NEWS

UMARANGKADA na ang mga hakbang ni Special Assistant to the President Secretary Anton Lagdameo para pagsasama-samahin ang mga political supports bago ang 2025 midterm elections.

Ito’y sa pamamagitan nang pagdalo sa Sinulog Festival sa Cebu City.

Si Lagdameo ang kinatawan ni Pangulong Ferdinand Marcos Jr. sa pakikipagpulong sa mga key lawmakers at government candidates mula sa lahat ng bahagi ng bansa na inaasahan niyang hudyat ng pagkakaisa para sa mga kandidato ng administrasyon.

“It is important to have a unified call with other political players, especially as the country faces political divisions. Unity is key to ensuring that we continue to move forward as a nation,” pahayag ni Lagdameo.

Sa pagsisimula sa Sinulog Festival, na umaakit ng milyun-milyong Pinoy at key political players kada taon, sinabi ni Lagdameo na nagkaroon din siya ng pagkakataon na iparating ang layunin ng administrasyon na makamit ang pagkakaisa at kasaganaan.

Si Lagdameo ay nakipag-usap sa iba’t ibang pulitiko, tinasahan ang kanilang local situations at sinuportahan sila sa ilalim ng nagkakaisang layunin, ilang linggo bago ang simula ng campaign period.

Nabatid na ang iba pang political figures na nakaharap ni Lagdameo ay sina Cebu Governor Gwen Garcia, Mayor Raymond Alvin Garcia, Senator JV Ejercito, Deputy Speaker Camille Villar, Office of the Presidential Assistant for the Visayas Usec. Terence Calatrava, Negros Oriental Governor Chaco Sagarbarria, dating Senador Kiko Pangilinan at maybahay nito na si Sharon Cuneta.

Walang planong magsampa ng kaso ang pamilya ng sampaguita vendor na sapilitang itinaboy ng isang security guard sa isang mall sa EDSA.

Ito ayon sa Department of Social Welfare and Development ay matapos nilang matunton ang tahanan ng dalawampu’t dalawang taong gulang na sampaguita vendor.

Sinabi ng DSWD na nakatira ang nasabing estudyante sa Barangay Baesa, Quezon City.

Paliwanag ng ina ng sampaguita vendor, iniintindi nito ang kalagayan ng security guard at baka mahirap din aniya ito kagaya nila.

Bagamat, aminado itong nagalit sa security guard. - sa panulat ni John Riz Calata

Naglabas ng ulat ang World Bank tungkol sa pagdami ng mga negosyo na unti-unting pinapalitan ang mga high-skilled workers ng generative artificial intelligence (GenAI), na maaaring makaapekto sa humigit-kumulang 30 porsyento ng mga manggagawa sa sektor ng serbisyo sa Pilipinas.

Giit ng World Bank, nagdudulot ito ng mataas na pangangailangan para sa mga low-skilled workers dahil sa mas mababang sahod, kaya’t maaaring bumaba sa 4 porsyento ang bilang ng mga high-skilled workers sa mga sektor tulad ng finance at business management.

Matatandaang tinukoy ni Labor Secretary Bienvenido Laguesma sa kanyang pahayag na bagamat wala pang opisyal na datos tungkol sa pagkawala ng trabaho dahil sa GenAI, may mga manggagawa nang naaapektuhan nito. Batay sa mga pagtataya ng industriya, mahigit kumulang nasa 300,000 Pilipino ang maaaring maapektuhan sa susunod na limang taon.

Sabi naman sa ulat ng Information Technology and Business Process Association of the Philippines (IBPAP), 8 porsyento ng kanilang mga miyembro ang nag-ulat ng pagbawas sa bilang ng mga empleyado dahil sa GenAI. Gayunpaman, sinabi ng IBPAP na hindi tataas ang bilang ng mga nawawalan ng trabaho sa AI kung magsasagawa ang mga kumpanya ng mga programa para sa upskilling ng kanilang mga empleyado.

Sa kabilang banda, binigyang-diin ni Atty. Mitchell-David L. Espiritu, tagapagsalita ng TRABAHO Partylist, na ang kanilang grupo ay mangunguna sa mga hakbang upang maibsan ang pagkawala ng trabaho sa pamamagitan ng mga legislative at policy measures na magbibigay proteksyon sa mga apektadong manggagawa sa mga technology-driven na workplace.

