NATIONAL NEWS

Presyo ng manok sa ilang palengke sa Metro Manila, bumaba

Bumaba nang P10 hanggang P20 ang presyo ng kada kilo ng manok sa ilang palengke sa Metro Manila batay sa price bulletin ng Department of Agriculture (DA).

Sa Litex Market, bumaba sa 160 pesos hanggang 170 pesos ang kada kilo ng manok habang P150 hanggang P160 pesos kada kilo naman sa Commonwealth.

Samantala, stable naman ang presyo ng gulay tulad ng:

LABANOS- NA NASA 60 PESOS KADA KILO
PATATAS- P60/KILO
BAGUIO BEANS – P90/KILO
CARROTS – P120/KILO
REPOLYO – P80/KILO
KAMATIS – P60/KILO
KALAMANSI – P60/KILO
BAWANG – P100 PER KILO
RED ONION – P140/KILO
SILING LABUYO – P400/KILO

September 3, 2022 0 comment

HEADLINES NATIONAL NEWS

Utang ng Pilipinas, pumalo na sa halos P 13- T sa pagtatapos ng Hulyo

written by Angelica Doctolero

Pumalo na sa halos P 13 – T ang utang ng gobyerno sa pagtatapos ng July 2022.

Batay sa datos ng Bureau of The Treasury (BTR), ang P 12. 89-T na kasalukuyang utang ng pamahalaan ay lumago ng 0.8% o P 96.09-B kumpara sa P 12.79-T noong June 2022.

Ini-uugnay naman ang pagtaas ng bilang sa net issuance ng domestic at external loans gayundin ang palitan ng piso kontra dolyar.

September 3, 2022 0 comment

NATIONAL NEWS

Bilang ng nababakunahan ng COVID-19 Booster Shot sa Ilalim ng ‘Pinaslakas Campaign’, Mahigit 2-M pa lamang – DOH

written by Angelica Doctolero

Inihayag ng Department of Health (DOH) na mahigit 2-M indibidwal pa lamang ang nakakatanggap ng COVID-19 booster shot sa ilalim ng “Pinaslakas Campaign”

Ito ay kahit puspusan ang hakbang ng kagawaran para ilapit sa publiko ang bakuna laban sa COVID- 19.

Sa 23-M target na mabakunahan sa unang 100 araw ni Pangulong Ferdinand Marcos Jr. Sa Oktubre ay nasa 2.1-M pa lang ang nakakakuha nito.

25,638 ang mga senior citizen na natuturukan mula sa 1.07-M target.

September 3, 2022 0 comment

HEADLINES HOT STORIES OF THE WEEK NATIONAL NEWS

Pinekeng pirma ni PBBM ipinaubaya na ng PNP sa CIDG

written by Gilbert Perdez

Inihayag ni PNP Chief PGen. Rodolfo Azurin Jr. na ipinauubaya na nila sa Criminal Investigation and Detection Group (CIDG) ang imbestigasyon ukol sa pinekeng pirma ni Pangulong Ferdinand “Bongbong” Marcos Jr. sa appointment ng bagong Bureau of Immigration chief.

Ito ang sinabi ni Azurin makaraang matukoy ng CIDG ang limang indibidwal na maaari umanong makatulong sa kaso.

Sa ganitong paraan, ayon kay Azurin, ay hindi na magugulo pa ang imbestigasyon at maiwasan na rin na may maakusahan pang mga indibidwal na hindi pa tiyak kung may kaso o wala.

Una nang binanggit ni CIDG director Police Brigadier General Ronald Lee na pinadalhan na ng subpoena ang tatlo sa limang persons of interest upang magbigay-linaw sa usapin.

September 3, 2022 0 comment

HEADLINES HOT STORIES OF THE WEEK NATIONAL NEWS

Pag-alis ni PBBM pinaghahandaan na, pagtaas ng alert status sa bansa kasado na ng PNP

written by Gilbert Perdez

Simula sa susunod na linggo ay magtataas ng alert status ang Philippine National Police (PNP) sa bansa.

Ayon kay PNP Chief PGen. Rodolfo Azurin Jr., ito’y bilang bahagi ng pagpapaigting ng seguridad sa bansa sa pag-alis ni Pangulong Ferdinand “Bongbong” Marcos Jr. para sa kanyang kauna-unahang state visit.

Nakaalerto aniya ang buong hanay ng PNP sa panahon na wala si PBBM sa Pilipinas sa loob ng apat na araw.

Magkakaroon ng state visist si Marcos sa Indonesia mula September 4 hanggang September 6 at tutuloy naman ito ng Singapore mula September 6 hanggang 7.

September 3, 2022 0 comment

HEADLINES HOT STORIES OF THE WEEK NATIONAL NEWS

“Safeguards” ipatutupad sa oras na buhayin ang ROTC—PNP

written by Gilbert Perdez

Mahalagang magpatupad ng “safeguards” kung bubuhayin muli ang Reserve Officer Training Course (ROTC) upang hindi magkaroon ng hazing.

