Jenn Patrolla

Pahahabain at palalawakin ni Pangulong Ferdinand Bongbong Marcos Junior ang mga ruta ng EDSA Bus Carousel upang mabawasan ang trapiko sa Metro Manila.

Ito’y matapos talakayin sa kauna-unahang traffic townhall summit ang malalim na problemang kinahaharap ng bansa pagdating sa trapiko.

Ayon sa pangulo, hindi matutugunan ang problema sa matinding traffic kung hindi magkakaroon ng maayos na mass transit system sa bansa.

Maliban dito, bahagi rin ng plano ni pbbm ang pagsasaayos ng stations at paggawa ng tulay sa Pasig River.

Tututukan din ng pamahalaan ang mga active transportation facilities gaya ng mga walkways at bike lanes para isulong ang malusog at sustainable na paraan ng paglalakbay.

Sinusuri na mga otoridad kung nakakaapekto ang malalim na butas sa sales road sa pundasyon ng skyway.

Sinabi ni Metropolitan Manila Development Authority Chairperson Romando Artes, na sa ngayon ay ligtas ang Skyway.

Matatandaan na nitong linggo lamang natuklasan ng mga otoridad ang isang malalim na butas sa sales road malapit sa Villamor Air Base sa Pasay City.

Sa ngayon, pansamantalang sarado ang apektadong lane maging ang linya ng tubig ng maynilad upang maiwasan ang karagdagang pagtagas ng tubig.

Samantala, iniimbestigahan na ng Department of Public Works and Highways–NCR ang sinkhole upang matukoy kung may mga tubo ng Maynilad ang naging sanhi ng butas.

Bumaba pa ang bilang ng mga walang trabaho sa bansa nitong Pebrero.

Batay sa datos ng Philippine Statistics Authority (PSA), sumadsad sa 3.5 % ang unemployment rate ng bansa nitong Pebrero, o katumbas ng 1.80 milyong Pilipino.

Mas mababa ito sa 4.5 % na naitalang unemployment rate noong Enero o katumbas ng 2.15 milyong mga Pilipino at nasa 4.8 percent noong February 2023 o katumbas ng 2.47 milyong pilipino.

Kasunod nito, iniulat din ng psa ang pagtaas ng bilang ng mga nagka-trabaho na nasa 96.5 % nitong Pebrero o katumbas ng 48.95 milyong mga Pilipino.

Mas mataas ito kumpara sa naitalang 95.5 percent noong January 2024 o katumbas ng 45.9 milyong Pilipino at 95.2%  noong February 2023 o katumbas ng 48.80 milyong Pilipino.

Tumaas ang presyo ng kada kilo ng manok at baboy sa ilang pamilihan.

Sa pag-iikot ng DWIZ, nadagdagan ng P10 ang kada kilo ng manok na nasa P190, mula sa dating P180 kada kilo.

Tumaas  din ang presyo ng kada kilo ng baboy sa NEPA Qmart na nasa P260 mula sa dating P240 – P250.

Habang ang liempo naman ay nasa P300  kada kilo; butu-buto na nasa P150 – P 200 kada kilo; pata o paa ng baboy na nasa P160 – P170  kada kilo; at ribs na nasa P235 kada kilo.

Sumirit din ang kada kilo ng giniling na mula sa dating P260, ngayon ay nasa P280 na ang kada kilo. – mula sa ulat ni Gilbert Perdez (Patrol 13)

Mayorya ng mga Pilipino ang piniling huwag nang magpakasal at mag-anak dahil sa patuloy na pagtaas ng presyo ng mga bilihin sa bansa.

Ito ay batay sa isinagawang pag-aaral ng Commission on Population and Development.

Ayon sa CPD, lumabas sa kanilang pag-aaral na nangangamba ang ilang mga Pilipino sa katatagan ng Ekonomiya ng Pilipinas.

Isa rin anya sa dahilan ay kakulangan sa pinansyal o kulang ang sinasahod o kita.

Dagdag pa ng ahensya, na maraming mag-asawa ang nagdesisyon na huwag ng magkaroon ng anak sa gitna ng kinakaharap na krisis sa kalusugan.

