Iginiit ni Seantor Ronald Dela Rosa na dapat magkaroon na ng batas para matanggal ang political influence sa Philippine National Police.
Dahil dito, isinusulong ni Sen. Dela Rosa ang pag-amyenda sa local government code na nagbibigay kapangyarihan sa mga Local Chief Executives na pipili ng Chief of Police sa kanilang lungsod o munisipalidad.
Ito lang aniya ang paraan para ma-professionalize ang PNP. -Sa panulat ni Jeraline Doinog
Maghahain ng kaso sa korte suprema ang labor coalition na “Nagkaisa” sakaling hindi i-veto ni Pangulong Ferdinand Marcos Jr. ang proposed 2025 national budget.
Ayon kay Nagkaisa Chair Sonny Matula, kung lalagdaan at hindi babaguhin ni Pangulong Marcos ang panukalang budget para sa 2025 ay maghahain sila ng kaso laban sa pamahalaan.
Dagdag pa ni Matula, hindi nila hahayaang mapabayaan ng gobyerno ang obligasyon nito sa mga mamamayang Pilipino.
Sinabi rin ng Nagkaisa Chair na ang laban na ito ay hindi lamang tungkol sa halaga ng pondo kundi pati na rin sa buhay, katarungan, at moral compass ng bansa.
Binigyang-diin ni Matula na ang zero-budget subsidy sa PhilHealth ay paglapastangan sa social justice at konstitusyon kaya kailangang i-veto ni PBBM ang panukalang budget para sa susunod na taon.
Kaugnay nito, inapela rin ng labor coalition ang agarang pagreporma sa PhilHealth at iginiit na pangunahing trabaho ng pamahalaan na unahin ang kalusugan ng publiko. – Sa panulat ni john Riz Calata
Magbabalik bansa na ngayong araw si Pinay Convict Mary Jane Veloso.
Matapos maiturn-over ng Indonesean government si Veloso sa mga opisyal ng Pilipinas.
Ayon kay BUCOR Director General Gregorio Catapang Jr., diretso si Veloso sa Correctional Institution for Women sa Mandaluyong City pagdating nila ng bansa.
Hindi naman pinosasan si Mary Jane habang nasa biyahe pauwi ng bansa dahil hindi naman anila ito kriminal at walang dahilan para tumakbo pa.
Kadalasang nagpa-file ng leave ang isang empleyado sa tuwing mayroon itong sakit o kapag gustong magbakasyon o magpahinga, pero ang isang kumpanya sa China, binibigyang permiso ang mga empleyado nito na umabsent kapag nakakaramdam ng kalungkutan!
Kung ano ang buong kwento, alamin.
Sa ginanap na conference na tinatawag na China Supermarket Week ngayong taon, ibinalita ng founder at chairman ng retail company na Pang Dong Lai na si Yu Dong Lai sa kaniyang mga empleyado ang pagkakaroon ng bago at kakaibang klase ng “leave” sa kanilang kumpanya na tinatawag na unhappy leave.
Ang bawat empleyado ay mabibigyan ng sampung extra leave na mayroong kasamang benefits na maaari nilang gamitin sa tuwing hindi maganda ang kanilang mental at emotional state.
Binibigyan ng “unhappy leave” ng karapatan ang mga empleyado na huwag pumasok at magpahinga sa tuwing hindi sila masaya at para na rin ma-practice sa kumpanya ang work-life balance.
Ayon kay Yu Dong Lai, dapat hikayatin ng mga kumpanya ang kanilang mga empleyado na magpahinga dahil hindi lamang ito basta nakatutulong sa pag-boost ng kanilang morale, kundi pati na rin sa kanilang productivity.
Dagdag pa niya, ang hindi pagbibigay ng pahintulot sa mga empleyado na gamitin ang kanilang leave ay makukusiderang violation.
Ikaw, gusto mo rin bang magkaroon ng unhappy leave sa’yong pinagtatrabahuhan?
Nanawagan ang mga lider ng Kamara na itigil na ang pagpapakalat ng maling impormasyon kaugnay ng naging desisyon ng mataas at mababang kapulungan na alisin ang subsidy ng gobyerno sa PhilHealth para sa 2025.
Umapela rin si Assistant Majority Leader At Tingog Party-List Rep. Jude Acidre sa mga nagpapakalat ng maling kwento na maawa naman sa taumbayan at bilang pamasko ay dapat itigil na ang pagpapalaganap ng tsismis.
