Jenn Patrolla

Inalmahan ni Vice President Sara Duterte ang mga panibagong pahayag mula sa ilang miyembro ng Kamara kaugnay ng umano’y bagong impeachment complaint laban sa kanya.

Ayon kay VP Duterte, malinaw ang pattern dahil noong February 2024 ay isiniwalat nina Sen. Chiz Escudero, Rep. Toby Tiangco at iba pang kongresista na may nangyaring pangingikil umano ng pirma para sa kanyang impeachment kapalit ng budget allocations.

Pinatunayan anya ng mga rebelasyon na ang reklamong impeachment laban sa kanya ay “hindi kailanman nakabatay sa prinsipyo kundi sa presyo.”

Dagdag pa ni VP Sara, na sa kabila ng mga alegasyon ay walang imbestigasyong isinagawa upang panagutin ang sinumang sangkot sa umano’y pagwaldas ng bilyong piso para sa political warfare kung saan ang pondo ay dapat napunta sa serbisyo publiko.

Ngayong papalapit ang pag-apruba sa 2026 National Budget, sinabi ni Duterte na muling ginagamit ang impeachment bilang “bargaining chip.”

Hinamon ng bise presidente ang mga gumagamit umano ng proseso na tigilan ang pagtatago sa likod ng mga panawagang “good governance.”

Binigyang-diin ni Duterte na handa siyang sagutin ang anumang alegasyong nakabatay sa katotohanan, ngunit hindi na raw siya mananahimik habang ang impeachment process ay “ginagawang raket na nakasakay sa budget.”

Humarap na sa 6th Division Sandiganbayan ang siyam na opisyal ng Public Works and Highways-MIMAROPA kaugnay sa kasong malversation of public funds through falsification of public documents dahil sa katiwalian sa flood control projects sa Naujan, Oriental Mindoro.

Kabilang sa mga humarap ay sina DPWH Region 4-B officials Gerald Pacanan; Gene Ryan Alaurin Altea; Ruben Santos Jr.; Dominic Gregorio Serrano; Juliet Cabungan Calvo; Dennis Pelo Abagon; Montrexis Tamayo; gayundin sina Lerma Cayco at Felisardo Casuno.

Kaugnay nito, naghain ng not guilty plea ang siyam na DPWH-MIMAROPA official sa kasong malversation sa 6th Division.

Inirekomenda ng Independent Commission for Infrastructure (ICI) ang pagsasampa ng mga kasong kriminal at administratibo sa Office of the Ombudsman laban sa walong kongresista na sangkot sa maanomalyang flood control projects ng bansa.

Kabilang sa mga pinasasampahan ng kaso ay sina:

1. Former Rep. Elizaldy S. Co – FS Co. Builders Supply

2. Rep. Edwin Gardiola – Newington Builders, Inc.; Lourel Development Corporation; S-Ang General Construction & Trading Inc.

3. Rep. James Ang Jr. – IBC International Builders Corporation; Allencon Development Corporation

4. Rep. Jernie Jett Nisay – JVN Construction and Trading

5. Rep. Augustina Pancho – C.M. Pancho Construction Inc.

6. Rep. Joseph Lara – JLL Pulsar Construction Corporation

7. Rep. Francisco Matugas – Boometrix Development Corp.

8. Rep. Noel Rivera – Tarlac 3-G Construction & Development Corporation

Ayon kay ICI Chairman Andres Reyes, saklaw ng joint referral ang 1,300 infrastructure projects mula 2016 hanggang 2024 na na-award sa mga contractor na may kaugnayan sa mga kongresista.

Binigyang-diin ng ICI na bawal sa mga mambabatas ang magkaroon ng direktang o hindi direktang interes sa anumang kontrata o prangkisa ng pamahalaan, alinsunod sa Article VI, Section 14 ng 1987 Constitution. Posible rin umanong lumabag ang mga opisyal na ito sa Code of Conduct for Public Officials at sa Anti-Graft and Corrupt Practices Act.

Giit ng ICI, hindi dapat pinakikialaman, pinakikinabangan, o naaapektuhan ng mga mambabatas ang procurement at bidding processes ng gobyerno.

Naglibot si National Capital Region Police Office Chief Major General Anthony Aberin sa Parañaque Integrated Terminal Exchange (PITX) upang alamin ang sitwasyon ng terminal habang papalapit ang Undas.

Ayon kay NCRPO Chief Aberin, tuloy-tuloy ang kanilang “aggressive security operations” upang matiyak na ligtas ang biyahe ng mga pasahero at mga dadalaw sa sementeryo sa Metro Manila.

Layon din ng pag-iikot ng NCRPO chief na malaman kung kinakailangan pang magdagdag ng mga tauhan sa mga terminal at iba pang lugar.

Dagdag pa ni Aberin na mas mahigpit ang pulisya ngayong Undas kumpara noong nakaraang taon dahil sa posibleng pagtaas o pagdami ng mga pasaherong uuwi sa kani-kanilang probinsya.

