NEWS

“Amazing!”

Ganyan inilarawan ni Melai Cantiveros-Francisco ang Mutya ng Pasig Mega Market sa pagbisita niya rito nitong ikaw-14 ng Marso.

“Bakit? Kahit anong oras may mabibili dito sa inyong market, diba?” pagsasaad ni Melai sa kuhang Facebook live video ng 106 Trabaho Partylist.

Nabatid niya mula sa pamunuan ng palengke na 24 oras palang bukas at may nagtitinda rito.

“Aside from that, yung CR [comfort room] ninyo andun lahat- meron tayong [para sa] PWD [persons with disability]. ‘pag mag-CR kayo, meron din CR ang babae, lalaki, at ang LGBTQIA++ at syempre, ang ating mga senior citizen kaya amazing! Amazing!”, segunda pa ng celebrity host.

Matapos rin ang pakikipag-usap sa mga nagtitinda ng karne bilang parte ng kanyang labor advocacy at pagsusulong ng mga batas na maaring ilobby para masolusyonan ang tumataas na presyo ng mga bilihin, bumili rin ng kasim si Melai. Sariwa umano ang mga nabili niyang karne sa Mutya ng Pasig Mega Market na ipang-uulam nila ng kanyang pamilya.

May mga papuri rin si Melai sa mga nagtatrabaho sa Mutya ng Pasig Mega Market: “Palakpakan nyo ang mga sarili nyo sa lagi ninyong pag sisipag sa trabaho araw-araw. Palakpakan ninyo ang sarili ninyo na laging iniisip ng ating mga pamilya.”

Nakatanggap din siya ng mga tili at yakap pati na rin mga bulaklak at pagkain sa mga nagtitinda at namimili kung kaya’t paulit-ulit ang pasalamat niya sa kanilang mainit na pagtanggap sa celebrity host pati na rin sa grupong kasama nito.

Noong nakaraang taon lamang ay opisyal ring binuksan, sa pangunguna ni Mayor Vico Sotto, ang “child-friendly space” sa ikalawang palapag ng palengke. Ito ay air-conditioned na pasilidad na may toy area, coloring area, nap area, at dalawang comfort room para sa lalaki at babae, ayon sa Pasig City Public Information Office.

Ang Mutya ng Pasig Mega Market — itinuturing na simbulo ng komersyo at kalakalan ng lungsod ng Pasig — ay 50 taon nang nagseserbisyo sa publiko.

Ikinalugod ng grupo ng mga protestant at non-catholic churches ang pagdakip kay dating Pangulong Rodrigo Duterte, dahil isa umano itong hakbang tungo sa pagkamit ng hustisya para sa mga biktima ng extra judicial killings (EJK) sa bansa.

Batay sa kanilang statement, sinabi ng National Council of Churches in the Philippines (NCCP) na kasama sa panalangin nila ang pag-aresto kay Duterte, dahil may tsansa na umano na magkaroon ng hustisya ang mga namatay sa ilalim ng “drug war” ng nakaraang administrasyon.

Ayon sa NCCP, kahit sinubukang takasan ni Duterte ang pananagutan sa mga EJK sa bisa ng utos nito na umalis ang Pilipinas sa International Criminal Court (ICC), hindi pa rin ito sumapat dahil obligado pa rin na managot ang dating presidente sa mga taon na kabilang ang Pilipinas sa Rome Statue.

“It is our prayer as a Council that the developments that follow shall be guided by the principle of due process—a foundational principle of justice that thousands of poor Filipinos were deprived of during the violent and sham ‘drug war,’” saad ng NCCP.

“We hope this serves as an inspiration for all, and that truth and justice will prevail in the end, reinforcing the lesson that authoritarian regimes and their supporters shall not endure forever,” dagdag pa nito.

Hinimok naman ng NCCP ang mga Pilipino na manatiling maging mapagmatyag at kumampi sa tamang panig ng kasaysayan habang gumugulong ang kaso ni Duterte sa ICC.

Sang-ayon sa datos mula sa Philippine Drug Enforcement Agency (PDEA), nasa 6,215 katao ang napatay sa mga anti-drug operation mula nung umupo si Duterte bilang presidente hanggang October 21, 2021. Subalit, ilang watchdogs at mga aktibong grupo ang nakapagtala na umabot umano ang mga EJK sa 27,000 hanggang 30,000, kung isasama ang mga pinatay ng mga vigilante.

Nabatid na nahaharap si Duterte sa kasong krimen laban sa sangkatauhan, kung saan inaakusahan ang dating pangulo bilang responsable sa 43 na namatay —19 dito ay pinatay umano ng kanyang Davao Death Squad (DDS) noong alkalde pa lamang ito at 24 naman nung naging presidente na.