Itinaggi rin Acidre ang balitang walang magagamit na pondo ang PhilHealth sa susunod na taon upang maipagpatuloy ang benepisyong ibinibigay nito sa mga miyembro.
Sinabi naman ni Deputy Majority Leader at La Union Rep. Paolo Ortega V na maaaring ang mga nagpapakalat ng maling impormasyon ay hindi man lang miyembro ng PhilHealth.
Iginiit ng dalawang lider ng Kamara na mayroong sapat na pondo ang PhilHealth para matulungan sa pagpapagamot ang mga miyembro nito at sa katunayan ay madaragdagan pa ang mga benepisyong ibinibigay sa susunod na taon.
Masyado pang maaga para magsalita ang Malacañang kung bibigyan ng pardon ni Pangulong Ferdinand Marcos Jr. si Mary Jane Veloso pagdating sa bansa.
Ito ang tugon ni Executive Secretary Lucas Bersamin kasunod ng inaasahang pagdating sa Pilipinas sa miyerkoles ni Veloso mula sa Indonesia matapos mapiit dahil sa kasong illegal na droga.
Ayon kay Bersamin, hindi pa masabi kung ano ang mangyayari pagdating ni Veloso dahil prayoridad ni PBBM ay mapauwi ito ng walang anumang aberya o pagkaantala.
Matatandaang sumulat ang pamilya ni Veloso kay Pangulong Marcos Jr. Noong nakalipas na linggo at hiniling na mabigyan ito ng executive clemency.
Pasado na sa Senado sa huli’t ikatlong pagbasa ang panukalang nagsasaayos sa National Economic Development Authority Bilang Department of Economy, Planning and Development.
Sa botong 18-0 at walang abstention, inaprubahan ang Senate Bill 2848 o ang Department of Economy, Planning and Development (DEPDev).
Alinsunod sa panukala, ang DEPDev ang magiging pangunahing policy planning, coordinating at monitoring arm ng executive branch ng pamahalaan sa national economy.
Kabilang sa pangunahin nitong mandato ang paglikha, pagpapatuloy, paglalatag at pagsasagawa ng mga plano at programa para national development ng bansa na pagdedesisyunan ng Economy and Development Council.
Pinatitiyak din sa kagawaran ang pagkakahanay ng national at sub-national policies, plans, at programs patungo sa pinakamahusay na paggamit ng financial at economic resources, at pangangasiwaan ang public investment program ng bansa.
Inisponsoran ang panukala ni Senador Juan Miguel “Migz” Zubiri, Chairperson ng senate Committee on Economic Affairs.
Nailikas na ang lahat ng mga residente na nasa extended 6-kilometer permanent danger zone ng bulkang kanlaon.
Ayon kay Raul Fernandez, Director ng OCD-Western Visayas at pinuno ng Regional Task Force Kanlaon, umabot na sa isandaang porsyento ang evacuation rate sa Negros Occidental at Negros Oriental.
Batay sa datos ng OCD, umabot na sa mahigit 13,000 indibidwal ang nananatili sa mga evacuation center, at karamihan sa mga inilikas ay nagmula sa Bayan ng La Castellana.
Matatandaang ipinag-utos ng Task Force Kanlaon ang mandatory evacuation sa mga residenteng nasa loob ng permanent danger zone, kasunod ng tumataas na aktibidad ng bulkang kanlaon.
Iginiit mismo ni Pangulong Ferdinand Marcos Jr. na nananatiling matatag ang pilipinas sa kabila ng mga hamon at ingay sa politika.
Sa media interview sa Malacañang, sinabi ni PBBM na maayos pa ring gumagana ang pamahalaan, kaya’t walang dapat ipag-alala ang publiko.
Nilinaw din ni PBBM na walang nangyayaring loyalty check sa hanay ng pulisya at militar.
Sa katunayan aniya ay hindi niya alam ang ibig sabihin ng loyalty check dahil sa media niya lamang nito narinig. – Sa ulat ni Gilbert Perdez (Patrol 13)
Bubusisiin ng Malacañang ang lumobong pondo ng Department of Public Works and Highways na 290 billion pesos budget para sa 2025.
Ayon kay Pangulong Ferdinand Marcos Jr., maraming malalaking proyekto ang nakalinya sa DPWH tulad na lamang ng flood control projects.
Kailangan na aniya talagang magpatayo ang ahensya ng malalaking proyekto para matugunan ang lumalalang epekto ng climate change.
Dagdag pa ng Pangulo na pinaplantsa pa ng pamahalaan ng mabuti ang budget para rito.