NEWS

Natuklasan na gumagamit na ang Globe Telecommunications Inc. ng Generative AI (GenAI) upang matiyak na matutugunan ang lumalaking pangangailangan ng mga customer at mapabilis ang operasyon, ma-optimize ang network performance, at maiangat ang customer service.

“The integration of generative AI is central to our efforts to improve both our operational processes and the services we provide. AI enables us to drive efficiency and sustainability, ensuring that we meet the evolving needs of our customers and the environment,” pahayag ni Anton Bonifacio, Chief AI Officer ng Globe.

Pahayag ng Globe, sa pagtaya ng GSMA para sa 2025, ang telco operators sa buong mundo ay gagamit ng AI upang makamit ang layunin ng kanilang mga negosyo, partikular ang pagpapalakas sa customer experience at financial performance.

Bilang tugon sa trend na ito, ang Globe ay nagtayo ng isang dedicated AI Group, kung saan ito ang unamg kompanya sa Pilipinas na gumawa nito.
Ang hakbang na ito ay nagbibigay-diin sa masidhing dedikasyon ng Globe sa AI sa lahat ng operasyon nito, na nagpoposisyon sa kompanya bilang lider sa technological innovation.

Gayundin, para sa customer service, target ng Globe na gumamit ng AI models na nakauunawa ng Tagalog na magsisilbing conversational AI para sa mas mahusay na pag-unawa at pagsagot sa mga katanungan ng mga customer, mabawasan ang oras ng paghihintay, at mapataas ang satisfaction.

Ang GCash, ang financial services arm ng Globe, ay nakikinabang sa AI sa pamamagitan ng automated credit scoring, na nagbibigay-daan sa mas mabilis at mas accurate na loan approvals para sa milyon-milyong customers.

Kinikilala ng Globe ang responsableng AI bilang pangunahing tagapagsulong ng napananatiling digital transformation. Upang matiyak na ang AI systems nito ay naghahatid ng tangible business value at nag-aambag sa napananatiling pag-unlad, pinagtibay ng kompanya ang pioneering Responsible AI (RAI) Maturity Roadmap ng GSMA.

Hinikayat ng Agricultural Sector Alliance of the Philippines, Inc. (AGAP) Partylist ang pamahalaan na balikatin ang bakuna laban sa African Swine Fever (ASF) para sa mga backyard hog raisers.

Sa isang phone interview, binigyang-diin ni AGAP Partylist Rep. Nicanor “Nick” Briones na hindi kakayanin ng mga maliliit na magbababoy ang P12,500 kada bote ng AVAC live vaccine na mayroong 50 doses.

Kaya naman, ayon kay Briones, mahalagang i-libre o i-subsidize ng gobyerno ang bakuna para sa mga ito.

Aniya, kung hindi ito gagawin ng pamahalaan ay posibleng hindi na magpabakuna ng kanilang mga alaga ang mga backyard raisers kaya’t namemeligrong kumalat pa rin ang ASF sa bansa.

Giit niya, importanteng mabakunahan kaagad ang 6.3 milyon na piglets hanggang fatteners upang masugpo ang nasabing sakit.

Kasabay nito, ipinanawagan ni Briones ang pagpapataw ng maximum suggested retail price (MSRP) sa mga imported na karneng baboy upang makabawi ang mga local producers at hindi na tumaas ang presyo nito sa bansa.

Samantala, ikinatuwa naman ni Briones ang ginawang pag-convene ni Pangulong Ferdinand Marcos Jr. sa mga implementing agencies ng Anti-Agricultural Economic Sabotage Act.

Sa ganitong paraan, giit ni Briones, ay magiging maayos at epektibong maipatutupad ang batas laban sa mga iligal na gawain tulad ng smuggling, hoarding, profiteering, at kartel sa agricultural sector.

Una nang inanunsiyo ng Department of Agriculture (DA) na magiging available na sa merkado ang AVAC live vaccine sa Abril ngayong taon.

Habang papalapit ang 2025 midterm elections, iginiit ni Pasig mayoralty aspirant Sarah Discaya na magiging pantay-pantay ang pamamahagi niya ng city government funds at resources sa lahat na sektor ng lungsod upang matiyak umano na walang Pasigueño na maiiwan sakaling siya’y palarin na maihalal.

Kamakailan lamang ay pumutok ang balita na umabot ng mahigit P3.025 bilyon ang surplus fund o sobrang pondo ng Pasig City ngayong taon sa ilalim ng pamumuno ni Pasig City Mayor Vico Sotto.

