Itinilaga ni Pangulong Ferdinand “Bongbong” Marcos Jr. Si Vice President Sara Duterte bilang Officer-In-Charge habang nasa state visits ito sa Indonesia at Singapore ngayong linggo.
Batay sa Special Order No. 75, si Duterte ang hahawak sa day-to-day operation sa Office Of The President mula ngayong araw September 4 hanggang September 7.
Nabatid na ang pagbisita ni Marcos Jr., sa Indonesia at Singapore ang kaniyang unang state visit bilang Presidente ng Pilipinas.
Nakikipagpulong na ang Department of Human Settlements and Urban Development (DHSUD) Sa Metro Manila Mayors para tugunan ang housing backlog na nasa higit 6.5-M.
Ayon kay DHSUD Secretary Jose Rizalino Acuzar, majority ng 3.7- M informal settler families sa bansa ay nasa NCR.
Sa nasabing bilang, 500 thousand umano ang hindi maganda ang kondisyon habang nasa slum area, riles ng tren, tabi ng ilog, estero, at iba pang high risk na lugar.
Samantala, magpapatuloy ang pakikipag-usap ng DHSUD sa mga nasabing alkalde sa mga susunod na araw para tuluyang tuldukan ang mga problema sa housing sector.
Itinalaga ni Pangulong Ferdinand ‘Bongbong’ Marcos Junior si Teodoro Locsin Jr. Bilang ambassador sa United Kingdom of Great Britain and Northern Ireland.
Kinumpirma ito ng office of the secretary ngayong araw sa pamamagitan ng liham na may petsang August 30.
Alinsunod ang pagkakatalaga sa Section 16, Article 7 ng 1987 Constitution at iba pang batas kung saan magkakaroon ng hurisdiksyon si Locsin sa Ireland, Isle (Ayl) of Man, Bailiwick (Bey-Li-Wik) of Jersey, at Bailiwick Of Guernsey (Gern-Sey).
Nakasaad din sa liham ang sahod na ibibigay kay Locsin bilang isang Chief of Mission, Class 1.
Bago maitalaga bilang ambassador, naglingkod muna si Locsin bilang Chief ng Department Of Foreign Affairs sa ilalim ng administrasyon ni Dating Pangulong Rodrigo Duterte.
Lumipad na ngayong araw patungong Indonesia si Pangulong Ferdinand ‘Bongbong’ Marcos Jr. bilang pagtanggap sa imbitasyon ni Indonesian President Joko Widodo.
Kauna-unahang foreign trip ito ni pangulong Marcos magmula nang umupo sa pwesto noong Hunyo.
Hanggang Martes, Setyembre 6 magtatagal ang pagbisita ni PBBM sa Indonesia at lilipad din patungong Singapore para naman makipagpulong kay President Halimah Yacob at kay Prime Minister Lee Hsien (Syen) Loong (Long)
Dahil wala sa bansa, si Vice President Sara Duterte-Carpio muna ang itinalagang Officer-In-Charge.
Ang mga isyung pag-uusapan ng Punong-Ehekutibo at ni Widodo ay may kaugnayan sa Defense, Maritime Border Security, Economic Development, at People-to-People Exchanges.
Magiging witness din ang dalawang pangulo sa paglagda ng ilang kasunduan para sa defense, culture at comprehensive plan of action.
Samantala, inaasahang itataas ni Marcos sa Indonesian Officials ang kaso ni Mary Jane Veloso na kasalukuyang nasa death row dahil umano sa drug trafficking.
Nakapamahagi na ang Department of Social Welfare and Development (DSWD) ng P100-M educational cash aid sa ikatlong Sabadong distribusyon nito kahapon.
Ayon sa DSWD, nabigyan ng tulong ang mahigit 42K benepisyaryo sa bansa.
Suspendido naman kahapon ang pamamahagi ng educational cash aid sa Batanes, Ilocos Sur at Tanay, Rizal dahil sa masamang lagay ng panahon.
Sa ngayon, patuloy ang pakikipag-ugnayan ng DSWD sa mga LGUs sa CALABARZON, MIMAROPA at Western Visayas, upang mahanap ang mga mahihirap na estudyanteng mabibigyan ng ayuda.
Hanggang September 24 magtatagal ang pamamahagi ng educational cash aid.
