Naniniwala si Vice President Sara Duterte na “irrelevant” o wala nang saysay sakali mang patalsikin sa pwesto si House Speaker Ferdinand Martin Romualdez.
Ayon kay VP Sara, malaki na ang pagkakamali at kurapsyon na nagawa ni Speaker Romualdez sa Pilipinas kaya hindi na uubra ang pagpapatalsik dito.
Dagdag pa ng Bise Presidente, hindi na maibabalik ang mga nawalang pera ng bansa dahil sa kurapsyon kahit na sibakin pa sa pwesto ang lider ng Kamara.—sa panulat ni John Riz Calata
Walang kinalaman ang anak ng Chinese Businessman na si Anson Que na si Alvin Que sa pagkamatay ng kanyang ama at ng driver nito na si Armanie Pabillo.
Ito ang kinumpirma ng Philippine National Police, sa kabila ng ibinunyag ni David Tan Liao, isa sa mga suspek sa pagpatay sa nakatatandang Que at driver nito.
Nabatid na sinabi ng suspek na ang nakababatang que mismo ang nag-utos para ipapatay ang ama nito.
Ngunit ayon sa pulisya, walang direktang ebidensya na nag-uugnay na ang nakababatang Que ang nag-utos sa pag-kidnap at pagpatay sa amang Que.
Nilinaw rin ni PNP Spokesperson Brigadier General Jean Fajardo na hindi nagmula sa panig ng pulisya ang detalye ng pag-amin ni Liao dahil kailanman ay hindi sila naglabas ng extrajudicial confession.
Aniya, kumalat ang nasabing balita mula lamang sa isang news report na walang source mula sa pulisya.
Nabatid na ang nakatatandang Que at si Pabillo ay natagpuang patay sa Rodriguez, Rizal noong April 9.
Tiniyak ng Department of Labor and Employment na tatalima ito sa ten-day ban ng pamimigay ng anumang uri ng ayuda na ipinatupad ng Commision on Elections.
Ayon kay Labor Secretary Bienvenido Laguesma, batid niya na sakop ang kanilang ahensya sa nasabing direktiba ng COMELEC.
Nabatid na ipinag-utos ni COMELEC Chairperson George Erwin Garcia ang ‘ayuda ban’ mula May 2 hanggang May 12 upang maiwasang magamit ang pondo ng pamahalaan sa pangangampanya.
Dahil dito, hindi muna pahihintulutan ang pamimigay ng pinansyal na tulong mula sa pamahalaan, partikular na ang Assistance to Individuals in Crisis Situations (AICS), tupad, 4Ps, at ang Ayuda para sa Kapos ang Kita Program (AKAP).—sa panulat ni John Riz Calata
Para sa mga dog lover, kinukunsidera nila ang mga alaga nilang aso bilang stress reliever, but at the same time, nagca-cause rin ang mga ito ng stress — in a good way! Katulad ng aso sa kwento na ito na nagdala ng good vibes sa mga netizen dahil sa kaniyang kapilyuhan!
Ang buong kwento ng malokong aso na ito, eto.
Sa isang video, makikita ang fur parent na si Robert Solis na naglalakad papunta sa kanilang kapitbahay.
Pagkalapit sa mga nakatambay na kapitabahay, walang anu-ano niyang binitbit ang alaga niyang aso na si Jaero na nakikitambay din sa mga ito!
Pero ang pagsundo ni robert kay Jaero, gabi-gabi niya raw pala talagang ginagawa kahit na binigyan niya na ito ng 7:30 PM na curfew!
Pero ang makulit na aso, hindi alintana ang kaniyang curfew at hindi sinasadyang nilalaba ito dahil sa sobrang libang sa mga kapitbahay na naging mga kaibigan na nito.
Pero kahit na gaano pa kakulit si Jaero, walang kapantay ang pagmamahal ni Robert dito at masaya siya na pati ang mga kapitbahay nila ay giliw na giliw sa friendly dog.
Ikaw, gugustuhin mo rin ba na maging palakaibigan ang aso mo pero mahilig tumambay?