Sinasabing nakatakda ang susunod na hearing ni Duterte sa Setyembre 23, 2025, kung saan kukumpirmahin na ang mga kaso na haharapin ni Duterte na maari niyang labanan.

Maaalalang dinakip si Duterte noong March 11 paglapag nito sa Maynila mula sa isang campaign rally sa Hong Kong, sa bisa ng pagtutulungan ng International Criminal Police Organization (INTERPOL) at Philippine National Police.

Inilipad din naman ang dating Pangulo patungong The Hague, Netherlands noong kinagabihan.

“Ang isang bahay ay hindi magiging isang tahanan kung walang matatag na kabuhayan ang mga nanunuluyan,”pahayag ni Pasig mayoral aspirant Sarah Discaya.

Pahayag ni Discaya, kilala sa Pasig bilang Ate Sarah, ang pagbibigay ng pabahay nang walang kasamang suporta para sa matatag na kabuhayan ay hindi umano magtatagumpay at makabubuhay sa mga awardee.

Nilinaw niya na ang kanyang pangarap na “smart housing” para sa kababayang Pasigueños ay nakapaloob sa priority programs ng hinahangad niyang “smart city,” hindi ‘tulad ng kasalukuyang liderato ng Pasig na nangako ng pabahay dalawang termino na ang nakalipas pero hanggang sa ngayon ay wala pa kahit isang bubong na natupad.

Sinabi ni Discaya na kasama sa plano ng “smart housing” ng Team Sarah ang pangmatagalan na kabuhayan para sa beneficiaries.

“Giving them roof without jobs or
economic opportunities for their daily sustenance will make their lives harder,” paliwanag niya.

Iginiit niya na ang pasanin ng pagbabayad ng mga singil sa kuryente at tubig, pati na rin ang patuloy na pagtaas ng presyo ng mga pangunahing bilihin sa lungsod ay karamihan sa mga laging iniisip ng mga Pasigueño.

Sabi ni Discaya, may karapatan ang mga Pasigueño sa kumpletong programa mula sa gobyerno kung saan sila ay maaaring turuan kung paano mabuhay sa kanilang sariling paa imbes na basta ibibigay ang isang plano ng pabahay nang walang pangmatagalang suporta.

“The cost of health maintenance and education for children may entitle a family to own a house, but it doesn’t make a home,” dagdag pa ni Discaya.

Ibinabala niya na kung walang komprehensibong plano sa pabahay at kabuhayan, ang mga Pasigueño ay “maiiwan upang malunod mag-isa.”

Nabatid na isa sa mga pangunahing plataporma ni Discaya, kung sakaling siya ay maihalal, ay ang pagtatayo ng 11-palapag na proyekto na pabahay para sa mga Pasigueño. Binanggit niya ang kahalagahan ng ganitong proyekto, lalo na’t ang Pasig ay isang lugar na madalas bahain.

Sinasabing ang nasabing proyekto ay planong itayo malapit sa mga komersyal na lugar, na inaasahan ni Discaya na makatutulong sa pagbabalanse at pagtugon ng mga Pasigueño sa kanilang pangangailangan sa tahanan at kabuhayan.

Bunga ng kanyang karanasan bilang isang builder, nauunawaan ni Discaya ang mga hamon sa pabahay sa Pasig, kung saan ang limitadong espasyo ay nagpapahirap sa malalaking proyekto ng pabahay.

Ayon sa kanya, bagama’t may mga proposal ang kasalukuyang lokal na pamahalaan para sa in-city relocation at mga proyekto ng pabahay, ito ay mananatiling isang “panaginip” sa ilalim ng pamumuno ni Mayor Vico Sotto, dahil ang kanyang administrasyon ay nakatuon sa pagtatayo ng P9.6 bilyon nitong bagong Pasig city hall.

Kaya bilang karagdagan sa pabahay, itinataguyod din ni Discaya ang pagpapatayo ng waste facility, na pinaniniwalaan niyang makatutulong sa paglutas ng problema sa pagbaha sa lungsod kapag nagsimula ang tag-ulan.

Ibinandera ni Melai Cantiveros-Francisco ang Trabaho Partylist, bilang #106 sa balota, sa pag-ikot nito sa buong Malabon nitong Linggo, ika-16 ng Marso.

Sakay ng motorcade kasama ang nominee ng Trabaho na tubong Malabon, sinuyod nila ang 21 barangay na may rehistradong botante na hindi bababa sa 233,868, ayon sa datos ng Commission on Elections (Comelec) noong nakaraang eleksyon.

