Pinagdududahan ni retired marine colonel at medal of valor recipient Ariel Querubin ang mga pahayag ng mga nagpakilalang bodyguard at bagmen ni dating congressman Zaldy Co.
Ayon kay Querubin, kung totoo talaga ang sinasabi ng mga tinaguriang “Maleta Boys,” magsasampa na ang mga ito ng kaso at hindi na idaraan sa press conference ang kanilang nalalaman.
Dahil dito, pinuna rin ni Querubin ang umano’y kabalintunaan sa testimonya ng naturang grupo.
Sinusuportahan naman niya ang pagpapatatawag sa mga nasabing bagmen ni Co sa pagdinig ng Senate blue ribbon committee tungkol sa flood control scandal. — Sa panulat ni Anjo Riñon
