Nagtala si Alex Eala ng isa sa pinakamalalaking panalo sa kanyang karera matapos talunin ang World No. 2 na si Elena Rybakina, 7-5, 6-4, upang makapasok sa quarterfinals ng Berlin Tennis Open sa Germany.
Sa kabila ng malakas na simula ni Rybakina at maagang 4-1 abante, nagpakita ng tibay si Eala at bumawi upang maagaw ang unang set. Napanatili niya ang momentum sa ikalawang set para makumpleto ang malaking upset at makapaghiganti matapos ang pagkatalo niya sa Kazakhstani star sa Italian Open noong Mayo.
Hindi napigilan ni Eala ang kanyang saya matapos ang tagumpay at agad itong ibinahagi sa kanyang mga magulang. Ang panalo ay ikalawa niyang tagumpay laban sa isang top-three player sa mundo at isa na namang patunay ng kanyang mabilis na pag-angat sa international tennis stage.