“Alam niyo po ba na ang first nominee ng Trabaho na si Atty. Johanne ay taga-Malabon po? Siya po ang magiging boses natin sa opisina [ng Kongreso],” pagbibida ng celebrity advocate.

Nakipagpalitan ng pagbati at pakikipagkumustahan ang grupo sa mga residente ng Malabon, at namigay rin ng mga brochure na may listahan ng platapormq at adbokasiya para sa mga manggagawa.

Proud na nag-abang ang mga dating kaklase sa elementarya at hayskul ng first nominee, pati na rin ang kanyang mga kamag-anak sa mga lugar na dinaanan ng motorcade maliban pa sa ibang mga supporters.

Nabatid na ang iba pang Malabueño ay hindi nagpahuli sa pagpapakita ng suporta sa kanilang kababayan sa pamamagitan ng pagvolunteer sa pagbabandang musiko, pagkakabit ng mga tarpaulin sa kanilang mga bahay, at pag-aayos ng trapiko sa motorcade.

“Sobrang nagpapasalamat po ako sa suporta at kusang-loob na pagbibigay ng talento ng mga kapwa ko Malabueño dahil malaking tulong po ito na maipanalo po natin ang mga reporma na isinusulong ng Trabahi!” sabi ng abogado.

Nakasama rin sa motorcade sina Vice Mayor Edward Nolasco at Konsehal Maricar Torres, samantalang si Mayor Jeannie Sandoval at ang iba pang bumubuo ng Team Kakampi naman ay nagbigay ng warm welcome sa grupo.

Maliban sa pagpapataas ng sahod at non-wage benefits, isinusulong din ng Trabaho Partylist na mapagbuti at maging disente ang pamumuhay ng mga manggagawang Pilipino.

“Tao sa tao humaharap sa inyo—sincere! Para sabihin ang ating mga plataporma dito sa Trabaho Partylist,” iyan ang diretsahang pahayag ni Melai Cantiveros-Francisco sa kanyang pagbisita sa Mutya ng Pasig Mega Market nitong Biyernes.

Sa kanyang masiglang pagbisita, buong puso siyang nakiisa at nakipagkapwa-tao sa mga Pasigueño, kasama ang kanyang kapwa babaeng nominees sa Trabaho Partylist upang ipalaganap ang kanilang mga adhikain.

“Ako mismo na si Melai [ay] talaga namang sumusuporta at naniniwala sa ating Trabaho Partylist, 106 [sa balota],” mariing pahayag ng aktres.

Higit pa sa pakikipag-selfie, pakikipagyakap, at pakikipagkumustahan, buong galak ding tinanggap ng grupo ang imbitasyon ng mga tindera na makisalo sa kanilang pananghalian.

Sa pagbibigay-diin sa kahalagahan ng face-to-face na kampanya, paulit-ulit na ipinaalala ni Melai sa mga tindera, manggagawa, at mamimili ang importansya ng “tao sa tao”—kung saan direkta nilang nakikilala ang mga kandidato sa likod ng isang partylist.

“Kasama po natin dito si ms. Ninai [Chavez] saka si atty. Johanne Bautista—sila po ang magsusulong sa ating mga karapatan para sa ating mga trabaho,” pagpapakilala ni Melai sa kanyang mga kasama.

“Kami po sa 106 Trabaho Partylist ay naniniwala na ang bawat manggagawa—kasama na po ang mga manininda—ay dapat may disenteng trabaho, maayos na kita, at magandang kalidad ng buhay. Kaya isusulong po namin ang proteksyon para sa inyong pangkabuhayan, tulong pinansyal at pangkabuhayan, pagbibigay ng suporta para sa inyong kalusugan at kaligtasan, at patas na oportunidad para sa lahat ng miyembro ng ating lipunan,” paliwanag ng first nominee tungkol sa adbokasiya ng Trabaho Partylist.

Samantala, si second nominee Chavez ay pinuri ang sakripisyo ng mga nagtitinda sa palengke, lalo na noong kasagsagan ng pandemya.

“Alam po natin no’ng pandemya, nabigyan ng benepisyo ang mga nurse at military officers, pero hindi natin narinig na nabigyan din ng benepisyo ang ating mga unspoken heroes—ang ating mga manininda,” pagsaludo ng second nominee.

Personal ding ibinahagi ni Melai kung gaano siya kasaya at at-home sa pakikisalamuha sa palengke.

“So, ‘pag andito ako sa palengke, parang at-home talaga ako kasi iba ‘yong mga buhay natin lalo na mga nanay diyan, ‘di ba? Shoutout sa mga nanay diyan!” masayang pahayag ni Melai, na isa ring working mom.