Ang surplus funds ay ang sumobrang pondo mula sa kinita ng local government unit matapos maiawas ang kabuuang gastusin ng lungsod.

Ayon sa advocacy group na Tindig Pasig, ang dahilan ng malaking surplus fund na ito ay dahil kinuripot umano ng alkalde ang badyet ng lungsod para sa mga social services gaya ng healthcare services, edukasyon, peace and order, at social protection dahil inilalaan ito ng mayor para sa proyekto nitong P9.62 bilyong bagong Pasig City Hall.

“Ayaw gastahin ang pondo sapagkat isinakripisyo ang badyet para sa basic services para matustusan ang garbo ng P9.62 bilyon na bagong munisipyo,” sabi ni Ram Cruz, isa sa mga lider ng nasabing grupo.

Matatandaang bumagsak ang lungsod sa ika-9 na pwesto mula sa ranggo nitong ika-6 noong 2019 sa 2024 Rankings of Highly Urbanized Cities sa ilalim ng Cities and Municipalities Competitive Index na pinangunahan ng Department of Trade and Industry (DTI).

Malaki ang naging kontribusyon ng kategoryang government efficiency sa nasabing rankings na kinabibilangan ng government services tulad ng health services, peace and order, school services, at social protection.

Dagdag pa rito, ilan din sa mga senior citizens ang nagsasabing kulang umano ang mga benepisyong kanilang natatanggap mula sa kasalukuyang administrasyon sa ilalim ni Sotto. Lalo na sa usapan ng healthcare o medical services na kayang tugunan ang pangangailangang pang-kalusugan ng mga senior citizen.

“Under my watch, this will not happen because I want equal distribution of wealth and resources to all Pasiguenos,” sabi ni Discaya.

Isinaad pa ni Discaya, na kilala sa tawag na Ate Sarah, na kailangan umano ng Pasig na magkaroon ng mga bagong health centers upang masigurong mayroong tag-iisang healthcare facility at sapat na health workers ang bawat komunidad ng lungsod.

Layunin ni Discaya na gawin umanong ‘smart city’ ang lungsod ng Pasig na mayroong smart hospitals, smart schools, housing buildings, at sistematikong transport system.

Siniguro ni Special Assistant to the President (SAP) Anton Lagdameo na ang proclamation rally ng administrasyong Marcos sa Davao del Norte ay hindi isang taktika sa politika kundi isang simbolo ng pagkakaisa sa pagitan ng gobyerno at mamamayang Pilipino.

Ayon kay Lagdameo, ang rally ng Alyansa para sa Bagong Pilipinas ay hindi pagpapakita ng lakas o impluwensya ng administrasyon, kundi isang pagsisikap na muling buhayin ang alyansa sa pagitan ng pamilya ni Pangulong Ferdinand “Bongbong” Marcos Jr. at mga matataas na politiko sa naturang probinsiya tulad ng matibay na ugnayan noong panahon ng yumaong ama ng Pangulo.

Ginanap ang rally sa Carmen, Davao del Norte, isang probinsiya na kadalasang tinatawag na “Duterte country” ng mga political analysts. Ito rin ang naging kick-off event ng kampanya ng administrasyong Marcos sa Mindanao.

“Isa itong pagpapakita kung paano gumagana ang demokrasya at pagpapatuloy ng magandang relasyon sa mga tao. Pagpapakita ito kung paano may karapatan ang mga tao na magpahayag ng kanilang saloobin. Hindi ko ito tatawaging pagpapakita ng lakas,” ani Lagdameo.

Binigyang-diin pa niya na ang pagsisimula ng kampanya sa Carmen ay isang pag-alala sa kasaysayan ng probinsya lalo na sa mga masaganang taon ng mga native na produkto tulad ng saging. Isang simbolo rin ito ng patuloy na suporta ng kasalukuyang administrasyon sa pag-unlad ng naturang lugar.

“Ang politika ay nandiyan na simula pa noong ipinanganak ako. Ang pagkakaibigan ay pinangalagaan at hindi kailanman ipinagpalit. Ang kaunlaran ay patuloy na lumalaganap, at ang mga tao ay nakakikinabang,” dagdag ni Lagdameo.

Nagbigay rin ng positibong pananaw si Lagdameo para sa nalalapit na halala. Sinabi nito na ang mga kandidato ng administrasyon sa senado ay nakatuon sa mga polisiya na magpapabuti sa kalagayan at kaunlaran ng mga Pilipino.

