Magpapatuloy ang kampanya ni Filipina tennis sensation Alex Eala matapos niyang talunin si world number 2 Elena Rybakina sa round of 16 ng Berlin Open.
Ito’y matapos patumbahin ni Eala si Rybakina sa score na 7-5, 6-4.
Maituturing itong resbak ni Eala matapos siyang talunin ni Rybakina sa Italian Open.
Aminado naman ang Pinay tennis star na kailangan niyang tapangan ang sarili at tibayan ang loob upang malagpasan niya ang kasalukuyang world number 2 sa WTA rankings.
Dahil sa kanyang panalo, pasok na si Eala sa quarterfinals ng Berlin Open, kung saan makakalaban niya si Elina Svitolina ng Ukraine mamayang gabi, oras sa Pilipinas. — sa panulat ni Anjo Riñon
