NATIONAL NEWS

CBCP, nadismaya sa SONA ni PBBM matapos hindi natalakay ang paglaban sa online gambling

Dismayado ang Catholic Bishop Conference of the Philippines (CBCP) sa State of the Nation Address (SONA) ni Pangulong Ferdinand Marcos Jr.

Ito, ayon kay CBCP Episcopal Commission on Public Affairs Executive Secretary Rev. Fr. Jerome Secillano, ay dahil hindi nila napakinggan sa SONA ang hinihintay na hakbang na gagawin ng Pangulo laban sa talamak na online gambling.

Giit ni Father Secillano, hindi dapat balewalain ang naturang isyu lalo na’t maraming kabataan ang nalululong dito at maraming pamilya rin ang nasisira.

Magugunitang makailang ulit nang nanawagan ang CBCP sa gobyerno para labanan ang mga iligal na sugal dahil sa negatibong epekto nito sa mga Pilipino.

—Sa panulat ni Mark Terrence Molave

July 29, 2025 0 comment

NATIONAL NEWS

Mas pinalawak na laban sa kagutuman, tiniyak ni PBBM sa ilalim ng Walang Gutom Program

written by DWIZ 882

Iyan mismo ang sinabi ni Pangulong Ferdinand Marcos Jr., hinggil sa nananatiling laban ng bansa sa kagutuman.

Ayon sa Pangulo, target ng pamahalaan na makapaglaan pa ng mas malaking karampatang pondo para maipagpatuloy ang “Walang Gutom Program” ng Department of Social Welfare and Development, na aniya ay marami nang natulungan.

Siniguro ng Pangulo na magtutuloy-tuloy ang magandang ugnayan ng DSWD at DepEd sa pagsasagawa ng mga feeding programs na target matulungan ang mga estudyante sa mga pampublikong paaralan at daycare centers.

Ipinag-utos din ng Pangulo sa mga local government units na suyurin ang mga residenteng pinaka-nangangailangan ng tulong.

July 29, 2025 0 comment

NATIONAL NEWS

Mas sistematakong giyera kontra droga, ipinagmalaki ni PBBM

written by DWIZ 882

Ipinagmalaki ni Pangulong Ferdinand Marcos Jr. sa kanyang ika-apat na State of the Nation Address ang mas pinalakas na giyera kontra iligal na droga ng kanyang administrasyon.

Sinabi ni Pangulong Marcos na malapit nang mahigitan ng kasalukuyang pamahalaan ang nakaraang administrasyon, pagdating dami ng huli sa mga sangkot sa paggamit ng iligal na droga.

Aminado ang presidente na siya ay nalulungkot dahil sa pagkakadawit ng mga opisyal at kawani ng pamahalaan sa kalakalan ng illegal drugs.

July 29, 2025 0 comment

NATIONAL NEWS

Kapayapaan at karapatang pantao, tampok sa SONA ni PBBM

written by DWIZ 882

Ipinagmalaki ni Pangulong Ferdinand Marcos Jr. sa kanyang ika-apat na State of the Nation Address na mas mapangalaga sa karapatan pantao ang lipunan ngayon.

Kasabay nito, ipinunto ni Pangulong Marcos na ang pagsasanib-pwersa ng Philippine National Police, Armed Forces of the Philippines, at mga dating rebelde ay nagdulot ng kapayapaan sa bansa, partikular na sa BARMM.

Samantala, ibinida rin ni Pangulong Marcos ang umiiral na 5-minute response rule ng PNP.

July 29, 2025 0 comment

NATIONAL NEWS

P20 na bigas, palalawigin pa sa buong bansa

written by DWIZ 882

Kumpiyansa si Pangulong Ferdinand Marcos Jr. na palalawakin pa sa buong bansa ang pagbebenta ng ‘bente pesos na kada kilo ng bigas.’

Sa kanyang SONA, sinabi ni Pangulong Marcos na matagumpay nang nailunsad ang programa sa ilang bahagi ng bansa gaya ng Pangasinan, Cebu, Bacolod, at Davao del Sur.

Ayon sa Pangulo, kayang ibaba ang presyo ng bigas sa bente pesos nang hindi nalulugi ang mga magsasaka sa buong bansa.

Prayoridad sa programa ang mga nasa vulnerable sectors, at layunin nitong tiyaking may abot-kayang bigas para sa lahat.

