Nagbabala ang PAGASA na maaaring makaranas ng matinding epekto ng El Niño ang Region 6 o Western Visayas na posibleng magdulot ng dry spell at drought.
Ayon kay Ferdinand Rubin, nasa 92 percent ang posibilidad na pag-iral ng malakas na El Niño na maaaring tumapat sa habagat mula June hanggang August 2026.
Anya, inaasahan ding tataas ang epekto nito sa mga susunod na buwan at posibleng maabot ang rurok mula October hanggang December.
Samantala, sinabi ng PAGASA na maaaring bumaba ang bilang ng mga bagyo na mabubuo sa panahong ito, ngunit posibleng umabot sa typhoon o super typhoon category at posibleng tumama sa bansa. — Reabelle Medina