Kabilang sa mga hakbang na ito ang upskilling, reskilling, pagtukoy sa mga kakulangan sa kasanayan at talento, pagpapalawak ng mga bagong oportunidad sa trabaho, at paghahanda sa mga manggagawa upang mag-adapt sa mabilis na pagbabago ng digital na kalakaran sa mga lugar ng trabaho, dagdag pa ni Atty. Espiritu. Ayon din sa TRABAHO Partylist, sisilipin ng grupo kung maaaring itaas ang separation pay ng mga manggagawa na maaapektuhan ng pagtatanggal sa trabaho dahil sa GenAI.

Ipinahayag din ni Atty. Espiritu na nakatuon ang TRABAHO Partylist sa pagtugon sa kakulangan sa kasanayan ng mga estudyanteng nagtapos at mga manggagawang makikinabang mula sa bagong mga kasanayan o job skills. Ibinahagi nila na makikipag-ugnayan sila sa mga ahensya tulad ng Department of Education (DepEd), Commission on Higher Education (CHED), at Technical Education and Skills Development Authority (TESDA) upang matugunan ang mga pangangailangan sa kasanayan.

Aniya, hindi laban ang kanilang grupo sa pag-usbong ng teknolohiya, ngunit prayoridad nila ang karapatan ng mga manggagawa sa pamamagitan ng pagbuo ng mga mekanismo na magbibigay ng proteksyon sa mga manggagawa at maghahanda sa kanila sa mga pagbabago na hinaharap, upang matiyak na walang maiiwan habang patuloy na umuunlad ang bansa.

Sinabi rin ni Atty. Espiritu na layunin ng TRABAHO Partylist na magtaguyod ng positibo at proaktibong kolaborasyon sa pagitan ng gobyerno, mga negosyo, at mga grupo ng manggagawa upang protektahan at magbigay ng kakayahan sa mga manggagawa sa gitna ng mga banta at hamon ng GenAI at mabilis na pagbabagong dulot ng teknolohiya sa lugar ng trabaho.

Ikinatuwa umano ng mga netizens ang pagkakasibak kay Ako Bicol Party-list Representative Zaldy Co bilang pinuno ng House Committee on Appropriations.

Ito’y matapos ipanukala ni Senior Deputy Majority Leader Sandro Marcos na gawing bakante ang pwesto ng appropriations committee chair na inaprubahan din ni House Speaker Martin Romualdez.

Opisyal na tinanggalan si Co ng kanyang titulo bilang lider ng komite sa muling pagbubukas ng sesyon Kongreso noong Lunes, Enero 13.

Nagbitiw din naman ng pahayag si Co noong Lunes at sinabing kusa niyang binakante ang kanyang posisyon para tutukan ang kalusugan na tingin ng ilang mga netizen ay paraan lamang ng mambabatas upang isalba ang sarili sa kahihiyan matapos patalsikin sa pwesto.

Unang naging mainit sa paningin ng ilang mga personalidad si Co sa gitna ng taong 2024 dahil umano sa mga kuwestiyonableng pinaglalaanan ng pondo para sa 2025 budget.

“Drama lang yan. Nag-resign. Maggamit na naman sila ng iba para makaiwas sa batikos,” saad ng isang netizen sa Facebook.

“…bakit nag-resign sa komite lang. Kung talagang kalusugan niya ang dahilan, dapat sa pagka- kongresman siya nag-resign. Nag-resign nga ba o tinanggal? Dapat nag-resign o baba na rin sa pagka-speaker ‘yang si tambaloslos,” dagdag pa ng isa.

Samantala, itinanggi naman ni Executive Secretary Lucas Bersamin na may kinalaman ang kasalukuyang administrasyon sa pagpapatalsik kay Co sa pwesto.

Makaraan ang maraming panawagan mula sa iba’t ibang stakeholders na suspindehin ang unang parliamentary elections sa Bangsamoro Autonomous Region in Muslim Mindanao (BARMM), tila wala pang plano ang Senado na isabatas ang panukala ilang buwan bago ang eleksiyon.

Sa records naman ng Senado, hanggang sa kasalukuyan ay wala pang hearing na itinakda upang talakayin ang bill gayong ang counterpart measure nito ay inaprubahan na sa ikatlo at huling pagbasa ng Kamara.

Ang sessions ng dalawang kapulungan ng Kongreso ay hanggang February 8 na lamang bago mag-break upang bigyang-daan ang 2025 midterm election campaign period.

Ang 19th Congress ay magre-reconvene sa June 2 hanggang June 13, at pagkatapos ay mag-a-adjourn sine die ito.

Ang counterpart bill ay inaprubahan na sa ikatlo at huling pagbasa noong December 17, 2024.

Noong November 2024 ay naghain si Senate President Chiz Escudero ng isang bill upang ipormalisa ang kanyang panukala na ipagpaliban ang BARMM parliamentary elections.