July 29, 2025 0 comment

EXPLAINERS

Lalaking tanging alak lang ang ininom sa loob ng isang buwan, binawian ng buhay; mga natagpuang basyong bote ng beer, umabot ng mahigit isandaang piraso

written by Angelica Doctolero

Ika nga nila, ang lahat ng sobra, masama. Katulad na lang ng mga bisyo at regular na pagkonsumo ng alak o sigarilyo. Napatunayan yan ng isang lalaki mula sa Thailand na binawian ng buhay matapos uminom ng alak sa loob ng isang buwan.

Kung bakit nagpakalango sa alak ang lalaki, eto.

Kauuwi lang mula sa eskwelahan ng 16-anyos na lalaki mula sa Ban Chang District sa Thailand nang bumungad sa kaniya ang kaniyang 44-anyos na ama na si Thaweesak Namwongsa na nagse-seizure sa kama.

Para maisalba ang kaniyang ama, humingi ng tulong ang hindi pinangalanang menor de edad sa Siam Rayong Foundation, pero nang dumating ang rescuers, binawian na ng buhay ang kaniyang tatay.

Bukod sa wala ng buhay na katawan ng lalaki, tumambad din sa rescuers ang mahigit isandaang basyo ng beer na maayos na nakasalansan sa paligid ng kama kung nasaan ang bangkay.

Ayon sa anak ng nasawi, pagkauwi sa eskwelahan ay ipinagluluto niya ito ng pagkain pero ang kaniyang tatay, tinatanggihan ito at tanging alak lang ang kinokonsumo sa loob na ng isang buwan.

Sa kasamaang palad, hinihinalang ginawang coping mechanism ng lalaki ang pag-inom matapos nitong dumaan sa divorce.

Sa mga broken hearted diyan, malaki ang mundo. Kung sawi ka sa pag-ibig ngayon, ibig sabihin hindi siya ang para sayo. Magpasalamat ka at hindi ka napunta sa maling tao.

July 28, 2025 0 comment

EXPLAINERS

Male guinea pig, nakapasok sa kulungan ng mga babaeng guinea pigs at nabuntis ang 100 sa mga ito; bilang ng mga anak, inaasahang aabot sa 400

written by Angelica Doctolero

Kung inaakala mong tao lang ang may kakayahang magkalat ng lahi, nagkakamali kayo diyan dahil mayroong guinea pig sa England na hinihinalang nakabuntis sa isandaang mga guinea pigs matapos makapasok sa kulungan ng mga ito.

Ang kwento ng avdenturous na guinea pig, eto.

Nagulat na lang ang mga tauhan sa isang pasyalan sa England na Hatton Country World nang madiskubre nilang buntis ang isandaan sa mga guinea pigs na nasa kanilang pangangalaga.

Hanggang sa napag-alaman ng mga tauhan na nakatakas pala sa kulungan ng mga lalaking guinea pigs ang isa sa mga ito na pinangalanang ‘Randy’ at nakapuslit sa enclosure ng mga babaeng guinea pigs.

Ang 300 guinea pigs sa hatton country world, inaasahang madadagdagan pa dahil sa pagkakalat ni Randy ng kaniyang lahi, na siyang ring itinuturong dahilan ng mga staff kung bakit ito namayat.

Ayon sa manager ng pasyalan na si Richard Craddock, hindi tiyak kung gaano nagtagal si Randy sa kulungan ng mga babaeng guinea pigs, pero maaaring inabot ito ng ilang linggo kung kaya nagawa umano nitong mag good time.

Hinala naman ng mga staff na maaaring nagkamali ang isa sa mga bisita na ilagay si Randy sa kulungan ng mga babae o di naman kaya ay sadyang nakatakas lang talaga ito.

Samantala, naibalik naman na si Randy sa tamang kulungan habang nagbabalak naman ang mga staff na palakihin ang encolsure ng mga guinea pigs para sa malaking pamilya ni Randy.

Sa mga may alagang guinea pigs diyan, baka oras na para maging istrikto ka, at baka magulat ka na lang, mas marami na sila kaysa sa mga tao sa bahay niyo.

July 28, 2025 0 comment

NATIONAL NEWS

Desisyon ng Korte Suprema hinggil sa impeachment ni VP Sara, ikinalugod ng kampo ng Bise Presidente

written by Jenn Patrolla

Ikinalugod ng kampo ni Vice President Sara Duterte ang desisyon ng Korte Suprema na nagdedeklarang labag sa Konstitusyon ang Articles of Impeachment laban sa pangawalang pangulo.

Ito’y dahil sa paglabag sa one-year bar rule sa ilalim ng Article I 11 Section 3(5) ng 1987 Constitution.

Ayon kay Attorney Micheal Poa, isa sa mga legal counsel ni VP Sara, pinagtibay ng Korte ang kanilang paninindigan na ang ika-4 na reklamo sa impeachment ay walang legal na basehan.

