanteng paalala at payo rin ang grupo, tulad ng pagsusuot ng semi-formal attire at pagdadala ng resume, government ID, at mga angkop na dokumento tulad ng mga certification at clearance.

Ayon kay Atty. Mitchell Espiritu, tagapagsalita ng Trabaho, determinado ang grupo na maisabatas ang sentralisadong job vacancy database para sa buong bansa. Ito ay plataporma kung saan ang lahat ng mga bakanteng posisyon at mga bagong oportunidad sa trabaho ay maaaring ma-access online ng walang bayad.

“Makikinabang ang lahat ng naghahanap ng trabaho pati na rin ang mga nais lumipat ng trabaho sa isusulong nating centralized job vacancy database dahil hindi na nila kailangan gumastos pa sa pamasahe sa pagpunta sa mga job fair, at maiiwasan din nila ang mga recruiter na manloloko,” paliwanag ng tagapagsalita.

Nangangahulugan na patikim pa lamang ang Job Fair Alert na tulong ng Trabaho, bilang 106 sa balota, dahil marami pa silang long-term na solusyon sa mga problema ng mga manggagawa.