Game na game ang celebrity host at working mom na si Melai Cantiveros-Francisco at si Trabaho Partylist nominee Atty. Johanne Bautista sa alok ng mga tindera na makisalo sa kanilang pananghalian sa Mutya ng Pasig Mega Market.

Kita sa mga larawan at video na magkahalong gulat at tuwa na may kasamang sigawan ang naging reaksyon ng mga tao sa nasabing palengke matapos hindi tumanggi ang aktres sa alok na kumain mula sa parehong tray na kinakainan ng mga tindera.

“Masarap nga!”, Kapwa sinabi naman ang aktres at abogado na kinamay rin ang kanin at manok.

Kasama rin si nominee Ninai Chavez, inikot ng grupo ang palengke upang harapang makausap ang mga Pasigueño o mga lokal na residente ng Pasig upang mapakinggan ang kanilang mga hinaing, at maipabatid sa kanila ang legislative agenda ng Trabaho, ang partylist na bilang 106 sa balota sa darating na halalan sa Mayo.

Nagpasalamat din ang grupo sa mainit at masayang pagtanggap sa kanila ng mga Pasigueño.

“Hello mga taga-Pasig! Maraming salamat sa inyong pag-welcome! Kasama ko po ang mga nominee ng Trabaho — humaharap sa inyo tao sa tao para talagang magpakita ang pagkasinsero nila,” sabi ni Melai.

Gamit ang megaphone, tinanong din niya “sino ang gusto ng trabaho?”

“Ako!,” malakas na sagot ng mga lokal.

Pinuri at sinaluduhan ni Trabaho Partylist nominee Ninai Chavez ang mga solo parents sa ginanap na pagdiriwang ng ika-7 anibersaryo ng Araw ni LaguNanay sa San Pedro, Laguna.

“Hangang-hanga po ako at napakalaki po ng aking respeto sa mga solo parents natin dahil ang trabaho ng dalawa [magulang] ay ginagampanan ng isa [solo parent] para lang makapag-provide sa kanilang mga anak,” ani Chavez.

Ang LaguNanay, isang programang sinimulan ni Congresswoman Ann Matibag, ay pinuri ng grupo dahil isa itong napakagandang halimbawa upang maipakita ang kakayahan at kahalagahan ng mga kababaihan lalo na ngayong National Women’s Month.

“Bukod po sa sapat na sahod at karagdang benepisyo, sisiguraduhin po ng Trabaho Partylist, bilang #106 sa balota, na may patas na oportunidad ang mga kababaihan, lalo na ang mga solo parents at PWDs [persons with disability], sa kanilang mga trabaho, ” pagpapaliwanag ni Chavez.

Kamakailan, humiling ang Trabaho Partylist ng suporta mula sa publiko upang maisulong ang mga repormang pang-legislative na magtatanggol sa karapatan ng kababaihan, magtitiyak ng patas na patakaran sa paggawa, at lilikha ng mas pantay at makatarungang lipunan para sa lahat.

“Wala po dapat napag-iiwanan, lalung-lalo na ang mga kababaihan,” pagdidiin ng babaeng nominee sa kanyang mga kapwa kababaihan.

Bukod kay LaguNanay founder at San Pedro, Laguna Representative Matibag, dumalo rin sa pagdiriwang sina Senator Francis “Tol” Tolentino at Congresswoman Lani Mercado-Revilla.

Naglabas ng babala ang isang consumer group laban sa mga probisyon ng Konetakdong Pinoy bill, at sinabing walang mga pananggalang na maggagarantiya na magiging ligtas ang bansa mula sa mga banta sa seguridad.

Kahit kinikilala nito ang pangangailangan ng bansa na maging malawakang konektado, sinabi ni Bantay Konsyumer, Kalsada, Kuryente (BK3) Convenor Atty. Karry Sison na kailangan ding bigyang prayoridad ang pambansang seguridad.

“Ngunit sa ating matinding pangangailangan ng mas maayos na koneksiyon, tila hindi natin napagtutuunan ng pansin ang malaking banta sa ating seguridad,” pahayag ni Sison sa isang statement.

“Sa kasalukuyang anyo ng panukalang ito, walang matibay na pananggalang upang masigurong ligtas at lehitimo ang mga papasok na telco providers. Walang garantiya na hindi sila may kaugnayan sa mga grupong may masamang hangarin laban sa ating bansa o sa ating mga ordinaryong mamimili,” dagdag pa niya.