Ang unanimous decision ay tagumpay ng rule of law at nagsisilbing paalala sa limitasyon ng kapangyarihang gamitin ang proseso ng impeachment.

Gayunman, handa pa rin ang kampo ng Bise Presidente na harapin ang mga paratang sa tamang panahon at forum.

July 25, 2025 0 comment

EXPLAINERS

Lalaking nakipaghiwalay sa kaniyang nobya tatlong araw matapos nitong manganak, pineke ang kaniyang DNA test para hindi magbayad ng milyun-milyong halaga ng child support

written by Angelica Doctolero

Kapag ayaw mag-anak, mag-ingat! O kung ano pa man ang dahilan mo, wag kang tatakas o magdadahilan kapag nakabuo ka. Hindi katulad ng lalaking ito na pineke ang kaniyang DNA test para lang makatakas sa pagbibigay ng suporta sa kaniyang anak na iniwanan niya tatlong araw matapos ipanganak.

Ang kinahinatnan ng lalaki, eto.

Taong 2022 nang makipaghiwalay sa 31-anyos na si Chelsea Miller mula sa United Kingdom ang kaniyang nobyo na si Sheldon B., tatlong araw lang matapos niyang isilang ang kanilang baby boy.

Bukod sa pangit na timing ng lalaki, itinanggi pa nito na siya ang ama ng bata, at may lakas pa ito ng loob na mag-demand ng paternity test. Pero si Chelsea, kumpiyansa at sigurado na si Sheldon ang ama ng kaniyang anak.

Pero ganon na lang ang gulat ni Chelsea nang magharap sila sa korte ni sheldon dahil ayon sa resulta ng paternity test, hindi ito ang ama ng kaniyang anak.

Dahil sa hindi kapani-paniwalang resulta ng DNA test, nakiusap si Chelsea sa nanay ni Sheldon para hingin ang DNA nito at ipinasuri sa isang laboratory.

Sa huli, napaamin na lang si Sheldon na pineke niya ang ginawa niyang paternity test sa pamamagitan ng pakikipagkuntsaba sa isang empleyado sa laboratoryo.

Ang resulta kasi ng DNA test ng nanay ni Sheldon, malinaw na lumabas na apo niya ang anak ni Chelsea.

Nagawa umano ito ng lalaki para tumakas sa pagbabayad ng child support.

Samantala, pinatawan na ng 50 weeks at 33 weeks na pagkakakulong dahil sa paglabag sa conspiracy to commit fraud ang mga kinuntsaba ni Sheldon kasama na ang kaniyang tiyahin na mayroong koneksyon sa lab employee.

Sa mga may kasintahan diyan, bago mag-anak, siguraduhin niyo muna na hindi tatakas sa responsibilidad ang partner niyo.

July 25, 2025 0 comment

NATIONAL NEWS

Kongreso, dapat magsilbing ehemplo kaugnay sa pagdaraos ng SONA ni PBBM – Rep. Garin

written by DWIZ 882

KONGRESO - KAMARA - HOUE OF REPRESENTATIVE

Magsisilbing magandang ehemplo ang Kongreso kaugnay sa pagdaraos ng ika-apat na State of the Nation Address ni Pangulong Ferdinand Marcos Junior.

Ito ang inaasahan ni Iloilo 1st District Representative Janette Garin kung saan mismong si House Speaker at Leyte Representative Martin Romualdez na ang nagbigay ng direktiba na dapat gawing simple ang pagdaraos ng SONA sa Lunes, July 28.

Mas mainam aniya kung iiwasan ng Kongreso ang magarbong SONA at pagturing dito bilang fashion show.

Iginiit pa ni Congresswoman Garin na hindi masyadong napag-usapan ang paghahanda sa pagkain at inumin ng mga bisita.

Naniniwala ang kongresista na nadadala sa “peer pressure” ang mga mambabatas kaya malaki ang nagagastos lalo na sa damit.

Bukod pa rito, kasama rin aniya sa pinasisimplehan ang mga dekorasyon sa loob ng Batasang Pambansa partikular ang mga bulaklak, kurtina, LEDs, mga bagong upuan, at iba pang procurement ng mga equipment na maaaring magamit sa regular session.

Binigyang-diin pa ni Congresswoman Garin na mas mahalaga pa ring marinig ng mga Pilipino ang mensahe at ulat ng Pangulo sa bayan.

—sa panulat ni Alyssa Quevedo mula kay Geli Mendez (Patrol 30)

July 25, 2025 0 comment

Newer Posts

Older Posts