Nagpahayag ng suporta ang BARMM stakeholders at public officials sa pagpapaliban ng 2025 elections sa rehiyon, subalit nananatiling tahimik ang Senado sa naturang panukala gayong ilang buwan na lamang ay aarangkada na ang halalan na sa Mayo.

Patuloy na nananawagan ang mga grupo at stakeholder sa Senado na aksiyunan ang nasabing bill.

“This purposeful resetting is intended to ensure that the electoral process is conducted with integrity and safeguards the fundamental right of suffrage by creating the conditions indispensable for its meaningful exercise,” wika nina Basilan Gov. Jim Hataman Salliman, Lanao del Sur Gov. Mamintal Alonto Adiong Jr., Maguindanao del Norte Gov. Abdulraof Macacua at Tawi-Tawi Gov. Yshmael Sali previously sa isang joint statement.

Nanindigan ang mga governor na walang kinalaman ang politika sa kanilang panawagan dahil responsibilidad ng Kongreso na isaalang-alang ang kapakanan ng mga residente ng BARMM.

Nasa 10 Basilan mayors, kabilang sina Roderick Furigay ng Lamitan City, Nasser Abubakar ng Lantawan, Moner Manisan ng Tabuan Lasa, Jomar Maturan ng Ungkaya Pukan, Jaydeefar Lajid ng Albarka, Alih Sali ng Akbar, Arsina Kahing-Nanoh ng Muhtamad, Jul-Adnan Hataman ng Sumisip, Arcam Istarul ng Tipo-Tipo, at Talib Pawaki ng Hj. Muhammad Ajul ang nagpahayag din ng suporta sa pagpapaliban ng naturang halalan.

Sa pag-apruba sa House Bill No. 11144, sinabi ni Speaker Martin Romualdez na ang one-year postponement “would allow for more time for the promotion of broader participation from political parties and the electorate, and enhance their understanding of new electoral processes.”

KAPOS na kapos umano ang mga healthcare program at benefits na nakukuha ng mga senior citizens sa Pasig sa ilalim ng pamumuno ni Mayor Vico Sotto.

Ito ang naging pahayag ng Federation of Pasig Senior Citizens Association na nagsabing ang isa sa mga pinaka-kailangang serbisyo ng mga matatandang Pasigueño ay ang serbisyong pang-medikal.

“Pag-avail ng healthcare at iba pang medical services ang pangunahin namin problema sa kasalukuyang administrasyon,” pahayag ni FPSCA president Alexander Arreola.

Dagdag nito: “Major concern namin na mga senior citizens dito Pasig ay ang healthcare benefits, programs, at facilities ngunit kulang ang nakukuha ng namin mula sa pamahalaang lungsod.”

Pinaliwanag nito na ang accessibility o ang pagiging abot-kamay ng healthcare program ng lungsod para sa matatanda, katulad ng medical missions na iikot sa mga barangay upang magbigay ng regular na konsultasyon at checkup at iba pang health concern ng mga matatanda ang hindi naibihigay sa kanila ng asministrasyon ni Sotto.

Bagama’t mayroon umanong ibinibigay na serbisyong medikal ang City Hall, katulad ng iba’t ibang vaccines gaya ng animal bites vaccines, hindi naman umano ito sumasapat sa pangangailangan ng mga senior citizen.

Sinabi pa ng pangulo ng FPSCA na matagal din umano ang pamimigay ng mga maintenance medicines sa mga matatandang Pasigueño dahil pinadadaan pa ang mga ito sa mga barangay ng lungsod. Ang iba pa umano sa mga ito ay malapit na ang expiration dates.

“Matagal ang hintayan pati bigayan ng mga gamot at maintenance. Minsan pa nga ay kinukulang. Kulang-kulang ang malasakit sa mga senior citizens,” saad naman ni FPSCA Vice President Reynaldo Malilay.

Matatandaan na ang kakulangan ng healthcare services ng LGU para sa mga Pasigueño ang pangunahing dahilan kung bakit dinagsa ng mga nasa laylayan na pamayanan sa Pasig ang medical mission ng St. Gerrard Charity Foundation na pinamahalaan ng pamilya nina Sarah Discaya na kilala sa tawag na Ate Sarah.

Sinabi ni Discaya sa isang panayam na ang pagdagsa ng kanyang mga kababayan sa kanilang walang kapaguran na medical missions ay pa-totoo sa pahayag ng pederasyon ng mga samahan ng senior citizens na kulang na kulang talaga ang healthcare services at kapos kung hindi man walang mga gamot ang mga health centers ng lungsod ng Pasig.

