Inamin ni Department of Agriculture (DA) Undersecretary Domingo Panganiban na pangunahing problema sa kagawaran ang korapsyon at katiwalian.
Ayon kay Domingo, kasalukuyang iniimbestigahan na nito ang mga tiwali sa DA at sa ngayon ay nakatutok ang Pangulong Bongbong Marcos Jr. sa seguridad ng pagkain sa bansa.
Nabatid na nauna naring kinumpirma ng Pangulong Marcos Jr. malalaman ang tunay na estado ng suplay ng asukal sa bansa bago matapos ang taon.
Inapela ni Commission on Election (COMELEC) Chairman George Garcia na pagkalooban ng P9.3-B pondo ang COMELEC para sa pagtatayo ng sariling headquarters ng komisyon.
Sa panukala ng COMELEC sa House Appropriations Committee, nais ng komisyon na itayo ang naturang gusali sa Central Business Park 1 sa Mall of Asia Complex sa Pasay na may sukat na dalawang ektarya.
Ayon kay Garcia, P159-M kasi ang ginagastos ng COMELEC kada taon sa pangungupahan ng opisina nito sa Palacio del Gobernador sa Intramuros, Manila.
Aniya, panahon na para magkaroon ng sariling headquarters ang komisyon, gayong ang Commission on Audit (COA) at Commission on Human Rights (CHR) ay may sariling mga gusali pagmamay-ari nito mismo.
Tiniyak ni Senator Alan Peter Cayetano ang malaking pondo para sa 2023 at modernisasyon para sa Polytechnic University of the Philippines (PUP) oras na talakayin na sa senado ang pondo para sa State Universities and Colleges (SUCS) sa ilalim ng panukalang 2023 national budget.
Ayon kay Cayetano karapat-dapat lang ang mas malaking pondo para sa unibersidad gayong mataas ang demand sa mga employer ng mga nagtapos mula sa nasabing pamantasan at mas marami pa itong magagawa kung dadagdagan ang pondo.
Samantala, bukod sa PUP nais din ng senador ang pagpapatupad ng mga pagbabago sa lahat ng mga kolehiyo’t unibersidad sa bansa.
Magiging online na ang pagdaraos ng mga pagdinig sa Supreme Court.
Ito ay matapos magdesisyon ang Korte Suprema na gawing video conferencing ang lahat ng mga Court proceedings kahit nagwakas na ang COVID-19 pandemic.
Ayon kay Chief Justice Alexander Gesmundo, kasalukuyang nang inaayos ng Committee on Virtual Hearings and Electronic Testimony ang ipatutupad na panuntunan sa Online hearing.
Ito ay para maging live pa rin ang visual connection ng dalawang panig o higit pa sa pamamagitan ng internet para magmukhang face to face ang padinig.
Noon pang 2020, pinayagan ng SC ang mga Trial Court at Appellate Court na magsagawa ng pagdinig sa pamamagitan ng video conferencing na ginagawa na rin sa ibang Korte noong 2019.
Isinusulong ngayon ng isang Senador na gunitain tuwing Pebrero a-1 ang National Hijab Day.
Bilang pakikiisa ito sa mga kababaihang Muslim at pagpapahalaga na rin sa kanilang pagsusuot ng Hijab bilang simbolo ng kahinhinan.
Sa Senate Bill 1272 na inihain ni Senator Robin Padilla, layunin nitong tuldukan ang diskriminasyon lalo na sa mga Muslim Women sa pamamagitan ng ‘Awareness, Education at Empowerment’.
Hangad din ng panukala na kontrahin ang ‘colonial mentality’ kung saan nagiging simbolo ng pang-aapi ang pagsusuot ng Hijab.
Sa ilalim ng panukala, magiging Lead agency ang National Commission on Muslim Filipinos sa pakikipagugnayan sa Bangsamoro Women Commission.
Nilinaw ng Department of Social Welfare and Development (DSWD) na wala ng extension ang pamamahagi ng educational assistance sa bansa.