Nabatid na noong Pebrero 5 ay inaprubahan ng Senado sa ikatlo at huling pagbasa ang Senate Bill No. 2699, bago ang session break.

Sinasabing layon ng panukala na maging mas madali para sa mga service provider na makapasok sa merkado, isulong ang kumpetisyon, mag-alok sa mga consumer ng mas marami at abot-kayang opsiyon para sa internet services.

Ayon kay Sison, labis siyang nababahala sa mga potensiyal na panganib sa pagpapahintulot sa anumang service provider na pumasok sa bansa nang walang sapat na regulatory oversight.

“Kung walang sapat na proteksiyon, magiging madali para sa mga mapagsamantalang grupo na dayain, nakawan, o manipulahin ang mga gumagamit ng internet, lalo na ang mga hindi pamilyar sa mga panganib ng online transactions.”

Iginiit pa ng BK3 convenor na dapat magkaroon ng sapat na proteksiyon upang mapigilan ang mga potensiyal na panganib bago pagtibayin ang batas.

Binigyang-diin ng Trabaho Partylist ang kahalagahan ng paglikha ng trabaho upang mapanatili ang pagbaba ng antas ng krimen sa bansa.

Ito’y kasunod ng ulat mula sa National Capital Region Police Office (NCRPO) na nagpapakita ng malaking pagbaba ng crime rate sa Metro Manila sa pagsisimula ng taon, na iniuugnay sa pinaigting na seguridad.

Pahayag ng Trabaho Partylist, bagama’t isang positibong pag-unlad ang pagbaba ng krimen, mas matitiyak ang pangmatagalang kaayusan sa lipunan sa pamamagitan ng pagbibigay ng sapat at pangmatagalang trabaho.

Ipinunto ni Atty. Mitchell-David Espiritu, tagapagsalita ng partylist, na ang maayos na hanapbuhay ay nagbibigay ng katatagan at layunin sa buhay ng isang indibidwal, na siyang nakakatulong upang mabawasan ang mga krimeng may kaugnayan sa kahirapan at kawalan ng oportunidad.

Bilang bahagi ng kanilang adbokasiya laban sa kawalan ng trabaho, nakatakdang makipagtulungan ang Trabaho Partylist sa mga pribadong sektor at ahensya ng gobyerno upang makalikha ng mas maraming oportunidad sa trabaho.

Kabilang dito ang pagpapatupad ng skills training programs at pagtulong sa mga indibidwal, lalo na ang mga nasa laylayan ng lipunan, upang magkaroon ng disenteng hanapbuhay.

Maliban dito, isinusulong din ng partido ang pagpapalakas ng ugnayan sa mga lokal at internasyonal na negosyo upang mapalawak ang job openings.

Kasabay nito, mahigpit nilang susuportahan ang mga programa ng gobyerno na naglalayong palakasin ang merkado ng paggawa at pagbutihin ang kakayahan ng mga manggagawa upang matugunan ang pangangailangan ng industriya.

Iginiit din ni Atty. Espiritu ang kanilang layunin na itulak ang mga polisiya na magpapadali sa proseso ng pagkuha ng empleyado, magpapabuti sa kondisyon sa paggawa, at maghihikayat sa mga negosyo na mamuhunan sa lokal na talento.

Naniniwala ang Trabaho Partylist na sa pamamagitan ng pagbibigay ng tamang suporta, kasanayan, at oportunidad sa mga manggagawa, makakamit ang mas matatag na ekonomiya, mas mababang crime rate, at mas maunlad na bansa.

Malugod na ipinakilala ni Mayor Mark Alcala ang Trabaho Partylist sa mga mamamayan ng Lucena sa isang open forum sa probinsya ng Quezon, ika-6 ng Marso 2025.

Bilang kinatawan ng nasabing partylist, nagtalumpati si nominee Atty. Johanne Bautista sa mga “Lucenahin,” moniker sa mga residente ng Lucena, upang ipaliwanag ang plataporma at legislative agenda ng Trabaho.

Misyon ng Trabaho na itaguyod ang mga karapatan, kapakanan, at marangal na buhay ng mga manggagawa.

“Hindi po dapat maging hadlang ang ating mga edad, kapansanan, kasarian, at pinanggalingan para magkaroon ng patas na oportunidad na makapagtrabaho at kumita at magkaroon ng magandang buhay,” pagdidiin ng abogado.

Pagkatapos ng talumpati ay tinanong ni Vice Mayor Roderick Alcala ang mga tagapakinig, “Pwede ba nating tulungan ang 106 Trabaho Partylist?”

“Pwede. Pwede,” sagot ng mga Lucenahin.