Una na ring ibinunyag ng Civil Registration and Vital Statistics ng Philippine Statistics Authority na bumaba ang bilang ng mga nagpaparehistro ng kapanganakan noong 2019.

Makararanas ang ilang bahagi ng Metro Manila at Rizal ng temporary power interruptions ngayong linggo dahil sa maintenance works.

Ito ang kinumpirma ni Head of Corporate Communications ng Meralco Joe Zaldarriaga sa gitna ng nararanasang El Niño phenomenon sa bansa.

Ayon sa Meralco, nakatakda ang upgrading at maintenance works sa ilang lugar kada araw simula ngayong araw hanggang Abril 7.

Kabilang sa mga lugar na makararanas ng electricity service interruptions ang ilang parte ng Makati City, Quezon City, Laguna, Muntinlupa, Alabang, Pasig City at Diliman, Quezon City.

Epektibo na ngayong araw, Miyerkules santo ang “No day off, no absent” Policy sa mga tauhan ng Metropolitan Manila Development Authority (MMDA) .

Kasunod ito ng 2,000 personnel na ipinakalat ng ahensya upang masiguro ang ligtas at maayos na pagbiyahe ng mga pasahero ngayong Semana Santa.

Una nang sinabi ni MMDA Assistant General Manager for Operations David Angelo Vargas, na hindi nila papayagan ang vacation leave o absent sa kanilang mga tauhan upang tutukan ang mga pangunahing kalsada at masigurong ligtas at maayos ang paggunita ng kuwaresma.

Kaugnay nito, inaasahan ng ahensya ang pagdagsa ng mga pasaherong uuwi sa kani-kanilang probinsya para gunitain ang Semana Santa. – sa ulat ni Geli Mendez (Patrol 30) .

Tatapyasan ng Pilipinas ang inaangkat na bigas sa gitna ng nararanasang El Niño sa bansa.

Ayon sa US Department of Agriculture Foreign Agricultural Service, posibleng mag-angkat ng 4 million MT ng bigas ngayong taon mula sa naunang pagtaya nitong 4.1 million MT.

Batay sa datos ng Bureau of Plant Industry, nakapag-angkat ang bansa ng 793,753.49 MT ng bigas.

Nagmula naman sa Vietnam ang pinakamalaking suplay ng bigas na may 431,846.72 MT na sinundan ng thailand na may 210,127.38 MT.

Inamin ni Armed Forces of the Philippines Brigadier General Ranulfo Sevilla na bigong makalusot sa Commission on Appointments ang promosyon, na nagkaroon siya ng kabet o ibang babae.

Itinaggi naman ni Brigadier Sevilla ang alegasyon ng child abuse na ipinupukol laban sa kanya.

Ayon sa AFP official, nagkaroon siya ng relasyon sa ibang babae ngunit ito’y pagkatapos lamang niyang maghain ng annulment of marriage laban sa kanyang asawa na si Tessa Luz Reyes-Sevilla.

Dagdag pa ni Brigadier Sevilla, na ang mga kasong paglabag sa Violence Against Women and Children na isinampa laban sa kanya ay na-dismiss na ng korte.

Kamakailan lamang ay bigong makalusot sa C-A  ang promosyon ni Brigadier Sevilla matapos itong tutulan ng kanyang asawa.

Papayagayan pa ring makabiyahe ang mga pasaherong naharang dahil sa tanim-bala.

Ito ang nilinaw ni Office for Transportation Security Spokesperson Kim Alyssa Marquez dahil sa halip ay ipatutupad na lamang ang confiscation policy na sinimulan noong Duterte Administration.

Ayon kay spokesperson marquez, sa oras na maraming nakikitang bala sa bagahe ng pasahero ay agad nila itong i-endorso sa  Philippine National Police Aviation Security Group para sa kaukulang imbestigasyon.

Matatandaang muntikan ng hindi matuloy ang biyahe ng mag-asawang pasahero matapos silang makitaan ng isang bala sa kanilang bag.