Masusing minomonitor ng Bataan Provincial Disaster Risk Reduction and Management Office (PDRRMO) ang kondisyon sa kanilang lalawigan dahil sa naranasang sama ng panahon.
Ito ang inihayag ng Bataan PDRRMO kasunod ng naranasang mga pagbaha sa ibat ibang lugar doon kasunod ng pananalasa ni Typhoon Henry.
Kabilang sa mga lugar na nalubog sa baha ang Balanga, Pilar, Orion, Limay, at Mariveles, Bataan na nakaranas ng zero visibility dulot ng malalakas na pagbuhos ng ulan.
Karamihan naman sa mga binahang residente doon ang nagsabing hindi na bago sa kanila ang ganitong sitwasyon dahil kahit wala umanong bagyo, basta’t bumuhos lamang ang may kalakasang ulan, tiyak na agad nang babahain ang kanilang mga lugar.
Nakaranas din ng mga pagbaha sa mga area ng La Trinidad, Benguet at Metro Manila dahil kay Bagyong Henry.
Pumalo na sa 3,889,160 ang kabuuang kaso ng COVID-19 sa bansa matapos na makapagtala ang Department of Health ng 2,812 new COVID-19 infections.
Bumaba naman sa 23,571 ang active cases mula sa 23,703 nitong nakaraang Biyernes.
Naitala ng National Capital Region ang pinakamataas na bilang ng mga bagong kaso ng COVID-19 sa nakalipas na dalawang linggo na umabot sa 9,900, sinundan ng CALABARZON na mayroong 4,774, Central Luzon – 3,227, Western Visayas – 1,636 at Davao Region – 1,482.
Umakyat naman sa 3,803,627, ang mga gumaling mula sa virus habang nasa 61,962 naman ang naitalang new fatalities.
Bubuo na ng fact-checking team ang Office of the Press Secretary (OPS) para magbantay sa mga kumakalat na fake news at maling impormasyon sa social media platform.
Ayon kay Press Secretary Trixie Cruz-Angeles, aalamin ng grupo kung sino ang mga tao sa likod ng pagpapakalat ng maling impormasyon na nakakasira sa mga programa ng gobyerno.
Bubuin ang fact-checking team ng mga grupo sa ilalim sa OPS na nakatutok sa mga content sa social media pages, para ibahagi ang mga napapanahong isyu ng gobyerno at mga impormasyong dapat na malaman.
Sa ngayon, pagtitiyak ni Cruz-Angeles na kaisa ng grupo ang Malakanyang at Kongreso kontra fake news at pagpapalaganap ng edukasyon upang pigilan ito.
Bineberipika na ng National Disaster Risk Reduction and Management Council (NDRRMC) ang dalawang kaso ng pagkasawi kung may kinalaman sa pananalasa ng bagyong Gardo at Henry.
Sa panayam ng DWIZ kay Bernardo Rafaelito Alejandro IV, Assistance Secretary ng NDRRMC, nagmula sa Ilocos at Ifugao ang dalawang napaulat na nasawi.
Sinusuri pa ng ahensiya ang dalawang kaso dahil posibleng dahil sa habagat pumanaw ang mga ito at hindi dahil sa bagyong Henry at Gardo.
Sa huling datos ng NDRRMC, limang pamilya lamang ang naapektuhan ng bagyong Henry sa bansa na nananatili sa evacuation centers sa Basco, Batanes.
Wala pa namang napaulat ang ahensiya na hindi madaanang kalsada, nawalan ng kuryente at na-stranded sa mga pantalan dahil sa bagyo, maging ang mga nasira sa agrikultura at imprastruktura.
Tatalakayin na sa susunod ng linggo ng senado ang nararanasahang power blackout sa iba’t-ibang bahagi ng bansa.
Sa inilabas na schedule ng senado, pangungunahan ni Senate Committee on Energy Chairman Senator Raffy Tulfo ang pagdinig na kaugnay sa pagkawala ng suplay ng kuryente na matagal nang inirereklamo.
Kabilang sa mga resolusyong inihain ay ang nagpapatuloy na brownout sa Occidental Mindoro at hindi magandang kalidad ng electric power service sa probinsiya ng Palawan.
Pag-uusapan din ang mga isyu kaugnay sa mataas na presyo ng kuryente sa bansa na una nang inihirit ni Senate President Juan Miguel “Migz” Zubiri sa kanyang talumpati noong August 8.