Ito ang pahayag ni PNP Chief Police Gen. Rodolfo Azurin bunsod ng exploratory talks sa pagitan ng Department of Education (DepEd) at Armed Forces of Philippines (AFP)` ukol sa panukalang buhayin ang ROTC.

Maganda aniya ang layunin ng pagbuhay dito dahil magkakaroon ng pagkakataon ang mga mag-aaral na maranasang maging bahagi ng isang samahan na humuhubog ng disiplina ng bawat Pilipino.

Gayunman, kailangan din aniya na may mekanismo para masiguro ang kaligtasan ng mga kadeteng sasabak sa training.

Matatandaan na ginawang “optional” ang ROTC dahil sa pagkamatay ng kadeteng si Mark Chua dulot ng hazing noong 2001.

September 3, 2022 0 comment

HEADLINES HOT STORIES OF THE WEEK NATIONAL NEWS

Pagprotekta sa mga kababaihang estudyante siniguro ng PNP

written by Gilbert Perdez

Tiniyak ng Philippine National Police (PNP) na tinututukan nito ang mga insidente ng krimen laban sa mga estudyanteng babae.

Katunayan, sinabi ni PNP Chief Police Gen. Rodolfo Azurin Jr. na nakapagtala na sila 149 na kaso ng krimen sa buong bansa mula Hulyo 1 hanggang Agosto 31, taong kasalukuyan.

Nabatid na pinakamarami ang mga naitalang kasong rape sa National Capital Region (NCR) habang ang iba naman ay Acts of Lasciviousness at paglabag sa Anti-Violence Against Women and Their Children Act.

Nagbabala naman si Azurin na hindi intensyon ng PNP na maalarma ang mga mag-aaral pero kailangan aniyang maging maingat ang mga ito.

Nakikipagtulungan din ang pulisya sa Department of Education (DepEd) para masiguro ang kaligtasan ng mga guro at estudyante.

September 3, 2022 0 comment

NATIONAL NEWS

PDRRMO nagpatupad ng ‘no swimming’ policy hangga’t hindi nakakalabas ang bagyong Henry

written by Gilbert Perdez

Ipinag-utos ng Provincial Disaster Risk Reduction and Management Office (PDRRMO) ang pagpapatupad ng “no swimming” policy sa mga baybaying sakop ng Pangasinan hangga’t hindi pa nakakalabas ng Philippine Area of Responsibility ang bagyong Henry.

Nanawagan din sa mga mangingisda si PDRRMO operations officer Patrick Aquino na iwasan munang pumalaot kahit walang gale warning.

Samantala, isinailalim naman sa blue alert status ang lahat ng probinsya sa Ilocos region dahil pa rin kay “Henry”.

September 3, 2022 0 comment

NATIONAL NEWS

Sibilyan makakatuwang ng militar sa kampaya kontra ASG

written by Gilbert Perdez

Makakatuwang ng militar ang mga sibilyan sa kampanya nito laban sa Abu Sayyaf Group (ASG), kabilang ang pagpapanatili ng batas at kaayusan sa Sulu.

Ito’y matapos isalang sa pagsasanay ng 100th Infantry Battalion ng Philippine Army ang nasa 60 miyembro ng Barangay Peacekeeping Action Teams (BPATs) sa mga barangay ng Buanza, Kajatian, at Tagbak sa bayan ng Indanan.

Ayon kay 100IB head Lt. Col. Michael Cuenca, sa pamamagitan ng training ay mas lalong mauunawaan ng BPATs ang tungkol sa criminal justice system, civilian arrest, at crime prevention.

Maliban dito, tinuruan din ang mga sibilyan tungkol sa basic first aid; disaster preparedness; gun safety; firearm assembly at disassembly; anti-terrorism; at coordination.

September 3, 2022 0 comment

NATIONAL NEWS

Seaweed at bamboo industry group nanghihngi ng dagdag budget sa pamahalaan

written by Angelica Doctolero

Humiling ng karagdagang budget ang seaweed at bamboo industry group sa pamahalaan.

Sinabi ni Seaweed Industry Association Of The Philippines Chair Alfredo Pedrosa the third na ang pagbabalik ng orihinal na budget na P250-M ay may malaking tulong sa kanilang industriya.

Malayo na rin aniya mararating ng nasabing halaga para mapalakas ang seaweed industry at matulungan ang kabuhayan ng mga producers.

Sa panig naman ng Philippine Bamboo Foundation Inc. President Edgardo Manda na ang paglalaan ng 2-B ay makatutulong sa paggawa ng mga flooding materials at paggawa ng mga Commercial Bamboo Plantations.

Sa nasabing mga programa, makikinabang din ang mga local farmers ng mga kawayan.

September 3, 2022 0 comment

Newer Posts

Older Posts