Ito ay kasunod ng anunsiyo ng DSWD na sarado na ang kanilang Online application para sa mga gustong makakuha ng ayuda, matapos umabot sa 2 milyon ang bilang ng mga aplikante.
Ayon kay DSWD secretary Erwin Tulfo, nagkausap na nila ng liderato ng kongreso kung saan natalakay kung paano maipagpapatuloy ang pamamahagi ng educational assistance.
Tiniyak naman ni Tulfo na gumagawa sila ng paraan para matulungan din ang mga estudyante gaya ng mga nasa isolated areas at yung mga walang kakayahang mag-online.
Samantala dahil sa kakulangan ng pondo, ikinokonsiderang gamitin ang pondo ng mga Kongresista para mabigyan ang natitira pang pamilya na hindi nakatanggap ng educational assistance.
Isinusulong ni Senador Alan Peter Cayetano ang modernisasyon ng Polytechnic University of the Philippines (PUP) matapos matagumpay na makahubog ng mga estudyanteng “preferred” ng mga employer.
Ito ang inihayag ng mambabatas sa kanyang talumpati noong ika-30 anibersaryo ng PUP noong Biyernes.
Batay sa isinagawang survey sa mga employer, naitala ng jobstreet na ang PUP ang nangungunang pinagmumulan ng fresh graduate hire noong 2017.
Itinuturong rason ang positive attitude at work ethics ng mga empleyadong produkto ng naturang pamantasan.
Sinigurado naman ng senador na mabibigyan ng karampatang budgetary support ang modernisasyon ng pamantasan.
Kaugnay nito, itinutulak din ni cayetano ang pagrereporma sa iba pang State Universities at Colleges (SUC).- sa panunulat ni Hannah Oledan
Nagpaabot ng pakikiramay si Manila Archbishop Jose Cardinal Advincula sa pagpanaw ni Queen Elizabeth II.
Ayon kay Advincula, maituturing na end of an era ang pagpanaw ng dating reyna.
Pinuri ng arsobispo ang katatagan ng lider na pitong dekadang namuno at nag-alay din ito ng dasal para sa yumao at pamilya nito.
Pumanaw si Queen Elizabeth noong Huwebes sa edad na 96, na siya ring pagtatapos ng kanyang 70-year reign bilang pinuno ng United Kingdom at Commonwealth Realms. - sa panunulat ni Hannah Oledan
Inihayag ni Senadora Grace Poe na nais niyang magsagawa ng imbestigasyon ang senado hinggil sa sunod-sunod na kaso ng kidnapping sa bansa.
Nais namang maghain ni Poe ng resolusyon na maguudyok sa committee on public order and dangerous drugs at iba pang kumite na magsagawa ng inquiry sa kidnapping na naitala sa Maynila at iba pang bahagi ng Luzon.
Ayon sa Philippine National Police (PNP), 27 kaso na ng kidnapping ang naitala sa kasalukuyang taon.
Kabilang rito ang 15 kaso na konektado sa POGO, 11 kaso ng kidnap for ransom at isang casino-related na kaso.
Giit ng mambabatas, matindi ang pangangailangan na malutas at malaman ang motibo para matukoy ang mga salarin at mapigil ang patuloy na pagtaas ng kidnapping sa bansa. - sa panunulat ni Hannah Oledan
Nalubog sa baha ang ilang lugar sa Metro Manila dahil sa naranasang mga pag-ulan.
Halos mag zero visibility kahapon sa bahagi ng Commonwealth Avenue, Quezon City bunsod ng matinding sama ng panahon.
Nakaranas naman ng pagbaha sa bahagi ng Fourth Estate Subdivision, Dr. A. Santos Avenue-Sucat Road, Paranaque.
Binaha rin ang mga area ng EVACOM-Gatchalian Avenue, Valley 1, Doña Soledad, Evacom at SM Sucat.
Agad namang humupa ang mga pagbaha nang tumila ang ulan.