Boring graduation clothes no more. Mapapa-sana all ka na lang talaga dahil sa isang unibersidad sa Japan, pinapayagan ang mga graduates na magsuot ng kahit anumang gustuhin nila sa araw ng pagmartsa.
Kung ano ang sinuot ng mga estudyante, eto.
Tuxedos, dresses, filipiniana, barong, o di naman kaya ay school uniform ang kadalasang graduation attire ng mga estudyante at mahigpit ding ipinagbabawal ang pagsuway dito.
Pero sa mga unibersidad sa Japan katulad ng Kyoto University, Kanazawa College of Art, at Kyoto City University, binibigyang laya ang mga estudyante na isuot anuman ang gustuhin nila sa araw ng graduation.
Katulad dito sa pilipinas, suits at dresses din ang sinusuot ng mga Japanese graduates o di naman kaya ang kanilang traditional clothing na hakama kimono.
Pero matapos pahintulutan at i-anunsyo ang pag-adapt ng Kyoto University sa pagsusuot ng unusual graduation attires, nagkaniya-kaniyang diskarte na ang mga estudyante sa pag-iisip kung paano gagawing creative ang kanilang graduation outfit.
Pagdating sa araw ng graduation, makikita sa isang social media post ang mga estudyante sa auditorium na tila cosplay event ang dadaluhan at hindi graduation.
Makulay kasi ang suot ng mga ito at ang ilan sa kanila ay piniling magsuot ng costume ng mga cartoon at movie characters.
Sa mahigit isang libong replies ng nasabing post, nagkaniya-kaniyang pili ang mga netizen ng paborito nilang costume habang ang iba naman ay nag-share kung gaano kahigpit sa school nila pagdating sa graduation attire at hiniling na sana ay i-implement din ito sa kanila.
Samantala, ang pagpapahintulot sa mga estudyante na maging creative sa kanilang garduation attires ay isa palang tradisyon at bago pa ito i-adapt ng Kyoto University ay nauna na ang Tokyo University.
Ikaw, sawa ka na ba sa nakasanayan mo? Gugustuhin mo rin ba na i-adapt ito ng mga eskwelahan dito sa pilipinas?
Isa sa pinakamasakit na pangyayari sa buhay ng isang tao ay ang mawalan ng mga magulang, kung kaya kadalasan ay all-out ang mga anak para sa pagbibigay respeto sa kanilang mga magulang hanggang sa maihatid ito sa kanilang huling hantungan. Pero ang lalaking ito sa japan, tila tinipid pa ang kaniyang ama at hindi man lang binigyan ng maayos na burol at libing.
Ang buong detalye ng ginawa ng lalaki, eto.
Nag-alala ang mga kapitbahay ng 56-anyos na si Nobuhiko Suzuki nang isang linggo nitong hindi binuksan ang kaniyang chinese restaurant sa Tokyo, Japan.
Dahil dito ay agad na inabisuhan ng mga ito ang mga pulis para kumustahin ang lalaki.
Pero sa halip na makumusta ang lagay ng nasabing lalaki, isang nakagigimbal na balita ang nadiskubre ng otoridad at yan ay ang mga nakatagong kalansay ng tatay nito sa isang cabinet.
Ayon mismo kay Suzuki, natagpuan niya na lang isang araw na wala nang buhay ang kaniyang noo’y 86-anyos na tatay noong January 2023.
Inamin niya rin mismo na ang dahilan para itago niya ang bangkay ng kaniyang tatay ay dahil sa malaking gagastusin kapag ipinalibing ito.
Dahil ayon sa survey ng isang local funeral service provider, aabutin ng 1.3 million yen o halos limandaang libong piso ang average funeral sa Japan.
Samantala, inaresto na si Suzuki at sumailalim sa imbestigasyon dahil sa umano’y pagnanakaw nito sa pension ng kaniyang tatay.
Ikaw, anong masasabi mo sa masalimuot na sinapit ng tatay na ito sa mga huling sandali niya sa mundo?
Isa sa pinakamasakit na pangyayari sa buhay ng isang tao ay ang mawalan ng mga magulang, kung kaya kadalasan ay all-out ang mga anak para sa pagbibigay respeto sa kanilang mga magulang hanggang sa maihatid ito sa kanilang huling hantungan. Pero ang lalaking ito sa Japan, tila tinipid pa ang kaniyang ama at hindi man lang binigyan ng maayos na burol at libing.