Kasama sa senatorial slate ng administrasyon ang mga reelectionist na sina Pia Cayetano, Imee Marcos, Lito Lapid, Bong Revilla, at Francis Tolentino. Kasama nila ang mga dating senador na sina Vicente Sotto III, Panfilo Lacson, at Manny Pacquiao.

Kasama rin sa grupo sina Deputy Speaker Camille Villar, ACT-CIS party-list Representative Erwin Tulfo, dating Secretary ng Interior Benhur Abalos, at Makati City Mayor Abby Binay.

Nababahala ang Philippine Association of Private Telecommunications Companies (PAPTELCO) sa Konektadong Pinoy Bill kung saan binigyang-diin na maaapektuhan nito ang maliliit na telecommunications companies at tinawag itong anti-Filipino.

“The majority of the telecommunications companies in the Philippines are not big
players. There are small ones like us that will be the first to be affected by this if it
passes into law,” pagbibigay-diin ni PAPTELCO President Atty. Normandy Baldovino Jr.

“We play an important role in the ICT ecosystem, providing connectivity where the big telcos are not able to go. Just allowing foreign telcos to enter the Philippines is anti-Filipino,” dagdag pa niya.

Sinabi pa ni Baldovino na hindi isinaalang-alang ng mga mambabatas ang negatibong epekto ng pagpapahintulot sa anumang foreign telco na magtayo sa Pilipinas.

Naalarma ang grupo makaraang aprubahan ng Senado sa ikatlo at huling pagbasa ang nasabing bill matapos itong sertipikahang urgent ni Presidente Ferdinand Marcos Jr.

Iginiit ni Senador Alan Peter Cayetano, may akda ng Senate Bill No. 2699, na ang Konektadong Pinoy bill ay naglalayong mapagbuti ang access sa mabilis at abot-kayang halaga ng internet sa buong bansa sa pag-aalis sa pangangailangan para sa legislative franchises, pagsusulong ng infrastructure sharing sa telecom companies, at pangangasiwa sa alokasyon at paggamit ng radio spectrums.

Ang PAPTELCO ay isang organisasyon ng independent telecommunications companies na nagkakaloob ng
connectivity sa mga liblib na lalawigan.

Nauna nang sinabi ng research firm Stratbase na ang “bill in its current form may expose us to more pitfalls and risks.”

“The law seeks to make it easier for investments in telecommunications to pour into the country, and part of this is to address the roadblocks that hinder the flow of investments. But in our zeal to encourage investments, it would be prudent to maintain the regulatory oversight of the NTC. Only it will keep telcos in line and will serve as the people’s recourse,” sabi ng Stratbase.

Nagpalabas ang Makati Regional Trial Court Branch 144 ng gag order laban kay Tessa Prieto Valdes upang mapigilan ito sa pagpapahayag ng mapanirang statements laban sa dating ex-girlfriend na si Angel Chua na una na niyang kinasuhan sa Makati Prosecutor’s Office.

Batay sa isang pahinang order, inutusan ng korte si Prieto na huwag magbigay ng anumang komento sa anumang public fora na may kaugnayan sa nakabinbin na kaso.

Matatandaang nagpasaklolo ang kampo ni Chua sa korte at inaprubahan ang inihaing mosyon ni Atty Alexander Llanes Acain Jr. na humihiling na magpalabas ng gag order dahil sa sinasabing paglabag sa sub judice rule ni Prieto.

Sa ilalim ng sub judice rule, ipinagbabawal ang pagbibigay ng anumang komento o statements sa isang kaso na nakabinbin, layon nito na maprotektahan ang integridad ng legal process gayundin ang karapatan ng magkabilang partido.

Nilabag umano ni Prieto ang sub judice rule nang magpa-interview ito sa journalist na si Joan Maglipon kung saan sa nasabing panayam ay inihayag ni Prieto ang mga detalye ukol sa kaso, bukod pa dito, ang interview ay nalathala pa sa lahat ng online platform at social media accounts ng Pep online site.

Sinabi ng korte na mahalaga ang gag order upang matiyak ang “fair and impartial” legal process.

Ikinatuwa naman ni Chua, na nagmula sa isang prominente at kilalang Chinese family sa Cebu, ang ipinalabas na gag order.

“The issuance of the gag order will safeguard me from potential harassment and misinformation propagated by Prieto,” pahayag ni Chua.