“Kaya gusto kong magbigay ng magandang serbisyo lalo na sa mga hospital kasi yun yung lacking ngayon, hospital services, walang mga gamot sa mga health centers namin,” diin ni Discaya.

Samantala, umani ng iba’t ibang reaksyon ang malaking surplus fund ng lungsod na umabot sa P3.025 bilyon. Sinasabi ng ilan sa mga Pasigueño na tinipid o kinuripot umano ng kasalukuyang alkalde na si Mayor Vico ang mga pangangailangan o basic services ng lungsod tulad ng school supplies, health care services, at iba pa.

Noong nakaraang taon ay bumagsak ang Pasig City sa 2024 Rankings of Highly Urbanized Cities sa ilalim ng Cities and Municipalities Competitive Index ng Department of Trade and Industry (DTI) mula sa ika-6 nitong ranggo noong 2019 papunta sa ika-9 na pwesto nitong 2024.

Malaki ang naging kontribusyon ng kategoryang government efficiency sa nasabing rankings na kinabibilangan ng government services tulad ng health services, peace and order, school services, at social protection.

Makikita sa naturang rankings na lumagapak ang Pasig mula sa 4th place noong 2019 papunta sa 10th place nitong nakaraang taon sa naturang kategorya.

Pinasalamatan ng direktor ng ‘The Rapists of Pepsi Paloma’ na si Darryl Yap ang kaniyang abogado na si Atty. Raymond Fortun at iba pang mga kasama nito sa pamamagitan ng isang Facebook post.

Ito ay matapos maghain ng petisyon ng kampo ni Yap sa Muntinlupa City Regional Trial Court (RTC) Branch 205 ng isang gag order laban sa kampo ng aktor na si Vic Sotto.

Ang gag order ay inilalabas ng korte upang pigilan ang mga partido, kabilang ang kanilang mga abogado, na isiwalat sa publiko ang anumang impormasyon tungkol sa isang nakabinbing kaso – tulad ng pakikipag-usap sa media o pagtalakay sa kaso online.

Matatandaang nagsampa ng reklamo si Vic Sotto laban kay Darryl Yap dahil direktang binanggit ang pangalan ng aktor sa trailer ng pelikula bilang isa sa mga rapist umano ng yumaong sexy star na si Pepsi Paloma. - sa panulat ni Ralph Dela Cruz

Si Sarah Discaya nang maghain ng CoC sa pagka-mayor ng Pasig dala ang pangakong ihahatid ang lungsod sa pangarap niyang Smart City.

“Mahirap na karanasan ang nag-udyok sa aming pamilya upang tumulong at makapagserbisyo sa mga Pasigueño upang mabigyan sila ng mas magandang buhay.”

Ito ang sinabi sa isang panayam ni Pasig mayoralty aspirant na si Sarah Discaya kung saan aniya’y bago pa man sila bagkaroon ng magandang buhay ay naranasan muna nila ang buhay na walang-wala, o ‘yung buhay na sobrang naghihikahos.

Aniya, upang matustusan ang pangangailangan ng kanilang pamilya ay una silang nagsimula sa maliit na construction project kapalit ng maliit na halaga na para umano sa kanila ay isa ng ‘malaking nang achievement.’

Bago pa man umano nila napasok ang mundo ng pangunguntrata ay una nilang naranasan na pumasok sa iba’t ibang industriya katulad ng pananahi.

Kanyang ininahagi sa nasabing interbyu na naging panandaliang English teacher din siya at rumaraket bilang taga-benta naman ng bubong ang kanyang asawa na si Curlee. “At naranasan din po namin ang mangutang ng pera upang matustusan ang aming mga pangangailangan pati na ang edukasyon ng aming apat na anak,” pagtatapat ni Discaya na kilala bilang Ate Sara na taga-taguyod ng charity works sa nagdarahop na mga lugar sa Pasig.

Base sa kwento ni Sarah ay sinuong niya ang bagyo at baha noong bagyong Ondoy upang makuha lamang ang perang pambayad sa tuition fee ng kanyang nag-aaral na mga anak.

“Nararamdaman namin kung ano ang nararamdaman ng mga taong walang-wala. Dahil doon mas madali namin silang maunawaan, maintindihan, at matugunan ang kanilang mga pangangailangan,” sambot naman ng asawa niyang si Curlee.

Isinalaysay rin ni Sarah kung paano at ano ang dahilan kung bakit napalapit ang kanilang pamilya sa mga Pasigueño na nangangailangan ng atensyong pang-medikal.

Ayon sa kanya, ang kanyang apat na anak ay may Attention Deficit Hyperactivity Disorder (ADHD) at kailangan umanong sumailalim sa therapy. Dahil sa kahirapan ng buhay ay hindi nila alam kung saan kukunin ang pampapagamot at pambili ng gatas o diaper para sa mga ito dahilan upang mangutang at manghingi sila ng suporta sa kanyang mga magulang noon.