Sa ngayon, wala pang namo-monitor na banta sa seguridad ngayong Undas.

Nakataas na rin sa full alert status ang NCRPO at magtatagal ito hanggang Nobyembre 3 o sa Lunes.

Pansamantalang suspendido mula Oktubre 31 hanggang Nobyembre 2, 2025 ang on-the-spot Concessionary Card Issuance Program (CCIP) o pamamahagi ng beep cards para sa mga estudyante, senior citizen, at persons with disabilities (PWDs) sa LRT Lines 1 at 2, at MRT-3 bilang paggunita sa Undas.

Ayon sa DOTr, muling magbabalik ang operasyon ng card issuance sa Lunes, Nobyembre 3.

Pinapayuhan ang mga pasahero na planuhin ang kanilang biyahe at magproseso ng concessionary cards bago o matapos ang nasabing petsa.

Para sa karagdagang impormasyon, maaaring bumisita sa website ng beep™ card.

Umabot na sa kalahating milyon ang naitalang pasahero sa Parañaque Integrated Terminal Exchange simula nitong Oktubre 27 hanggang 29.

Ito’y upang umuwi sa kani-kanilang probinsya para igunita ang Undas sa Nobyembre 1.

Ayon sa pamunuan ng PITX, inaasahan nilang dadagsain sila mamayang tanghali hanggang bukas.

Sa ngayon, tuloy-tuloy ang pagtaas ng naitatalang pasahero sa naturang terminal.

As of 9 a.m., umakyat na sa mahigit P50-K pasahero ang dumagsa sa PITX para umuwi ng probinsya.

Kaugnay nito, umakyat na sa mahigit pitumpu ang nakumpiskang ipinagbabawal dalhin o isakay sa bus, kabilang na ang itak, kutsilyo, gunting, lighter, cutter blade, at iba pa.

Kaya naman, pinapaalalahanan ng terminal ang mga pasahero na huwag nang magdala ng mga gamit na matatalim upang maging ligtas sa biyahe.

Maghahain din ng kaso sa Korte Suprema ang Lawyers for Commuters Safety and Protection laban sa mga sangkot na kontraktor sa flood control projects.

Kasunod ito ng insidente ng paglubog sa pagbaha ang Metro Manila na nagdulot perwisyo sa mga motorista at pasahero.

Ayon kay Atty. Ariel Inton, LSCP president, kabilang sa mga sasampahan nila sa Korte Suprema ay sina dating DPWH Secretary Manuel Bonoan at Quezon City congressman na mapapatunayang may pagkukulang o inirereklamo ng mga complainants.

Kung ginampanan lang aniya sana ng mga legislators ang kanilang mga tungkulin ay walang mapeperwisyo sa malawakang pagbaha.

Kabilang sa mga complainants ay ang mga residente ng Quezon City na lubhang naapektuhan ng baha.

Una nang naghain ang Commission on Audit (COA) at ang DPWH ng limang fraud audit reports sa Office of the Ombudsman.

Paspasan ang paghahain ng reklamo o kaso laban sa mga sangkot na opisyal ng Department of Public Works and Highways at mga kontraktor na sangkot sa maanomalyang flood control projects.

Ito ang mismo ang ibinilin ni Pangulong Ferdinand Marcos Junior kay DPWH Secretary Vince Dizon bago umalis patungong Cambodia.

Ayon kay Secretary Dizon, naiyak sa galit si PBBM matapos inspeksyunin ang mga flood control projects sa Bulacan at iba pang lugar.

Nakita rin anya ng Pangulo ang paulit-ulit na substandard project o ghost projects.

Gayunman, tiniyak ng DPWH na mapapanagot ang mga sala sa maanomalyang flood control projects.

Asahan na madaragdagan pa ang bilang ng mga ihahain na reklamo laban sa mga sangkot na opisyal ng Department of Public Works and Highways at kontraktor ng flood control projects.

Kasunod ito ng paghahain ng Commission of Audit at DPWH ng limang (5) fraud audit reports sa Office of the Ombudsman.

Paliwanag ni DPWH Secretary Vince Dizon, na kada proyekto ng mga kontraktor at sangkot ang isasampa nilang kaso.

Kaya’y asahan na halos araw-araw anya sila maghahain ng kaso sa Ombudsman.

Kabilang sa mga sinampahan ng kagawaran sina District Engineer Henry C. Alcantara, Assistant District Engineer Brice Ericson D. Hernandez, Project Engineer Paul Jayson F. Duya, Construction Section Chief Jaypee D. Mendoza at iba pa.

Sinisiguro ng kalihim na hindi niya titigilan ang mga sangkot sa maanomalyang flood control projects kasunod ng direktiba ni Pangulong Ferdinand Marcos Junior.

Nilinaw naman ni Secretary Dizon na ang Ombudsman mismo ang maghahain ng kaso laban sa mga sangkot pero maghahain sila ng mga may kaso na anti-graft and corruption practices, malversation, at falsification.