Aniya, marami pang mahahalagang isyu na mas mainam na pag usapan sa halip na ang reklamo laban sa kanya na dapat tinatalakay lang sa korte at hindi sa social media.

“Gag orders could serve as a tool for others to protect themselves from the “diarrhea of the mouth” often displayed in media for self-gain and attention. There are more significant matters for the Filipino people to read about, rather than a circus that should be addressed in its “proper” venue,” giit pa ni Chua.

Iginiit ni Atty Acain, legal counsel ni Chua, na inaasahan nilang susundin ni Prieto ang ipinalabas na gag order.

“This measure is crucial for ensuring a fair legal process, allowing our client to focus on her case without the distractions of public speculation and outside interference,” pagtatapos pa ni Acain.

OPISYAL nang umupo sa kani-kanilang mga puwesto ang bagong hanay ng mga opisyal ng Philippine Agricultural Journalist Inc. (PAJ) sa isang seremonya na pinangunahan ni Department of Agrarian Reform (DAR) Undersecretary Niña Taduran nitong Miyerkules ng umaga.

Sa isinagawang induction ceremony sa Emancipation Lounge ng DAR sa Diliman, Quezon City, nag-pledge ng commitment at unity ang mga bagong opisyal upang mahusay na magagampanan ang kani-kanilang mga posisyon.

Binigyang-diin ng grupo ang kanilang kahandaang ipatupad ang misyon at bisyon ng PAJ, na naglalayong makapag-ambag sa adhikain ng pamahalaan na matiyak ang sapat na pagkain para sa bawat hapag-kainan ng pamilyang Pilipino.

Kabilang sa mga nanumpa sina Raymund Junia bilang presidente, Mer Layson bilang vice president for internal, Diego Cagahastian bilang vice president for external, Maria Ruby Lumongsod bilang secretary, Yovina-Claire Pauig bilang assistant secretary, at Inez Magbual bilang treasurer. Kasama rin ang mga bagong directors na sina Fermin Diaz, Ma. Evelyn Castino-Quilas, Pamela Mappala, Carolina Bermudez Manzano, Freddie Lazaro, Rommelda Batocabe, at Conrad Carino.

Samantal, ipinahayag ng mga opisyal ng PAJ ang kanilang determinasyong itaguyod ang matibay na ugnayan sa agrikultura at mas paigtingin ang pagbibigay ng mahahalagang impormasyon sa publiko kaugnay ng sektor ng agrikultura.

Humataw nang 19 na pwesto ang 106 Trabaho Party-List sa Stratbase-SWS January 2025 pre-election survey na inilabas ng Social Weather Stations kahapon.

Mula sa pagiging top 54-55 noong December 2024 ay naging top 36 na ngayong January 2025 ang Trabaho Party-List sa mga napipisil na iboto ng taumbayan sa darating na halalan sa Mayo.

Sang-ayon sa resulta ng survey ay nagpasalamat ang Trabaho Party-List sa opisyal nitong Facebook page: “Isang malaking tagumpay po na nagpapakita ng tiwala ang mga manggagawa sa ating layunin. Maraming salamat po!”

Ang pag-angat ng Trabaho Party-List ay tumugma rin sa mga hinahanap na prayoridad ng 1,800 botante na nakilahok sa SWS survey tulad ng mas marami pang oportunidad sa trabaho, pangangalaga sa kalusugan, edukasyon, at karapatan ng mga manggagawa.

Nakilala ang Trabaho Party-List sa pagsusulong ng mga plataporma nitong kalidad na trabaho, patas na oportunidad, sapat na sahod, dagdag na benepisyo para sa bawat manggagawa, at maayos na kondisyon sa pagtatrabaho.

Kamakailan lamang ay nanawagan ang Trabaho Party-List na bigyang prayoridad ang job security at pagtaas ng sahod kasabay ng pagtaas ng presyo ng mga pangunahing bilihin.

“Nauunawaan namin ang pangangailangang tugunan ang presyon ng inflation, ngunit hindi natin maaaring balewalain ang katotohanang milyon-milyong manggagawa sa Pilipinas ay namumuhay na lamang from paycheck to paycheck,” pahayag ni Trabaho Party-List spokesperson Atty. Mitchell Espiritu.

Ang nasabing survey ay isinagawa mula January 17 hanggang 20 sa pamamagitan ng personal at harapang panayam sa mga botante mula sa iba’t ibang parte ng Pilipinas: 300 sa Metro Manila, 900 sa iba pang mga bahagi ng Luzon, 300 sa Visayas, at 300 sa Mindanao.