Kaugnay nito, sinabi ni Sarah na ramdam at alam niya ang pangangailangan ng mga Pasigueño dahil una niyang pinagdaanan at naranasan ang mga ito bago pa man sila naging matagumpay sa kanilang negosyo.

“People-oriented person ako noon pa man, ako ay palaging nalalapitan. Gusto kong magbigay ng pag-asa sa mga taong nangangailangan,” sabi niya.

Dahil sa biyayang natanggap ng kanilang pamilya ay nais umano nilang ibalik ito sa masa sa pamamagitan ng pagtulong sa mga Pasigueño.

Sa pangunguna ni Sarah, palaging dinudumog ng mga Pasigueño ang handog nilang medical mission sa iba’t ibang panig ng Pasig, tinangkilik ng mga kabataan ang kanilang mga youth forum, at patuloy na nagbibigay ng libreng gamot, wheelchairs, at anumaring uri ng tulong na hinihingi ng mga taong lumalapit sa kanilang charity foundation..

Hindi naman ipinagsawalang-bahala ng mga Pasigueño ang pagsisikap at malasakit ng mag-asawang Sarah at Curlee para sa publiko lalo na sa mga Pasigueño at mga pamilyang nasa laylayan ng lipunan.

“Napakabait ni Ate Sarah. May malasakit at puso para sa mga mahihirap dahil minsan din silang napunta sa laylayan ng buhay,” sabi ng isa sa mga netizens na nag-komento sa naturang interbyu.

Samantala, kamakailan lamang ay kinilala bilang Outstanding Non-Government Organization of the Philippines ang St. Gerrard Charity Foundation, na pinamumunuan ni Discaya, sa Gawad Pilipino Lingkod Bayan Awards 2024 bunsod ng katapatan nitong pagtulong sa mga nangangailangan.

Ikinalugod ng isang dating kongresista ang pagbasura ng Commission on Appointments (CA) sa ad interim appointment ni ex-TESDA chief Suharto ‘Teng’ Mangudadatu bilang Army colonel reservist.

Pahayag ni dating Gov. Esmael ‘Toto’ Mangudadatu, ngayo’y isang peace advocate sa BARMM, ang pagbasura ng CA sa pagtalaga kay Teng bilang colonel reservist sa Armed Forces of the Philippines ay makatuwiran.

Tinukoy ni Toto, 3rd degree cousin ni Teng, ang mga pagkakataon sa track record ng umano’y mga pang-aabuso ng kanyang pinsan.

“Ang daming reservist na nandito sa amin na nagagamit ni Teng. Libo ang reservist nila. Pinadadala ng mga baril, akala ng mga tao sundalo lahat, zero IB pala ang mga yun,” pagsisiwalat ni Toto, na dati ring Maguindanao governor.

“Mayroon silang mga private cars na kulay green. Doon nakasakay lahat ng private armed groups nila, at tinatakot nila lahat na ipakukulong,” dagdag pa niya.

Isiniwalat din ni Toto ang umano’y ginagawang pang-aabuso ni Teng sa pangalan ng Philippine Army sa kanyang political antics sa Bangsamoro region kahit hindi siya bahagi ng BARMM.

“Magandang balita ang naging desisyon na hindi bigyan ng titulong army colonel reservist si Teng dahil malamang ay abusuhin niya lamang ito at mabigyan siya ng lisensiya na magpatuloy sa kaniyang harassment sa mga kalaban niya sa BARMM,” ani Toto.

“‘Delikado talagang mabigyan ng titulong colonel si Teng kahit reservist lang kasi pwede na nitong mabigyan ng ‘semblance of legitimacy’ ang pag-alaga niya ng mga pekeng armed reservist kahit sa totoo ay goons ang mga ito ng kanyang pamilya,” pagbibigay-diin ni Toto, idinagdag na, “kung may Ampatuan noon ay heto.. may Teng Mangudadatu ngayon.”

Sinasabing ang appointment ni Teng bilang army colonel reserve ay ibinasura sa isang panel deliberation ng CA, kung saan ang dating TESDA chief ay tinanggihan dahil sa non-compliance at non-appearance sa mga proceedings sa kabila ng mga imbitasyon na dumalo.

Ipinaliwanag nina panel head at Camiguin Representative Jurdin Jesus Romualdo na inisnab ni Teng ang proceedings ng apat na beses, na grounds para ibasura ang kanyang appointment, ayon sa Section 24 ng CA Rules.