Ang buong detalye ng ginawa ng lalaki, eto.
Nag-alala ang mga kapitbahay ng 56-anyos na si Nobuhiko Suzuki nang isang linggo nitong hindi binuksan ang kaniyang Chinese restaurant sa Tokyo, Japan.
Dahil dito ay agad na inabisuhan ng mga ito ang mga pulis para kumustahin ang lalaki.
Pero sa halip na makumusta ang lagay ng nasabing lalaki, isang nakagigimbal na balita ang nadiskubre ng otoridad at yan ay ang mga nakatagong kalansay ng tatay nito sa isang cabinet.
Ayon mismo kay Suzuki, natagpuan niya na lang isang araw na wala nang buhay ang kaniyang noo’y 86-anyos na tatay noong January 2023.
Inamin niya rin mismo na ang dahilan para itago niya ang bangkay ng kaniyang tatay ay dahil sa malaking gagastusin kapag ipinalibing ito.
Dahil ayon sa survey ng isang local funeral service provider, aabutin ng 1.3 million Yen o halos limandaang libong piso ang average funeral sa Japan.
Samantala, inaresto na si Suzuki at sumailalim sa imbestigasyon dahil sa umano’y pagnanakaw nito sa pension ng kaniyang tatay.
Nananatiling pangunahing alalahanin ng mga botante ang paglikha ng mga trabaho at food security sa bansa.
Ayon sa survey ng Social Weather Stations, 93% ng mga pilipino ang nagsabing iboboto nila ang mga kandidatong may adhikain na palakihin ang mga oportunidad sa trabaho, paunlarin ang agrikultura at tiyakin ang food security.
91% naman ang nagsabing susuportahan nila ang kandidatong may layuning palakasin ang healthcare system sa bansa.
Kabilang din sa mga nangungunang advocacies ang karapatan ng mga manggagawa at kapakanan ng mga OFW, pagbabawas ng kahirapan, pagkontrol sa presyo ng mga pangunahing serbisyo at bilihin.
Gayundin ang pantay-pantay na access sa edukasyon, at pagtugon sa mga epekto ng pagbabago ng klima at pagpapahusay ng kahandaan sa kalamidad.
Isinagawa ang survey noong April 11 hanggang 14 sa 1,800 respondents sa iba’t ibang panig ng bansa.
Tututukan na ng Department of Education ang pagsasanay sa mga estudyante upang maging critical thinkers sa halip na maging kabisote lamang sa eskuwela.
Ito ang inihayag DEPED Secretary Sonny Angara matapos Philippine Statistics Authority matapos mabunyag sa senate hearing na halos 19 na milyong senior at junior high school graduates noong 2024 ang ikinukunsiderang “functionally literate,” o hindi makaunawa ng isang storya.
Ayon kay Secretary Angara, pinaigting na nila ang intervention ng DEPED, mula sa remedial at literacy programs hanggang sa mas epektibong paggamit ng datos sa bawat paaralan.
Aktibo rin anya sila sa pagtatama ng mga nagdaang proseso ng pagtuturo at paghahanda sa bawat mag-aaral na mas maging malakas at matatag sa hinaharap.
Ito’y upang matiyak na bawat estudyanteng Filipino learner ay magiging functionally literate at hindi mapag-iiwanan.
Gagawin nang taon-taun ang paghahandog ng libreng sakay sa mga pangunahing mass transit sa Metro Manila
Ito ang inanunsyo ni Transportation Secretary Vince Dizon kasabay ng pagtangkilik ng mga pasahero sa apat na araw na libreng sakay sa MRT-3, LRT 1 at 2.
Layon nitong bigyang parangal ang mga manggagawang pilipino bilang pagdiriwang ng Labor Day tuwing Mayo a-uno.
Inaasahan ng DOTR na magiging bahagi na ito ng taunang pagdiriwang ng Labor Day, at plano rin nila ang pagpapalawak ng ganitong mga insentibo sa iba pang sektor ng pampublikong transportasyon sa mga susunod na taon.