Umakyat ng 19 na pwesto sa Stratbase-SWS January 2025 pre-election survey ang Trabaho Partylist na inilabas ng Social Weather Stations
Nabatid na mula sa pagiging rank 54-55 noong Disyembre 2024 ay naging top 36 na ngayong Enero 2025 ang Trabaho sa mga napipisil na iboto ng taumbayan sa darating na halalan sa Mayo.

“Isang malaking tagumpay po na nagpapakita ng tiwala ang mga manggagawa sa ating layunin. Maraming salamat po!”, pahayag ng Trabaho Partylist sa opisyal nitong Facebook page.

Ang pagtaas ng Trabaho Partylist ay tumugma rin sa mga hinahanap na plataporma ng mga botante na nakilahok sa SWS survey tulad ng mas marami pang oportunidad sa trabaho, pangangalaga sa kalusugan, edukasyon, at karapatan ng mga manggagawa.

Nakilala ang Trabaho Partylist sa pagsusulong ng kalidad na trabaho, patas na oportunidad, sapat na sahod, karagdagang benepisyo, at maayos na kondisyon sa pagtatrabaho.

Kamakailan lamang ay mainit na tinanggap ng libu-libong tao si Melai Cantiveros-Francisco, endorser ng Trabaho Partylist, sa pagdiriwang ng Ati-Atihan Festival 2025 sa Kalibo, Aklan, noong Enero 17.

“Ako po si Melai Cantiveros-Francisco at ako po ang inyong bagong ka-trabaho! Magiging kaagapay ng Trabaho Partylist para sa pagsulong ng karapatan, kapakanan, at marangal na buhay ng mga manggagawang Pilipino,” pagpapakilala ng nasabing artista sa kanyang bagong gagampanang trabaho bilang ambassador.

Ang nasabing survey ay isinagawa mula Enero 17 hanggang 20 sa pamamagitan ng personal at harapang panayam sa mga 1,800 botante mula sa iba’t ibang parte ng Pilipinas: 300 sa Metro Manila, 900 sa iba pang mga bahagi ng Luzon, 300 sa Visayas, at 300 sa Mindanao.

Ikinalugod ng mga tagasuporta ng pamilya Duterte ang pagkakatanggal kay Ako Bicol Party-list Rep. Zaldy Co bilang pinuno ng House Committee on Appropriations.

Ayon sa grupo, ‘karma’ umano ang nangyaring ito sa kanya dahil sa mga tirada ng mambabatas laban kay Vice President Sara Duterte.

Maaalalang inalis si Co bilang chairperson ng committee on appropriations noong Enero 13 matapos ang mosyon ni Deputy Majority Leader at Ilocos Norte Rep. Sandro Marcos na ideklarang bakante na ang nasabing posisyon.

Mabilis naman itong inaprubahan ni House Speaker Martin Romualdez.

Nabatid na sa parehong araw, naglabas naman ng pahayag si Co na nagsasabing nagbitiw siya sa puwesto dahil sa health concerns, na ayon sa mga netizens, ay paraan niya para ‘iligtas ang sarili’ sa kahihiyan dahil sa mga kontrobersiya sa national budget kamakailan.

Si Co ay kilalang kritiko ni Duterte.

Kung matatandaan, nagkaroon ng ‘word war’ ang dalawa dahil sa pambabatikos ni Co sa confidential funds ng opisina ni Duterte kung saan hinamon pa ng mamababatas ang bise presidente na ibalik ang umano’y ibinulsang pondo.

“Sunod-sunod na ang karma at pagkawatak-watak ng mga buwaya sa Kongreso. Malapit na ang katapusan ninyo,” komento ng isang netizen sa social media.

Kasabay nito, pinuri ng ilang netizens ang pagkakatanggal ni Co sa puwesto, at sinabing matagal na itong tapos dahil sa umano’y mga anomalya sa pagpasa ng 2025 national budget.

Nag-veto ng P194 bilyon si Pangulong Ferdinand Marcos, Jr. ng mga line items na itinuring niyang hindi alinsunod sa kanilang programmed priorities nang pirmahan niya ang national budget noong nakaraang taon.

Iginiit din ng ibang netizens na panahon na rin para imbestigahan si Co tulad ng ginawa niya kay Duterte dahil sa umano’y naugnay siya sa iba pang malalaking iskandalo sa katiwalian, kabilang ang sinasabing kaso ng Pharmally.